updated on:2018-06-11 08:24 PM
കഞ്ചാവ് വില്‍പ്പനക്കെത്തിയ യുവാവും ഉപയോഗിക്കുകയായിരുന്ന രണ്ടുപേരും അറസ്റ്റില്‍

www.utharadesam.com 2018-06-11 08:24 PM,
കാസര്‍കോട്: കാസര്‍കോട് നഗരത്തിലും സമീപ പ്രദേശങ്ങളിലും കഞ്ചാവ് വില്‍പ്പനയും ഉപയോഗവും വീണ്ടും വ്യാപകമായതായുള്ള വിവരത്തെ തുടര്‍ന്ന് സി.ഐ സി.എ അബ്ദുല്‍റഹീമിന്റെ നേതൃത്വത്തില്‍ പരിശോധന വ്യാപിപ്പിച്ചു. ഇന്നലെ വൈകിട്ട് 300 ഗ്രാം കഞ്ചാവുമായി യുവാവിനെ അറസ്റ്റ് ചെയ്തു. കഞ്ചാവ് വലിക്കുകയായിരുന്ന രണ്ടു യുവാക്കളേയും അറസ്റ്റ് ചെയ്തു. ചെട്ടുംകുഴി ഹിദായത്ത്‌നഗറിലെ എം.കെ മുനീറാ(36) ണ് കഞ്ചാവുമായി അറസ്റ്റിലായത്. കാസര്‍കോട് ഗവ. ഹയര്‍ സെക്കണ്ടറി സ്‌കൂളിന് സമീപം വെച്ചാണ് അറസ്റ്റ്. വിദ്യാനഗര്‍ വാട്ടര്‍ അതോറിറ്റി ഓഫീസിന് സമീപം കഞ്ചാവ് വലിക്കുകയായിരുന്ന ചെട്ടുംകുഴിയിലെ അബ്ദുല്‍ അസീസ് (38), കോട്ടക്കണ്ണിയിലെ ഹസൈനാര്‍ (37) എന്നിവരെ അറസ്റ്റ് ചെയ്തു. പെരുന്നാള്‍ തിരക്കിനിടെ പൊലീസിന്റെ ശ്രദ്ധ എത്താത്തവിധം നഗരത്തില്‍ കഞ്ചാവ് വില്‍പന നടക്കുന്നുണ്ടെന്നാണ് വിവരം. സ്‌കൂളുകളും കോളേജുകളും തുറന്നതോടെ വിദ്യാര്‍ത്ഥികളെ കേന്ദ്രീകരിച്ച് നിരവധി കഞ്ചാവ് സംഘങ്ങള്‍ പ്രവര്‍ത്തിക്കുന്നതായും വിവരമുണ്ട്. ഈ സാഹചര്യത്തില്‍ വരും ദിവസങ്ങളിലും പരിശോധന ഊര്‍ജിതമാക്കുമെന്ന് പൊലീസ് പറഞ്ഞു.



Recent News
  കാര്‍ സ്‌കൂട്ടറിലിടിച്ച് യുവാവ് മരിച്ചു

  കാഞ്ഞങ്ങാട്ട് വീട് കുത്തിത്തുറന്ന് പത്തര പവന്‍ സ്വര്‍ണാഭരണം കവര്‍ന്നു

  വിദ്യാര്‍ത്ഥി അസുഖത്തെ തുടര്‍ന്ന് മരിച്ചു

  പള്ളിക്കരയില്‍ അജ്ഞാത വാഹനമിടിച്ച് മറുനാടന്‍ തൊഴിലാളി മരിച്ചു

  ജില്ലാ സ്‌കൂള്‍ കായികമേള തുടങ്ങി

  കുമ്പളയിലും സീതാംഗോളിയിലും സി.പി.എം-ബി.ജെ.പി. സംഘര്‍ഷം; പൊലീസുകാരന്‍ ഉള്‍പ്പെടെ ആറ് പേര്‍ക്ക് പരിക്ക്

  വിശ്വാസവഞ്ചനക്കിരയായ ഡോക്ടര്‍ക്ക് ഇരട്ടി തുക നല്‍കണമെന്ന കീഴ്‌ക്കോടതി വിധി ജില്ലാ കോടതി ശരിവെച്ചു

  സംസ്ഥാന സീനിയര്‍ സോഫ്റ്റ് ബോള്‍: തിരുവനന്തപുരവും കോഴിക്കോടും ജേതാക്കള്‍

  ഭര്‍ത്താവിനൊപ്പം സ്‌കൂട്ടറില്‍ യാത്ര ചെയ്യവെ ജീപ്പിടിച്ച് യുവതിക്ക് പരിക്ക്

  ഉറൂസ് കമ്മിറ്റി ഓഫീസ് അക്രമശ്രമക്കേസിലെ പ്രതികള്‍ റിമാണ്ടില്‍; രണ്ടുപേര്‍ക്കെതിരെ കാപ്പ ചുമത്തിയേക്കും

  ബൈക്ക് തടഞ്ഞ് യുവാക്കളെ കുത്തിപ്പരിക്കേല്‍പ്പിച്ചു

  പി.ബി. അബ്ദുല്‍റസാഖ് ഓര്‍മ്മയായി

  സംസ്ഥാന സീനിയര്‍ സോഫ്റ്റ്‌ബോള്‍: കോഴിക്കോട് സെമിയില്‍

  കൊറഗ വിഭാഗക്കാരുടെ ക്ഷേമ പ്രവര്‍ത്തനങ്ങള്‍ക്ക് കോടികള്‍ ചിലവഴിച്ചെന്ന് പറയുമ്പോഴും അവരുടെ ജീവിതം ദുരിതം തന്നെ

  ഖബറടക്കത്തിനും ആയിരങ്ങളെത്തി