updated on:2018-06-14 01:35 PM
അന്ത്യോദയ എക്‌സ്പ്രസിന് കാസര്‍കോട്ട് സ്റ്റോപ്പ് അനുവദിക്കണം-എം.എല്‍.എ

www.utharadesam.com 2018-06-14 01:35 PM,
കാസര്‍കോട്: കൊച്ചുവേളി-മംഗളൂരു ജംഗ്ഷന്‍ അന്ത്യോദയ എക്‌സ്പ്രസിന് കാസര്‍കോട്ട് സ്റ്റോപ്പ് അനുവദിക്കണമെന്ന് എന്‍.എ നെല്ലിക്കുന്ന് എം.എല്‍.എ റെയില്‍വെ മന്ത്രി പിയൂസ് ഗോയലിന് അയച്ച നിവേദനത്തില്‍ ആവശ്യപ്പെട്ടു.
നിലവില്‍ അഞ്ചു പ്രധാന തീവണ്ടികള്‍ക്ക് കാസര്‍കാട്ട് സ്റ്റോപ്പില്ലാത്തതിനാല്‍ ദീര്‍ഘദൂര യാത്രക്കാരടക്കം അനുഭവിക്കുന്ന കൊടിയ ദുരിതത്തിന് പിന്നാലെയാണ് പുതുതായി സര്‍വ്വീസ് ആരംഭിച്ച അന്ത്യോദയ എക്‌സ്പ്രസിനും കാസര്‍കോട്ട് സ്റ്റോപ്പ് അനുവദിക്കാതെ അവഗണിച്ചത്. തിരുവനന്തപുരം സെന്‍ട്രല്‍-നിസാമുദ്ദീന്‍ സൂപ്പര്‍ ഫാസ്റ്റ് എക്‌സ്പ്രസ്(22653/22654), തിരുവനന്തപുരം-നിസാമുദ്ദീന്‍ സൂപ്പര്‍ ഫാസ്റ്റ് എക്‌സ്പ്രസ് (22655/22656), ബിക്കാനിയൂര്‍-കോയമ്പത്തൂര്‍ എ.സി സൂപ്പര്‍ ഫാസ്റ്റ് എക്‌സ്പ്രസ് (22475/22476), ദാദര്‍-തിരുനെല്‍വേലി സൂപ്പര്‍ ഫാസ്റ്റ് എക്‌സ്പ്രസ് (22629/22630), തിരുവനന്തപുരം സെന്‍ട്രല്‍-നിസാമുദ്ദീന്‍ രാജധാനി എക്‌സ്പ്രസ് (12431/12432) എന്നീ ട്രെയ്‌നുകള്‍ക്ക് കാസര്‍കോട്ട് സ്റ്റോപ്പില്ലാത്തതിനാല്‍ വലിയ തോതിലുള്ള പ്രതിഷേധമാണ് വര്‍ഷങ്ങളായി ഉയര്‍ന്ന് വരുന്നത്. ഈ പ്രതിഷേധം അവഗണിച്ചാണ് രണ്ട് ദിവസം മുമ്പ് പുതുതായി ഓട്ടമാരംഭിച്ച അന്ത്യോദയ എക്‌സ്പ്രസിനും കാസര്‍കോട്ട് സ്റ്റോപ്പ് അനുവദിക്കാതിരുന്നത്. ഒരു നാടിന്റെ ആവശ്യം ഇങ്ങനെ തുടര്‍ച്ചയായി അവഗണിക്കുന്നത് ശരിയല്ല. അന്ത്യോദയ എക്‌സ്പ്രസിന് ഉടന്‍ തന്നെ സ്റ്റോപ്പ് അനുവദിക്കാന്‍ നടപടിയുണ്ടാകണമെന്ന് എം.എല്‍.എ റെയില്‍വെ മന്ത്രിയോടാവശ്യപ്പെട്ടു. റെയില്‍വെ ബോര്‍ഡ് ചെയര്‍മാനും സതേണ്‍ റെയില്‍വെ ജനറല്‍ മാനേജര്‍ക്കും ഡിവിഷന്‍ മാനേജര്‍ക്കും നിവേദനം അയച്ചിട്ടുണ്ട്.



Recent News
  പെരിയ ഇരട്ടക്കൊല; കുറ്റപത്രം കോടതി സ്വീകരിച്ചു

  മരം വീണ് വീടും ഓട്ടോയും തകര്‍ന്നു

  ബദിയടുക്കയില്‍ ബൈക്ക് ഓടയില്‍ വീണ് 2 പേര്‍ക്ക് പരിക്ക്

  പെര്‍ള സ്വദേശിനിയായ അധ്യാപിക ഷാര്‍ജയില്‍ ഹൃദയാഘാതംമൂലം മരിച്ചു

  ചെര്‍ക്കളയില്‍ യുവാവിനെ നെഞ്ചില്‍ കല്ലിട്ട് കൊലപ്പെടുത്തിയ കേസിന്റെ വിചാരണ തുടങ്ങി

  ലോക്‌സഭയില്‍ ആദ്യം ശബ്ദിക്കുക ആരോഗ്യ മേഖലയ്ക്ക് വേണ്ടി; കേന്ദ്ര മെഡിക്കല്‍ കോളേജ് കൊണ്ടുവരും-ഉണ്ണിത്താന്‍

  കോണ്‍ഗ്രസ് നേതാവ് ബാലകൃഷ്ണ വോര്‍കൂട്‌ലു അന്തരിച്ചു

  മാണിക്കോത്ത് സ്വദേശി കാറിടിച്ച് മരിച്ചു

  നെഞ്ചുവേദനമൂലം ബൈക്കില്‍ നിന്ന് തെറിച്ച് വീണ് ബി.എസ്.എന്‍.എല്‍. ജീവനക്കാരന്‍ മരിച്ചു

  നോട്ടക്ക് 4417, സ്വതന്ത്രരില്‍ മുന്നില്‍ ഗോവിന്ദന്‍

  ഉണ്ണിത്താന്‍ എം.പിയായശേഷം ആദ്യമെത്തിയത് കല്യോട്ട്

  കാസര്‍കോട്ട് ഉണ്ണിത്താന് അട്ടിമറി വിജയം

  മഞ്ചേശ്വരത്ത് ഉണ്ണിത്താന്റെ ലീഡ് കുതിച്ചു; കല്യാശേരിയില്‍ ഇടത് മുന്നേറ്റം തടഞ്ഞു

  കാസര്‍കോട്ട് ഉണ്ണിത്താന്‍ മുന്നേറുന്നു

  സ്‌കൂട്ടറില്‍ കടത്തുകയായിരുന്ന മദ്യവുമായി യുവാവ് അറസ്റ്റില്‍