updated on:2018-06-08 08:54 PM
അന്ത്യോദയ എക്‌സ്പ്രസ്: കാസര്‍കോട്ട് സ്റ്റോപ്പില്ലാത്തതില്‍ പ്രതിഷേധം ശക്തം

www.utharadesam.com 2018-06-08 08:54 PM,
കാസര്‍കോട്: മുന്‍കൂര്‍ റിസര്‍വ്വേഷനില്ലാതെ മുഴുവന്‍ ജനറല്‍ കോച്ചുകളുമായി നാളെ രാവിലെ ഫ്‌ളാഗ് ഓഫ് ചെയ്യുന്ന കൊച്ചുവേളി -മംഗളൂരു ജംഗ്ഷന്‍ അന്ത്യോദയ എക്‌സ്പ്രസിന് കാസര്‍കോട്ട് സ്റ്റോപ്പില്ലാത്തതിനെതിരെ പ്രതിഷേധം ഉയരുന്നു. സാധാരണ യാത്രക്കാര്‍ക്ക് ഏറെ ഉപകാരപ്പെടുന്ന അതിവേഗ തീവണ്ടിയാണ് ജില്ലയെ പാടെ അവഗണിച്ച് നാളെ ഔദ്യോഗികമായി യാത്ര തുടങ്ങുന്നത്. കൊച്ചുവേളിയില്‍ നിന്നും വ്യാഴാഴ്ചയും ശനിയാഴ്ചയും രാത്രി 9.25ന് പുറപ്പെടുന്ന 16355 നമ്പര്‍ എക്‌സ്പ്രസ് വണ്ടി പിറ്റേ ദിവസം രാവിലെ 9.15 ന് മംഗളൂരു ജംഗ്ഷനിലെത്തും. വെള്ളിയാഴ്ചയും ഞായറാഴ്ചയും രാത്രി 8മണിക്ക് മംഗളൂരു ജംഗ്ഷനില്‍ നിന്ന് പുറപ്പെടുന്ന 16356 നമ്പര്‍ എക്‌സ്പ്രസ് വണ്ടി പിറ്റേദിവസം രാവിലെ 8.15 ന് കൊച്ചുവേളിയിലെത്തും.
ഏറെ സവിശേഷതകളോടെ സര്‍വ്വീസ് തുടങ്ങുന്ന തീവണ്ടിക്ക് കണ്ണൂര്‍, കോഴിക്കോട്, ഷൊര്‍ണ്ണൂര്‍, തൃശ്ശൂര്‍, എറണാകുളം, കൊല്ലം എന്നിവിടങ്ങളില്‍ സ്റ്റോപ്പനുവദിച്ചപ്പോള്‍ ജില്ലാ ആസ്ഥാനമായ കാസര്‍കോടിനെ ഒഴിവാക്കി. രാജ്യതലസ്ഥാനത്തേക്കുള്ള രാജധാനി എക്‌സ്പ്രസിന് സ്റ്റോപ്പ് അനുവദിക്കണമെന്നാവശ്യപ്പെട്ട് ഏറെ വര്‍ഷങ്ങളായിമുറവിളി കൂട്ടുന്ന ജില്ലയിലെ ജനങ്ങള്‍ക്ക് മറ്റൊരു പ്രഹരമായിരിക്കുകയാണ് അന്ത്യോദയ എക്‌സ്പ്രസിന് സ്റ്റോപ്പില്ലാത്തത്. ഇതിനെതിരെ ജനപ്രതിനിധികള്‍, രാഷ്ട്രീയ പാര്‍ട്ടികള്‍, സംഘടനകള്‍, ഡി.ആര്‍.യു., യു.സി.സി. അംഗം ആര്‍ പ്രശാന്ത് കുമാര്‍ എന്നിവര്‍ പ്രതിഷേധിച്ചു.



Recent News
  ഹാത്തിബിന്റെ മയ്യത്ത് വന്‍ ജനാവലിയുടെ സാന്നിധ്യത്തില്‍ ഖബറടക്കി

  യുവാവ് വിഷം അകത്തുചെന്ന് മരിച്ചു

  ഫഹദ് വധം: അന്യമത വിദ്വേഷവും മൃഗീയ സ്വഭാവവും കൊലക്ക് കാരണമെന്ന് പ്രോസിക്യൂഷന്‍

  കാസര്‍കോട് സിവില്‍ എക്‌സൈസ് ഓഫീസര്‍ മുഹമ്മദ് ഷെരീഫ് വാഹനാപകടത്തില്‍ മരിച്ചു

  തെങ്ങ് കയറ്റത്തൊഴിലാളി പനിബാധിച്ച് മരിച്ചു

  കമലും ജോണ്‍പോളുമെത്തി, സത്താറിന്റെ നന്മജീവിതം സിനിമയാക്കാന്‍

  ജനങ്ങളുമായുള്ള ബന്ധം മെച്ചപ്പെടുത്താന്‍ ഫുട്‌ബോള്‍ മത്സരവുമായി പൊലീസ്

  ബദിയടുക്ക വൈദ്യുതി ഓഫീസില്‍ ജീവനക്കാരുടെ അനാസ്ഥയെന്ന് പരാതി

  ഐ.സി.എ.ആര്‍ പ്രവേശന പരീക്ഷക്ക് അപേക്ഷിച്ച കാഞ്ഞങ്ങാട്ടെ വിദ്യാര്‍ത്ഥിക്ക് സെന്റര്‍ ലഭിച്ചത് 1800 കിലോമീറ്റര്‍ അകലെ

  പള്ളത്തിങ്കാല്‍ ട്രാന്‍സ്‌ഫോര്‍മര്‍ തകരാറില്‍; നാട്ടുകാര്‍ പ്രതിഷേധവുമായി രംഗത്ത്

  വീടിന്റെ ഓടുമേഞ്ഞ ഭാഗം നിലംപൊത്തി വീട്ടുകാര്‍ രക്ഷപ്പെട്ടത് ഭാഗ്യം കൊണ്ട്

  ജനവാസ കേന്ദ്രത്തില്‍ മാലിന്യം തള്ളാനുള്ള ശ്രമം നാട്ടുകാര്‍ തടഞ്ഞു

  റിട്ട. അധ്യാപികയെ ഭീഷണിപ്പെടുത്തി കവര്‍ച്ച; രേഖാചിത്രത്തോട് സാദൃശ്യമുള്ളയാള്‍ സംഭവത്തിന് തലേന്ന് വെള്ളിക്കോത്തെ വീടുകളില്‍ കറങ്ങി

  ജനറല്‍ ആസ്പത്രിയില്‍ 19 ഡെങ്കിപ്പനി ബാധിതര്‍ ചികിത്സയില്‍; ഒരാള്‍ക്ക് എലിപ്പനി

  പത്താംതരം വിദ്യാര്‍ത്ഥിനി കിണറ്റില്‍ മരിച്ച നിലയില്‍