updated on:2018-06-12 07:47 PM
ഗവ. ഗേള്‍സ് ഹൈസ്‌കൂളിന് മുന്നില്‍ വഴിമുടക്കി നിന്ന കെട്ടിടം പൊളിച്ചുനീക്കി

www.utharadesam.com 2018-06-12 07:47 PM,
കാസര്‍കോട്: നെല്ലിക്കുന്ന് ബീച്ച് റോഡിലെ ഗവ. ഗേള്‍സ് ഹൈസ്‌കൂളിലെ പ്രവേശന കവാടത്തിലെ തടസ്സങ്ങള്‍ക്ക് പരിഹാരം.
സ്‌കൂള്‍ കവാടത്തോട് ചേര്‍ന്ന് സ്‌കൂള്‍ കെട്ടിടങ്ങളുടെ കാഴ്ച മറച്ചും സ്‌കൂളിലേക്കുള്ള സഞ്ചാര യോഗ്യതക്ക് തടസ്സമായും നിന്നിരുന്ന പതിറ്റാണ്ടുകള്‍ പഴക്കമുള്ള കെട്ടിടം പൊളിച്ചു നീക്കിയാണ് തടസ്സം ഒഴിവാക്കിയത്. സ്‌കൂള്‍ ആരംഭിക്കുന്നതിനും വര്‍ഷങ്ങള്‍ക്ക് മുമ്പ് അന്നത്തെ നിയമസഭാ സ്പീക്കറായിരുന്ന സി.എച്ച് മുഹമ്മദ് കോയ ഉദ്ഘാടനം ചെയ്ത ഒരു നഴ്‌സറി കെട്ടിടമാണ് പിന്നീട് അവിടെ നിലവില്‍ വന്ന ഗേള്‍സ് സ്‌കൂളിന് വഴിതടസ്സം സൃഷ്ടിച്ച് നിന്നത്. നഴ്‌സറി സ്‌കൂള്‍ പിന്നീട് ഗില്‍ഡ് ഓഫ് സര്‍വീസ് സേവാസമാജത്തിന്റെ ഓഫീസായി മാറി. റോഡില്‍ നിന്നുള്ള സ്‌കൂളിന്റെ കാഴ്ചക്കും ഈ കെട്ടിടം വലിയൊരു തടസ്സമായിരുന്നു. നിരവധി വര്‍ഷങ്ങളായി സ്‌കൂള്‍ അഭിമുഖീകരിച്ച് വരുന്ന ഈ പ്രശ്‌നം പരിഹരിക്കാന്‍ പലതവണയാണ് അധികൃതര്‍ യോഗങ്ങളും ചര്‍ച്ചയും വിളിച്ചുചേര്‍ത്തത്. എന്നാല്‍ അനുരഞ്ജനത്തിലെത്താതെ യോഗങ്ങള്‍ അലസിപ്പിരിയുകയായിരുന്നു. നേരത്തേ ജനപ്രതിനിധികളും നഗരസഭയുമടക്കം കെട്ടിടം പൊളിച്ച് നീക്കാന്‍ സമാജം ഭാരവാഹികളുമായി നടത്തിയ ചര്‍ച്ചകളും പരാജയമായിരുന്നു. മുന്‍ കാലങ്ങളിലെ പി.ടി.എ കമ്മിറ്റികളും പ്രശ്‌ന പരിഹാരം സാധ്യമല്ലെന്ന് കണ്ട് പാതിവഴിയില്‍ ഉപേക്ഷിച്ച വിഷയമാണ് ഈയിടെ രൂപീകൃതമായ പുതിയ പി.ടിഎ കമ്മിറ്റി ഏറ്റെടുത്ത് പരിഹരിച്ചത്. നഗരസഭാംഗം കൂടിയായ പി.ടി.എ പ്രസിഡണ്ട് റാഷിദ് പൂരണം പ്രത്യേക താല്‍പര്യമെടുത്ത് ഗില്‍ഡ് ഓഫ് സര്‍വീസ് സേവാസമാജത്തിന്റെ ഭാരവാഹികളുമായി നടത്തിയ ചര്‍ച്ചകള്‍ക്കൊടുവില്‍ സമാജം ഭാരവാഹികള്‍ നല്‍കിയ ഉറപ്പിന്‍മേല്‍ കെട്ടിടം പൊളിച്ച് നീക്കാന്‍ ധാരണയിലെത്തുകയായിരുന്നു. കഴിഞ്ഞ ദിവസം കെട്ടിടം പൂര്‍ണ്ണമായും പൊളിച്ചുനീക്കി. പി.ടി.എ കമ്മിറ്റിയെ രക്ഷിതാക്കളും കുട്ടികളും അഭിനന്ദിച്ചു.



Recent News
  കാര്‍ സ്‌കൂട്ടറിലിടിച്ച് യുവാവ് മരിച്ചു

  കാഞ്ഞങ്ങാട്ട് വീട് കുത്തിത്തുറന്ന് പത്തര പവന്‍ സ്വര്‍ണാഭരണം കവര്‍ന്നു

  വിദ്യാര്‍ത്ഥി അസുഖത്തെ തുടര്‍ന്ന് മരിച്ചു

  പള്ളിക്കരയില്‍ അജ്ഞാത വാഹനമിടിച്ച് മറുനാടന്‍ തൊഴിലാളി മരിച്ചു

  ജില്ലാ സ്‌കൂള്‍ കായികമേള തുടങ്ങി

  കുമ്പളയിലും സീതാംഗോളിയിലും സി.പി.എം-ബി.ജെ.പി. സംഘര്‍ഷം; പൊലീസുകാരന്‍ ഉള്‍പ്പെടെ ആറ് പേര്‍ക്ക് പരിക്ക്

  വിശ്വാസവഞ്ചനക്കിരയായ ഡോക്ടര്‍ക്ക് ഇരട്ടി തുക നല്‍കണമെന്ന കീഴ്‌ക്കോടതി വിധി ജില്ലാ കോടതി ശരിവെച്ചു

  സംസ്ഥാന സീനിയര്‍ സോഫ്റ്റ് ബോള്‍: തിരുവനന്തപുരവും കോഴിക്കോടും ജേതാക്കള്‍

  ഭര്‍ത്താവിനൊപ്പം സ്‌കൂട്ടറില്‍ യാത്ര ചെയ്യവെ ജീപ്പിടിച്ച് യുവതിക്ക് പരിക്ക്

  ഉറൂസ് കമ്മിറ്റി ഓഫീസ് അക്രമശ്രമക്കേസിലെ പ്രതികള്‍ റിമാണ്ടില്‍; രണ്ടുപേര്‍ക്കെതിരെ കാപ്പ ചുമത്തിയേക്കും

  ബൈക്ക് തടഞ്ഞ് യുവാക്കളെ കുത്തിപ്പരിക്കേല്‍പ്പിച്ചു

  പി.ബി. അബ്ദുല്‍റസാഖ് ഓര്‍മ്മയായി

  സംസ്ഥാന സീനിയര്‍ സോഫ്റ്റ്‌ബോള്‍: കോഴിക്കോട് സെമിയില്‍

  കൊറഗ വിഭാഗക്കാരുടെ ക്ഷേമ പ്രവര്‍ത്തനങ്ങള്‍ക്ക് കോടികള്‍ ചിലവഴിച്ചെന്ന് പറയുമ്പോഴും അവരുടെ ജീവിതം ദുരിതം തന്നെ

  ഖബറടക്കത്തിനും ആയിരങ്ങളെത്തി