updated on:2018-06-10 08:15 PM
വീടുകള്‍ക്ക് കേടുപാട്, മരങ്ങള്‍ കടപുഴകി വീണു കാലവര്‍ഷം ശക്തിപ്രാപിച്ചു ജില്ലയില്‍ രണ്ട് മരണം

www.utharadesam.com 2018-06-10 08:15 PM,
കാസര്‍കോട്: കാലവര്‍ഷം ശക്തിപ്രാപിച്ചു. ജില്ലയില്‍ രണ്ട് മരണം. പുഴയില്‍ ഒഴുക്കില്‍പെട്ട് അഡൂര്‍ ചെര്‍ളക്കൈയിലെ ചെനിയ നായക് (65), വെള്ളക്കെട്ടില്‍ വീണ് കാഞ്ഞങ്ങാട് കുശാല്‍നഗറിലെ മുഹമ്മദ് അന്‍സിഫിന്റെ മകള്‍ ഫാത്തിമ സൈനബ്(നാല്) എന്നിവരാണ് മരിച്ചത്. വിവിധ ഭാഗങ്ങളില്‍ വീടുകള്‍ക്ക് കേടുപാടുപറ്റി. മരങ്ങള്‍ കടപുഴകി വീണ് ഗതാഗതം തടസ്സപ്പെട്ടു. വൈദ്യുതി ബന്ധം താറുമാറായി. ചെനിയ നായക് വ്യാഴാഴ്ച വൈകിട്ട് വീട്ടാവശ്യത്തിനുള്ള സാധനങ്ങള്‍ വാങ്ങാന്‍ ഗാളിമുഖയിലേക്ക് പോയിരുന്നു. തിരിച്ച് വീട്ടിലേക്ക് വരുമ്പോള്‍ പയസ്വിനി പുഴയില്‍ ഒഴുക്കില്‍പെടുകയായിരുന്നു. വെള്ളിയാഴ്ച ഫയര്‍ഫോഴ്‌സും നാട്ടുകാരും തിരച്ചില്‍ നടത്തിയെങ്കിലും കണ്ടെത്താനായില്ല. ഇന്നലെ ഉച്ചയോടെ കുണ്ടാര്‍ തൂക്കുപാലത്തിന് സമീപം വെച്ചാണ് മൃതദേഹം കണ്ടെത്തിയത്. ലളിതയാണ് ഭാര്യ. രാജേഷ്, രമേശ്, രഞ്ജിനി എന്നിവര്‍ മക്കളാണ്. മരുമക്കള്‍: ചന്ദ്രകല, വാസുദേവ. സഹോദരങ്ങള്‍: കൊറഗ, പാര്‍വ്വതി, കമല. മൃതദേഹം കാസര്‍കോട് ജനറല്‍ ആസ്പത്രിയില്‍ പോസ്റ്റുമോര്‍ട്ടത്തിന് ശേഷം വീട്ടുപറമ്പില്‍ സംസ്‌കരിച്ചു.
ഇന്നലെയാണ് ഫാത്തിമ സൈനബ് വെള്ളക്കെട്ടില്‍ വീണ് മരിച്ചത്. കാഞ്ഞങ്ങാട് കടപ്പുറം മുറിയനാവിയിലെ പി.പി.ടി.എ.എല്‍.പി സ്‌കൂളിലെ എല്‍.കെ.ജി വിദ്യാര്‍ത്ഥിനിയാണ്. മുംതാസമാണ് ഉമ്മ. മുഹമ്മദ് അമീന്‍ സഹോദരനാണ്.
ഉപ്പള മണിമുണ്ടയില്‍ മരംവീണ് പത്ത് വൈദ്യുതി തൂണുകള്‍ തകര്‍ന്നു. ഇന്നലെ രാവിലെയുണ്ടായ ശക്തമായ കാറ്റിനിടെയാണ് സംഭവം. നിരവധി വീടുകളിലെ ഓടുകള്‍ ഇളകിത്തെറിച്ചു.
മണിയംപാറയിലെ ചുക്രനും കുടുംബവും താമസിച്ചിരുന്ന ഷെഡ് തകര്‍ന്നു. കഴിഞ്ഞ ദിവസം ഷെഡില്‍ വെള്ളംകയറിയതിനാല്‍ കുടുംബം വാടക വീട്ടിലേക്ക് താമസം മാറിയിരുന്നു. ബേള ധര്‍ബത്തടുക്ക കോണ്‍വെന്റ് സ്‌കൂളില്‍ മുന്‍വശം റോഡരികിലെ കൂറ്റന്‍ ആക്കേഷ്യമരം കടപുഴകി വീണു. മരത്തിലുണ്ടായിരുന്ന 25ഓളം വവ്വാലുകള്‍ ചത്തനിലയിലാണ്. വട്ടംതട്ടയിലെ ടി. കുഞ്ഞിരാമന്റെ വീടിന്റെ മുന്‍വശം ഇടിഞ്ഞുതാഴ്ന്നു. വീട് അപകടാവസ്ഥലിയാണ്. ബേഡകം തോരോത്തെ കൃഷ്ണന്റെ വീട്ടുപറമ്പിലെ കിണര്‍ താഴ്ന്ന നിലയിലാണ്.



Recent News
  ഹാത്തിബിന്റെ മയ്യത്ത് വന്‍ ജനാവലിയുടെ സാന്നിധ്യത്തില്‍ ഖബറടക്കി

  യുവാവ് വിഷം അകത്തുചെന്ന് മരിച്ചു

  ഫഹദ് വധം: അന്യമത വിദ്വേഷവും മൃഗീയ സ്വഭാവവും കൊലക്ക് കാരണമെന്ന് പ്രോസിക്യൂഷന്‍

  കാസര്‍കോട് സിവില്‍ എക്‌സൈസ് ഓഫീസര്‍ മുഹമ്മദ് ഷെരീഫ് വാഹനാപകടത്തില്‍ മരിച്ചു

  തെങ്ങ് കയറ്റത്തൊഴിലാളി പനിബാധിച്ച് മരിച്ചു

  കമലും ജോണ്‍പോളുമെത്തി, സത്താറിന്റെ നന്മജീവിതം സിനിമയാക്കാന്‍

  ജനങ്ങളുമായുള്ള ബന്ധം മെച്ചപ്പെടുത്താന്‍ ഫുട്‌ബോള്‍ മത്സരവുമായി പൊലീസ്

  ബദിയടുക്ക വൈദ്യുതി ഓഫീസില്‍ ജീവനക്കാരുടെ അനാസ്ഥയെന്ന് പരാതി

  ഐ.സി.എ.ആര്‍ പ്രവേശന പരീക്ഷക്ക് അപേക്ഷിച്ച കാഞ്ഞങ്ങാട്ടെ വിദ്യാര്‍ത്ഥിക്ക് സെന്റര്‍ ലഭിച്ചത് 1800 കിലോമീറ്റര്‍ അകലെ

  പള്ളത്തിങ്കാല്‍ ട്രാന്‍സ്‌ഫോര്‍മര്‍ തകരാറില്‍; നാട്ടുകാര്‍ പ്രതിഷേധവുമായി രംഗത്ത്

  വീടിന്റെ ഓടുമേഞ്ഞ ഭാഗം നിലംപൊത്തി വീട്ടുകാര്‍ രക്ഷപ്പെട്ടത് ഭാഗ്യം കൊണ്ട്

  ജനവാസ കേന്ദ്രത്തില്‍ മാലിന്യം തള്ളാനുള്ള ശ്രമം നാട്ടുകാര്‍ തടഞ്ഞു

  റിട്ട. അധ്യാപികയെ ഭീഷണിപ്പെടുത്തി കവര്‍ച്ച; രേഖാചിത്രത്തോട് സാദൃശ്യമുള്ളയാള്‍ സംഭവത്തിന് തലേന്ന് വെള്ളിക്കോത്തെ വീടുകളില്‍ കറങ്ങി

  ജനറല്‍ ആസ്പത്രിയില്‍ 19 ഡെങ്കിപ്പനി ബാധിതര്‍ ചികിത്സയില്‍; ഒരാള്‍ക്ക് എലിപ്പനി

  പത്താംതരം വിദ്യാര്‍ത്ഥിനി കിണറ്റില്‍ മരിച്ച നിലയില്‍