updated on:2018-06-09 08:07 PM
കനത്ത മഴയും കാറ്റും തുടരുന്നു; എങ്ങും നാശനഷ്ടങ്ങള്‍

www.utharadesam.com 2018-06-09 08:07 PM,
കാസര്‍കോട്: ഇടമുറിയാതെ പെയ്യുന്ന കനത്ത മഴയും ശക്തമായ കാറ്റും ജില്ലയിലെങ്ങും നാശം വിതയ്ക്കുന്നു. നൂറുകണക്കിന് വീടുകള്‍ക്കാണ് കേടുപാടുകള്‍ സംഭവിച്ചിരിക്കുന്നത്. പലയിടങ്ങളിലും മരങ്ങള്‍ ഒടിഞ്ഞുവീണ് ഗതാഗതം തടസ്സപ്പെട്ടു. ഇലക്ട്രിക് പോസ്റ്റുകള്‍ തകരുകയും വൈദ്യുതി കമ്പികള്‍ പൊട്ടിവീഴുകയും ചെയ്തതിനാല്‍ വൈദ്യുതി വിതരണം ഒട്ടുമിക്കയിടങ്ങളിലും താറുമാറാണ്. കാലവര്‍ഷം തുടങ്ങിയതുമുതല്‍ ഇരുട്ടിലായ പ്രദേശങ്ങളുമുണ്ട്.
കാസര്‍കോട് ഫോര്‍ട്ട് റോഡില്‍ കാറിന് മുകളില്‍ മരം ഒടിഞ്ഞുവീണു. ഫോര്‍ട്ട് റോഡില്‍ പാര്‍ക്ക് ചെയ്ത, എടനീരിലെ അബ്ദുല്‍സലാമിന്റെ സ്വിഫ്റ്റ് കാറിന് മുകളിലാണ് ഇന്നുരാവിലെ പത്തരയോടെ മരം ഒടിഞ്ഞുവീണത്. തേജസ്വിനി പുഴയും ചന്ദ്രഗിരിപ്പുഴയും മധുവാഹിനിപ്പുഴയും കരകവിഞ്ഞൊഴുകിയതിനാല്‍ സമീപ പ്രദേശങ്ങളെല്ലാം വെള്ളത്തിനടിയിലാണ്. പുല്ലൂര്‍ തോടും കരകവിഞ്ഞതിനാല്‍ സമീപത്തെ വയലുകള്‍ വെള്ളത്തിലായി. ഇന്നുരാവിലെ വിദ്യാനഗറില്‍ മരം ഒടിഞ്ഞ് റോഡില്‍ വീണതിനെ തുടര്‍ന്ന് അരമണിക്കൂര്‍ നേരം വാഹനഗതാഗഗതം തടസ്സപ്പെട്ടു. രാവിലെ 9മണിയോടെയാണ് ശക്തമായ കാറ്റില്‍ മരം നിലംപതിച്ചത്. ഈ സമയം രണ്ടുഭാഗത്തും വാഹനങ്ങള്‍ കടന്നുപോകുന്നുണ്ടായിരുന്നു. ഭാഗ്യം കൊണ്ടാണ് വന്‍ ദുരന്തം ഒഴിവായത്. ഫയര്‍ഫോഴ്‌സെത്തി മരം നീക്കിയതോടെയാണ് ഗതാഗതം പുനഃസ്ഥാപിക്കപ്പെട്ടത്. ഇന്നലെ വൈകിട്ട് രാജപുരം-ബളാല്‍ റോഡില്‍ മരം കടപുഴകി വീണതിനെ തുടര്‍ന്ന് ഏറെനേരമാണ് ഗതാഗതം തടസ്സപ്പെട്ടത്. പാലംകല്ല് ഒന്നാം മൈലിലാണ് റോഡരികിലെ മരം റോഡിലേക്ക് കടപുഴകി വീണത്. മണിക്കൂറുകളോളം ഗതാഗതം തടസ്സപ്പെട്ടു. തേജസ്വിനി പുഴയിലെ ചെറുപ്പക്കോട് കടവ് നടപ്പാലം ഒലിച്ചുപോയി. കിനാനൂര്‍-കരിന്തളം പഞ്ചായത്തിലെ വടക്കെ പുലിയന്നൂരിനെയും കയ്യൂര്‍-ചീമേനി പഞ്ചായത്തിലെ തെക്കേ പുലിയന്നൂരിനെയും ബന്ധിപ്പിക്കുന്ന നടപ്പാലമാണ് മലവെള്ളപ്പാച്ചിലില്‍ ഒലിച്ചുപോയത്.
ഗ്രാമങ്ങളില്‍ ഏക്കര്‍ കണക്കിന് കൃഷിയാണ് നശിച്ചത്. തെങ്ങ്, കവുങ്ങ്, വാഴ തുടങ്ങിയ കൃഷികളെല്ലാം വ്യാപകമായി നശിച്ചു. കോടികളുടെ നഷ്ടം കണക്കാക്കുന്നു.



Recent News
  ചെര്‍ക്കളയില്‍ യുവാവിനെ നെഞ്ചില്‍ കല്ലിട്ട് കൊലപ്പെടുത്തിയ കേസിന്റെ വിചാരണ തുടങ്ങി

  ലോക്‌സഭയില്‍ ആദ്യം ശബ്ദിക്കുക ആരോഗ്യ മേഖലയ്ക്ക് വേണ്ടി; കേന്ദ്ര മെഡിക്കല്‍ കോളേജ് കൊണ്ടുവരും-ഉണ്ണിത്താന്‍

  കോണ്‍ഗ്രസ് നേതാവ് ബാലകൃഷ്ണ വോര്‍കൂട്‌ലു അന്തരിച്ചു

  മാണിക്കോത്ത് സ്വദേശി കാറിടിച്ച് മരിച്ചു

  നെഞ്ചുവേദനമൂലം ബൈക്കില്‍ നിന്ന് തെറിച്ച് വീണ് ബി.എസ്.എന്‍.എല്‍. ജീവനക്കാരന്‍ മരിച്ചു

  നോട്ടക്ക് 4417, സ്വതന്ത്രരില്‍ മുന്നില്‍ ഗോവിന്ദന്‍

  ഉണ്ണിത്താന്‍ എം.പിയായശേഷം ആദ്യമെത്തിയത് കല്യോട്ട്

  കാസര്‍കോട്ട് ഉണ്ണിത്താന് അട്ടിമറി വിജയം

  മഞ്ചേശ്വരത്ത് ഉണ്ണിത്താന്റെ ലീഡ് കുതിച്ചു; കല്യാശേരിയില്‍ ഇടത് മുന്നേറ്റം തടഞ്ഞു

  കാസര്‍കോട്ട് ഉണ്ണിത്താന്‍ മുന്നേറുന്നു

  സ്‌കൂട്ടറില്‍ കടത്തുകയായിരുന്ന മദ്യവുമായി യുവാവ് അറസ്റ്റില്‍

  ബന്തടുക്കയില്‍ കര്‍ണാടക മദ്യം പിടികൂടി; ഒരാള്‍ പിടിയില്‍

  ജര്‍മ്മന്‍ വിനോദ സഞ്ചാരികളെ അക്രമിച്ച് പണം കവര്‍ന്ന പ്രതികള്‍ പൊലീസിന്റെ കണ്ണുവെട്ടിച്ച് കോടതിയില്‍ ഹാജരായി

  കാണാതായ ഓട്ടോ ഡ്രൈവര്‍ തൂങ്ങിമരിച്ച നിലയില്‍

  രണ്ട് മാസം മുമ്പ് കാണാതായ യുവാവിനെ കണ്ടെത്താനായില്ല