updated on:2018-05-13 06:33 PM
മാലിന്യക്കൂമ്പാരം നിറഞ്ഞു; ഉപ്പള ചീഞ്ഞുനാറുന്നു

www.utharadesam.com 2018-05-13 06:33 PM,
ഉപ്പള: ഉപ്പളയിലും പരിസര പ്രദേശങ്ങളിലും മാലിന്യം മൂലം ജനങ്ങള്‍ പൊറുതി മുട്ടുന്നു. പലയിടത്തും മാലിന്യക്കൂമ്പാരം കാരണം പരിസരം ചീഞ്ഞുനാറുകയാണ്. ഉപ്പള, കൈക്കമ്പ, നയാബസാര്‍, ബന്തിയോട് എന്നിവിടങ്ങളിലാണ് മാലിന്യക്കൂമ്പാരം കുന്ന് കൂടിക്കിടക്കുന്നത്. മാലിന്യം യഥാ സമയം നീക്കം ചെയ്യാതെ മംഗല്‍പ്പാടി പഞ്ചായത്ത് അധികൃതര്‍ മൗനം പാലിക്കുന്നതായി നാട്ടുകാര്‍ ആരോപിക്കുന്നു. മഴക്ക് മുമ്പ് മാലിന്യങ്ങള്‍ നീക്കിയില്ലെങ്കില്‍ പകര്‍ച്ച വ്യാധി അടക്കമുള്ള രോഗങ്ങള്‍ക്ക് കാരണമാകുമെന്ന് ആരോഗ്യ വകുപ്പ് ഉദ്യോഗസ്ഥര്‍ പറയുന്നു.
മാലിന്യക്കൂമ്പാരത്തില്‍ നിന്ന് ഭക്ഷിക്കാന്‍ എത്തുന്ന പട്ടിക്കൂട്ടം കാല്‍നട യാത്രക്കാരെ അക്രമിക്കുന്നത് പതിവ് കാഴ്ചയാണ്. മാസങ്ങള്‍ക്ക് മുമ്പ് ഉപ്പളയിലെ മാലിന്യക്കൂമ്പാരത്തിന് സമീപത്ത് നിന്ന് പട്ടിക്കൂട്ടം കാല്‍നട യാത്രക്കാരായ പിഞ്ചുകുഞ്ഞടക്കം എട്ടോളം പേരെ കടിച്ച് പരിക്കേല്‍പ്പിച്ചിരുന്നു.
ദേശീയ പാതയോരത്തെ വീടുകളില്‍ നിന്നും വ്യാപാര സ്ഥാപനങ്ങളില്‍ നിന്നും മാലിന്യം കൊണ്ട് വന്ന് റോഡരികിലാണ് തള്ളുന്നത്. ഇത് നിയന്ത്രിക്കാന്‍ ഒരു നടപടിയുമില്ല. വര്‍ഷങ്ങള്‍ക്ക് മുമ്പ് മംഗല്‍പാടി പഞ്ചായത്ത് അധികൃതര്‍ മാലിന്യങ്ങള്‍ നിക്ഷേപിക്കാന്‍ ഉപ്പള ടൗണിന്റെ പല ഭാഗങ്ങളിലും പ്ലാസ്റ്റിക് വീപ്പകള്‍ നിക്ഷേപിച്ചിരുന്നു. ഇവ പൊട്ടിപ്പൊളിഞ്ഞെങ്കിലും പുനഃസ്ഥാപിച്ചില്ല. എത്രയും പെട്ടെന്ന് മാലിന്യങ്ങള്‍ നീക്കം ചെയ്തില്ലെങ്കില്‍ നിമയപരമായി മുന്നോട്ട് പോകുമെന്ന് വ്യാപാരികള്‍ പറഞ്ഞു.



Recent News
  ചേരങ്കൈയില്‍ അഞ്ച് വീടുകള്‍ക്ക് ഭീഷണി, തൃക്കണ്ണാട്ടെ 27 കുടുംബങ്ങളെ മാറ്റി പാര്‍പ്പിച്ചു

  ഉപ്പള സ്വദേശി ഖത്തറില്‍ അന്തരിച്ചു

  10 കിലോ കഞ്ചാവുമായി രണ്ടുപേര്‍ അറസ്റ്റില്‍

  കണ്ണാടിപ്പാറയില്‍ ഇ.എം.എസ്. ഭവന് തീവെച്ചു; ക്ലബ്ബ് തകര്‍ത്തു

  ജനാധിപത്യത്തില്‍ വേര്‍തിരിവുകള്‍ പാടില്ല -മന്ത്രി ഇ. ചന്ദ്രശേഖരന്‍

  സുഹ്‌റത്ത് സിതാരയുടെ ഇംഗ്ലീഷ് നോവല്‍ പ്രകാശിതമായി

  ജില്ലാ കോടതിയില്‍ സ്വാതന്ത്ര്യദിനം ആഘോഷിച്ചു

  പ്രളയം; സഹായഹസ്തവുമായി സിറ്റിഗോള്‍ഡ് ചാരിറ്റബിള്‍ ട്രസ്റ്റ് ദുരന്ത ഭൂമിയിലേക്ക്

  കൈക്കമ്പയില്‍ വാടക വീടിന്റെ ഓട് നീക്കി എട്ട് പവന്‍ സ്വര്‍ണ്ണാഭരണവും പണവും കവര്‍ന്നു

  കുന്നുംകൈയില്‍ മലയുടെ ഒരുഭാഗം ഇടിഞ്ഞു; ഗതാഗത തടസ്സം നീക്കി

  അബൂബക്കര്‍ സിദ്ദീഖിനെ കൊലപ്പെടുത്താനുപയോഗിച്ച കത്തി ഉത്സവപറമ്പില്‍ നിന്ന് വാങ്ങിയതാണെന്ന് മൊഴി

  കാറിടിച്ച് വൈദ്യുതി തൂണ്‍ തകര്‍ന്നു; ദുരന്തമൊഴിവായത് ഭാഗ്യം കൊണ്ട്

  'എര്‍ത്ത് ടു നെപ്റ്റിയൂണ്‍': ഏഴാംക്ലാസ് വിദ്യാര്‍ത്ഥിനിയുടെ ഇംഗ്ലീഷ് നോവല്‍ നാളെ പ്രകാശിതമാവുന്നു

  സംസ്ഥാനതല ഫോട്ടോഗ്രാഫി മത്സരത്തില്‍ ദിനേശ് ഇന്‍സൈറ്റിന് ഒന്നാംസ്ഥാനം

  കാഞ്ഞങ്ങാട്ട് പൂട്ടിയിട്ട വീട് കുത്തിത്തുറന്ന് 105 പവന്‍ കവര്‍ന്ന കേസില്‍ അന്വേഷണം ഊര്‍ജ്ജിതം