updated on:2018-06-13 08:08 PM
എട്ട് കിലോ കഞ്ചാവുമായി പിടിയിലായ കാരാട്ട് നൗഷാദ് 30 ലേറെ മോഷണ കേസുകളില്‍ പ്രതി

www.utharadesam.com 2018-06-13 08:08 PM,
കാസര്‍കോട്: എട്ട് കിലോയോളം കഞ്ചാവുമായി ഇന്നലെ അറസ്റ്റിലായ കാരാട്ട് നൗഷാദ്(40) മുപ്പതിലേറെ മോഷണ കേസുകളില്‍ പ്രതിയെന്ന് പോലിസ്.
ഇന്നലെ ഉച്ചയോടെ കെ.എസ്.ആര്‍.ടി.സി ബസ് സ്റ്റാന്റ് പരിസരത്ത് വെച്ചാണ് 300 ഗ്രാം കഞ്ചാവുമായി നൗഷാദിനെ അറസ്റ്റ് ചെയ്തത്. തുടര്‍ന്ന് നൗഷാദും കുടുംബവും താമസിക്കുന്ന കൊല്ലമ്പാടിയിലെ ക്വാര്‍ട്ടേഴ്‌സ് പരിശോധിച്ചപ്പോള്‍ ബാഗില്‍ സൂക്ഷിച്ച നിലയില്‍ 7.600 കിലോഗ്രാം കഞ്ചാവ് കൂടി കണ്ടെത്തി. കാസര്‍കോട് സി.ഐ സി.എ അബ്ദുല്‍റഹീമും സംഘവും നടത്തിയ അന്വേഷണത്തിലാണ് നൗഷാദ് കഞ്ചാവുമായി പിടിയിലാവുന്നത്. കാസര്‍കോട്ട് കഞ്ചാവ് എത്തിക്കുന്ന പ്രധാനകണ്ണിയാണ് നൗഷാദെന്ന് പൊലീസ് പറഞ്ഞു. ഈ വിവരത്തെ തുടര്‍ന്ന് രണ്ട് ദിവസമായി സി.ഐയുടെ നേതൃത്വത്തില്‍ നൗഷാദിനെ നിരീക്ഷിച്ചുവരികയായിരുന്നു.
ആന്ധ്രയില്‍ നിന്നാണ് നൗഷാദ് കഞ്ചാവ് എത്തിക്കുന്നതെന്ന് പൊലീസ് അന്വേഷണത്തില്‍ വ്യക്തമായി.
മംഗളൂരുവിലെത്തിച്ച ശേഷം ചെറുകെട്ടുകളിലാക്കി ഏജന്റുമാര്‍ക്ക് എത്തിക്കുകയാണ് രീതി. ആന്ധ്രയില്‍ കിലോവിന് 8000 രൂപ മുതല്‍ 10,000 രൂപ വരെ ഈടാക്കുന്ന കഞ്ചാവ് കാസര്‍കോട്ട് ചെറുകെട്ടുകളിലാക്കി മൂന്നിരട്ടിയോളം രൂപക്കാണ് വില്‍പ്പന നടത്തുന്നതത്രെ.
മംഗളൂരുവില്‍ നിന്ന് ചെറുകെട്ടുകളിലാക്കി കഞ്ചാവ് ഭാര്യ മുഖാന്തിരം ബസ് വഴി കാസര്‍കോട്ടേക്ക് എത്തിക്കുന്നതായും നൗഷാദ് പൊലീസിന് മൊഴി നല്‍കിയിട്ടുണ്ട്. നൗഷാദിനെതിരെ ഹൊസ്ദുര്‍ഗ്, ബേക്കല്‍, കാസര്‍കോട്, വിദ്യാനഗര്‍ സ്റ്റേഷനുകളില്‍ നിരവധി കേസുകളാണ് നിലവിലുള്ളത്.
പൊലീസിനെ അക്രമിച്ചതിനും കേസുണ്ട്. ഏതാനും വര്‍ഷം മുമ്പ് ഒരു സംഘത്തിന്റെ ആസിഡ് ആക്രമണത്തില്‍ മുഖത്ത് പരിക്കേറ്റിരുന്നു.
കാസര്‍കോട് പ്രിന്‍സിപ്പല്‍ എസ്.ഐ അജിത് കുമാര്‍, എസ്.ഐ നാരായണന്‍, എ.എസ്.ഐ കെ.പി.വി രാജീവന്‍, വേണു, ഡ്രൈവര്‍മാരായ തോമസ്, രൂപേഷ്, സി.ഡി പാര്‍ട്ടി അംഗങ്ങളായ ഫിലിപ്പ്, ബാലകൃഷ്ണന്‍, അബൂബക്കര്‍ കല്ലായി എന്നിവരുടെ നേതൃത്വത്തിലായിരുന്നു പരിശോധന.
നൗഷാദിനെ ഇന്ന് കോടതിയില്‍ ഹാജരാക്കും.

പിടിയിലായത് കാസര്‍കോട്ട് കഞ്ചാവ്
എത്തിക്കുന്ന പ്രധാന കണ്ണി

കാസര്‍കോട്: എട്ട് കിലോയോളം കഞ്ചാവുമായി ഇന്നലെ അറസ്റ്റിലായ കാഞ്ഞങ്ങാട് സ്വദേശി കാരാട്ട് നൗഷാദ് കാസര്‍കോട്ട് കഞ്ചാവ് എത്തിക്കുന്ന പ്രധാന കണ്ണിയെന്ന് പൊലീസ്.
ചെറുതും വലുതുമായ 30ലേറെ മോഷണ കേസുകളില്‍ പ്രതിയായ നൗഷാദ് ഇങ്ങനെ കിട്ടുന്ന പണം ആര്‍ഭാട ജീവിതത്തിനാണ് ഉപയോഗിക്കുന്നത്.
തന്നെ പൊലീസ് നിരീക്ഷിക്കുന്നുണ്ടെന്നറിഞ്ഞ് കുറച്ചുദിവസം ഗോവയില്‍ കഴിയുകയായിരുന്നു. ഇന്നലെ എത്തിയപ്പോഴാണ് കെ.എസ്.ആര്‍.ടി.സി ഡിപ്പോക്ക് സമീപം വെച്ച് കഞ്ചാവുമായി പൊലീസ് പിടിയിലാവുന്നത്. ജില്ലയിലെ വിവിധ സ്റ്റേഷനുകള്‍ക്ക് പുറമെ വടകര, കൊയിലാണ്ടി, മംഗളൂരു എന്നിവിടങ്ങളിലും നൗഷാദിനെതിരെ കവര്‍ച്ച, അക്രമകേസുകള്‍ നിലവിലുണ്ട്. ഇന്നലെ പൊലീസ് പിടിയിലായപ്പോള്‍ പരാക്രമം കാട്ടി. തല ചുമരിലിടിക്കാന്‍ ശ്രമിച്ചതിനെ തുടര്‍ന്ന് ഹെല്‍മറ്റ് ധരിപ്പിച്ചാണ് സ്റ്റേഷനിലെത്തിച്ചത്.



Recent News
  ബേക്കല്‍ എ.എസ്.ഐയെ വെട്ടിപ്പരിക്കേല്‍പിച്ച കേസില്‍ മൂന്നുപേര്‍ കൂടി അറസ്റ്റില്‍

  ഓഡിറ്റോറിയത്തില്‍ നിന്ന് വൃദ്ധയുടെ മാല പൊട്ടിച്ച സ്ത്രീകള്‍ സി.സി.ടി.വിയില്‍ കുടുങ്ങി

  ക്ഷേത്ര ഭണ്ഡാരം കുത്തി തുറന്ന് പണം കവര്‍ന്നു; ചിക്കന്‍ സ്റ്റാളിലും കവര്‍ച്ചാശ്രമം

  കേരളത്തിന്റെ ചരിത്ര നേട്ടത്തിന് മുഹമ്മദ് അസ്ഹറുദ്ദീന്റെ മികച്ച കീപ്പിങ്ങ്

  വധശ്രമക്കേസില്‍ പ്രതികള്‍ റിമാണ്ടില്‍

  തേങ്ങ മോഷണക്കേസില്‍ പ്രതിക്ക് ഒരുവര്‍ഷം തടവ്

  കെ.എസ്.ആര്‍.ടി.സി. ബസ് ഡ്രൈവറെ മര്‍ദ്ദിച്ചതിന് കേസ്

  എ.എസ്.ഐയെ വെട്ടിയ കേസില്‍ പ്രതി റിമാണ്ടില്‍; കാപ്പ ചുമത്തുമെന്ന് പൊലീസ്

  ഗ്യാരേജ് ഉടമയെ മര്‍ദ്ദിച്ചതായി പരാതി

  കാസര്‍കോട് സ്വദേശികള്‍ കടത്തിയ 27 ലക്ഷത്തിന്റെ സ്വര്‍ണ്ണം പിടിച്ചു; ഒരാള്‍ അറസ്റ്റില്‍

  പെട്രോള്‍ പമ്പില്‍ നിന്ന് കവര്‍ന്ന അലമാര തടയണയില്‍ ഉപേക്ഷിച്ച നിലയില്‍

  ഭാസ്‌കരന്റെ മരണത്തില്‍ ദുരൂഹതയില്ലെന്ന് നിഗമനം

  ചാക്കുകെട്ടുകളിലാക്കി സൂക്ഷിച്ച മണല്‍ പിടിച്ചു

  ഗോവന്‍ നിര്‍മ്മിത മദ്യവുമായി യുവാവ് അറസ്റ്റില്‍

  ബൈക്കില്‍ കടത്തുകയായിരുന്ന അരക്കിലോ കഞ്ചാവുമായി ഷിറിയ സ്വദേശി അറസ്റ്റില്‍