updated on:2018-05-14 05:49 PM
പ്രതിരോധത്തെ അസ്ഥാനത്താക്കി ഡെങ്കിപ്പനി പടരുന്നു; സ്ഥിതിഗതികള്‍ വിലയിരുത്താന്‍ ആരോഗ്യമന്ത്രി കാഞ്ഞങ്ങാട്ടെത്തി

www.utharadesam.com 2018-05-14 05:49 PM,
കാഞ്ഞങ്ങാട്: ജില്ലയിലെ മലയോരപ്രദേശങ്ങളില്‍ വ്യാപിച്ച ഡെങ്കിപ്പനി കൂടുതല്‍ പ്രദേശങ്ങളില്‍ പടര്‍ന്നുപിടിക്കുന്നു. ആരോഗ്യവകുപ്പ് സ്വീകരിക്കുന്ന പ്രതിരോധനടപടികളെ അസ്ഥാനത്താക്കിക്കൊണ്ടാണ് ഡെങ്കിപ്പനി പടരുന്നത്. ദിവസവും ഡെങ്കിപ്പനി ബാധിച്ച് ആസ്പത്രികളില്‍ ചികിത്സക്കെത്തുന്നവരുടെ എണ്ണം പെരുകുകയാണ്. മാലോം, വെള്ളരിക്കുണ്ട്, കൊന്നക്കാട് തുടങ്ങിയ മലയോരപ്രദേശങ്ങളിലാണ് ഏറെയും ഡെങ്കിപ്പനി ബാധിതരുള്ളത്. ഈമാസം 107 പേര്‍ക്ക് ഡെങ്കിപ്പനി ബാധിച്ചതായാണ് കണക്ക്. ഇന്നലെ ആറുപേര്‍കൂടി പനി ബാധിച്ച് ആസ്പത്രിയില്‍ ചികിത്സ തേടി. ഇന്നും ആസ്പത്രികളില്‍ ചികിത്സ തേടിയെത്തിയവരുണ്ടെന്നാണ് വിവരം. വേനല്‍ക്കാലത്ത് ഇത്രയും പേര്‍ക്ക് ഡെങ്കിപ്പനി ബാധിക്കുന്നത് ആദ്യമായാണെന്ന് അധികൃതര്‍ പറയുന്നു. വേനല്‍മഴയും കാലാവസ്ഥാ വ്യതിയാനവും ഡെങ്കിപ്പനി പടരുന്നതിന് കാരണമാണ്. ജില്ലയിലെ അടിയന്തിര സാഹചര്യം കണക്കിലെടുത്ത് ആരോഗ്യമന്ത്രി കെ.കെ. ശൈലജ ഇന്ന് രാവിലെ കാഞ്ഞങ്ങാട്ടെത്തി. റവന്യൂമന്തി ഇ. ചന്ദ്രശേഖരനാണ് ഡെങ്കിപ്പനിയുടെ ഭീകരാവസ്ഥ ആരോഗ്യമന്ത്രിയെ വിളിച്ച് ബോധ്യപ്പെടുത്തിയത്. രാവിലെ മന്ത്രി കെ.കെ. ശൈലജയുടെ സാന്നിധ്യത്തില്‍ വ്യാപാരഭവനില്‍ യോഗം ചേര്‍ന്നു. ഡെങ്കിപ്പനിയെ പ്രതിരോധിക്കുന്നതിനാവശ്യമായ നടപടികളും മാര്‍ഗങ്ങളും മന്ത്രി നിര്‍ദേശിച്ചു. തദ്ദേശസ്ഥാപനങ്ങള്‍ ഇക്കാര്യത്തില്‍ സ്വീകരിക്കേണ്ട നടപടികളെക്കുറിച്ചും യോഗത്തില്‍ ചര്‍ച്ച ചെയ്തു.
ഈഡിസ് കൊതുകുകള്‍ പരത്തുന്ന വൈറസ് ബാധയാണ് ഡെങ്കിപ്പനിയെന്നതിനാല്‍ ഇത്തരം കൊതുകുകളെ നിര്‍മ്മാര്‍ജനം ചെയ്യുന്നതിന് പൊതുജനങ്ങളുടെ സഹകരണം അനിവാര്യമാണെന്നാണ് ആരോഗ്യവകുപ്പധികൃതര്‍ വ്യക്തമാക്കുന്നത്. കാഞ്ഞങ്ങാട്ടെ ജില്ലാ ആസ്പത്രിയിലും മലയോരത്തെ പ്രാഥമികാരോഗ്യകേന്ദ്രങ്ങളിലും ഡെങ്കിപ്പനി ബാധിച്ച് നിരവധി പേരാണ് ചികിത്സയില്‍ കഴിയുന്നത്.

കാസര്‍കോട്ട് രണ്ട് പേര്‍ക്ക് ഡെങ്കിപ്പനി;
പനിമൂലം നിരവധി പേര്‍ ചികിത്സയില്‍

കാസര്‍കോട്: കാസര്‍കോട്ട് രണ്ട് പേരെ ഡെങ്കിപ്പനി ബാധിച്ച് ജനറല്‍ ആസ്പത്രിയില്‍ പ്രവേശിപ്പിച്ചു.
മൗവ്വല്‍ സ്വദേശി സീന (42), നെല്ലിക്കട്ട സ്വദേശി അനില്‍കുമാര്‍ (38) എന്നിവരെയാണ് കടുത്ത പനി ബാധിച്ചതിനെ തുടര്‍ന്ന് ബന്ധുക്കള്‍ ആസ്പത്രിയില്‍ കൊണ്ടുവന്നത്. ഡോക്ടര്‍ പരിശോധിച്ച ശേഷം ഡെങ്കിപ്പനിയാണെന്ന് സ്ഥിരീകരിച്ചു.
അതേസമയം പനി ബാധിച്ച് കുട്ടികളടക്കം നിരവധി പേരാണ് ആസ്പത്രികളില്‍ ചികിത്സ തേടിയിട്ടുളളത്.



Recent News
  ചേരങ്കൈയില്‍ അഞ്ച് വീടുകള്‍ക്ക് ഭീഷണി, തൃക്കണ്ണാട്ടെ 27 കുടുംബങ്ങളെ മാറ്റി പാര്‍പ്പിച്ചു

  ഉപ്പള സ്വദേശി ഖത്തറില്‍ അന്തരിച്ചു

  10 കിലോ കഞ്ചാവുമായി രണ്ടുപേര്‍ അറസ്റ്റില്‍

  കണ്ണാടിപ്പാറയില്‍ ഇ.എം.എസ്. ഭവന് തീവെച്ചു; ക്ലബ്ബ് തകര്‍ത്തു

  ജനാധിപത്യത്തില്‍ വേര്‍തിരിവുകള്‍ പാടില്ല -മന്ത്രി ഇ. ചന്ദ്രശേഖരന്‍

  സുഹ്‌റത്ത് സിതാരയുടെ ഇംഗ്ലീഷ് നോവല്‍ പ്രകാശിതമായി

  ജില്ലാ കോടതിയില്‍ സ്വാതന്ത്ര്യദിനം ആഘോഷിച്ചു

  പ്രളയം; സഹായഹസ്തവുമായി സിറ്റിഗോള്‍ഡ് ചാരിറ്റബിള്‍ ട്രസ്റ്റ് ദുരന്ത ഭൂമിയിലേക്ക്

  കൈക്കമ്പയില്‍ വാടക വീടിന്റെ ഓട് നീക്കി എട്ട് പവന്‍ സ്വര്‍ണ്ണാഭരണവും പണവും കവര്‍ന്നു

  കുന്നുംകൈയില്‍ മലയുടെ ഒരുഭാഗം ഇടിഞ്ഞു; ഗതാഗത തടസ്സം നീക്കി

  അബൂബക്കര്‍ സിദ്ദീഖിനെ കൊലപ്പെടുത്താനുപയോഗിച്ച കത്തി ഉത്സവപറമ്പില്‍ നിന്ന് വാങ്ങിയതാണെന്ന് മൊഴി

  കാറിടിച്ച് വൈദ്യുതി തൂണ്‍ തകര്‍ന്നു; ദുരന്തമൊഴിവായത് ഭാഗ്യം കൊണ്ട്

  'എര്‍ത്ത് ടു നെപ്റ്റിയൂണ്‍': ഏഴാംക്ലാസ് വിദ്യാര്‍ത്ഥിനിയുടെ ഇംഗ്ലീഷ് നോവല്‍ നാളെ പ്രകാശിതമാവുന്നു

  സംസ്ഥാനതല ഫോട്ടോഗ്രാഫി മത്സരത്തില്‍ ദിനേശ് ഇന്‍സൈറ്റിന് ഒന്നാംസ്ഥാനം

  കാഞ്ഞങ്ങാട്ട് പൂട്ടിയിട്ട വീട് കുത്തിത്തുറന്ന് 105 പവന്‍ കവര്‍ന്ന കേസില്‍ അന്വേഷണം ഊര്‍ജ്ജിതം