updated on:2018-03-11 07:25 PM
ആന്ധ്രയില്‍ ജീപ്പിന് പിറകില്‍ ബസിടിച്ച് നായ്ക്കാപ്പ്, മധൂര്‍ സ്വദേശികളായ നാല് പേര്‍ മരിച്ചു

www.utharadesam.com 2018-03-11 07:25 PM,
അപകടം തിരുപ്പതി ക്ഷേത്ര ദര്‍ശനത്തിന് പോകുമ്പോള്‍

കുമ്പള: കാസര്‍കോടിനെ നടുക്കിയും കണ്ണീരിലാഴ്ത്തിയും വീണ്ടും അപകട മരണം.
കുമ്പള നായിക്കാപ്പില്‍ നിന്ന് തിരുപ്പതി ക്ഷേത്ര ദര്‍ശനത്തിന് പുറപ്പെട്ട സംഘം സഞ്ചരിച്ച ജീപ്പിന് പിറകില്‍ ബസിടിച്ച് നായിക്കാപ്പ് സ്വദേശികളായ മൂന്ന് പേര്‍ക്കും മധൂര്‍ സ്വദേശിയായ ഒരാള്‍ക്കും ദാരുണാന്ത്യം. ആറുപേര്‍ക്ക് പരിക്കേറ്റു.
ഇന്ന് പുലര്‍ച്ചെ മൂന്ന് മണിയോടെ ആന്ധ്രാപ്രദേശ് ചിത്തൂര്‍ ബങ്കാരുപാല പൊലീസ് സ്റ്റേഷന്‍ പരിധിയിലാണ് നാടിനെ നടുക്കിയ അപകടമുണ്ടായത്. കുമ്പള നായിക്കാപ്പിലെ പക്കീരഗട്ടി(72), അനുജന്‍ മഞ്ചപ്പ ഗട്ടി(67), മഞ്ചപ്പഗട്ടിയുടെ ഭാര്യ സുന്ദരി(55), ബന്ധു മധൂര്‍ മന്നിപ്പാടിയിലെ സദാശിവന്‍ (55) എന്നിവരാണ് മരിച്ചത്.
ഇന്നലെ ഉച്ചയ്ക്ക് രണ്ടരയോടെയാണ് പത്തംഗ സംഘം കുമ്പള നായിക്കാപ്പില്‍ നിന്ന് സൈലോ ജീപ്പില്‍ തിരുപ്പതി ക്ഷേത്ര ദര്‍ശനത്തിനായി പുറപ്പെട്ടത്.
ക്ഷേത്രത്തിലെത്താന്‍ 140 കിലോമീറ്റര്‍ അവശേഷിക്കെയാണ് അപകടമുണ്ടായത്. ഇവര്‍ സഞ്ചരിച്ച സൈലോ ജീപ്പിന് പിറകില്‍ ടൂറിസ്റ്റ് ബസ് ഇടിക്കുകയായിരുന്നുവെന്നാണ് നാട്ടില്‍ ലഭിച്ച വിവരം. ജീപ്പ് ഡ്രൈവര്‍ കുമ്പള പെര്‍വാഡിലെ ഉമേശ്(40), പെര്‍വാഡ് സ്വദേശിയും ഓട്ടോ ഡ്രൈവറുമായ ഹരീശന്‍ (30), കുമ്പള സ്വദേശികളായ ലക്ഷ്മി, ബോജ, മാധവ, നാഗേഷ് എന്നിവര്‍ക്കാണ് പരിക്കേറ്റത്. ഇവരെ ചിത്തൂരിലെ ആസ്പത്രിയില്‍ പ്രവേശിപ്പിച്ചു.
സഹോദരങ്ങളുടെയും ഇവരിലൊരാളുടെ ഭാര്യയുടെയും മരണം നായ്ക്കാപ്പിനെ കണ്ണീരിലാഴ്ത്തി. കര്‍ഷകരാണ് മരിച്ച പക്കീര ഗട്ടിയും മഞ്ചപ്പ ഗട്ടിയും.
ഗിരിജയാണ് മരിച്ച പക്കീരഗട്ടിയുടെ ഭാര്യ. മക്കള്‍: രാജ, ഗീത, സതീശന്‍, സരിത, അനിത, കവിത, സുജിത്ര.
മരിച്ച മഞ്ചപ്പഗട്ടി-സുന്ദരി ദമ്പതികള്‍ക്ക് വിശാലക്ഷ്മി, അരുണാക്ഷി, സുഹാസിനി, ഭവ്യ, ശ്രീകാന്ത് എന്നീ മക്കളുണ്ട്.
മരിച്ച സദാശിവന്‍ കോണ്‍ക്രീറ്റ് തൊഴിലാളിയായിരുന്നു. ബാബുഗട്ടി-സുന്ദരി ദമ്പതികളുടെ മകനാണ്.




Related News
Recent News
  ഓട്ടോഡ്രൈവറെ ആളുമാറി മര്‍ദ്ദിച്ചു

  കാറ്റ് എന്‍.ഡി.എക്ക് അനുകൂലം-രവീശതന്ത്രി

  കഞ്ചാവ് എത്തിച്ചത് വിശാഖപട്ടണത്തുനിന്ന്; കാസര്‍കോട്ട് പിടിയിലായത് ലഹരിമാഫിയാസംഘത്തിലെ പ്രധാനകണ്ണികള്‍

  ബൈക്കുകള്‍ കൂട്ടിയിടിച്ച് പരിക്കേറ്റ യുവാവ് ആസ്പത്രിയില്‍ മരിച്ചു; മറ്റൊരു യുവാവിന് ഗുരുതരം

  ഡോ. ആമിനയുടെ വീട്ടില്‍ സൗഹൃദത്തിന്റെ ഊഞ്ഞാലിലാടി പി.ടി. ഉഷയും പഴയ സഹപാഠികളും

  ചള്ളങ്കയം സി.എച്ച്. അബ്ദുല്ല മുസ്ലിയാര്‍ അന്തരിച്ചു

  പെര്‍ളയില്‍ വീടിന്റെ പൂട്ട് പൊളിച്ച് 26 പവന്‍ സ്വര്‍ണാഭരണങ്ങളും പണവും കവര്‍ന്നു

  വാഹനത്തിലേക്ക് മാറ്റുന്നതിനിടെ മാര്‍ബിള്‍ വീണ് മൂന്ന് പേര്‍ക്ക് പരിക്ക്

  കുമ്പളയില്‍ 3 വയസ്സുകാരിക്ക് സൂര്യാഘാതമേറ്റു

  കുട്ടികളെ വാഹനങ്ങളില്‍ കുത്തിനിറച്ച് കൊണ്ടുപോകുന്നതിനെതിരെ കര്‍ശന നടപടിയെന്ന് പൊലീസ്

  യുവാവിനെ ബൈക്ക് തടഞ്ഞ് മര്‍ദ്ദിച്ചതായി പരാതി

  കുമ്പളയിലെ ക്ഷേത്രക്കവര്‍ച്ച; വിരലടയാളം ലഭിച്ചു

  മുഖ്യാതിഥിയായി പി.ടി. ഉഷ എത്തി; ക്ഷയരോഗ ദിനാചരണത്തിന് തുടക്കമായി

  കാഞ്ഞങ്ങാട്ടും കുറ്റിക്കോലിലും 2 പേര്‍ക്ക് സൂര്യതാപമേറ്റു

  ടിപ്പര്‍ ലോറി മറിഞ്ഞ് ഡ്രൈവര്‍ക്ക് പരിക്ക്