updated on:2018-06-14 01:45 PM
ചികിത്സക്ക് പണം ആവശ്യപ്പെട്ട കാന്‍സര്‍ രോഗിയായ പിതാവിന് മര്‍ദ്ദനം; മകനെതിരെ കേസ്

www.utharadesam.com 2018-06-14 01:45 PM,
മുളിയാര്‍: ചികിത്സക്ക് വേണ്ടി പണം ആവശ്യപ്പെട്ട കാന്‍സര്‍ രോഗിയായ പിതാവിനെ മകന്‍ മര്‍ദ്ദിച്ചതായി പരാതി. മുളിയാര്‍ മാസ്തിക്കുണ്ടിലെ പരങ്ങാനം മുഹമ്മദ് കുഞ്ഞി(67)ക്കാണ് മര്‍ദ്ദനമേറ്റത്. മുഹമ്മദ് കുഞ്ഞിയുടെ പരാതിയില്‍ മകന്‍ അബ്ദുല്‍ റാഷിദിനെതിരെ ആദൂര്‍ പൊലീസ് കേസെടുത്തു. കഴിഞ്ഞ ദിവസം രാത്രി 8.30 മണിയോടെയാണ് സംഭവം.അബ്ദുല്‍ റാഷിദ് അടക്കം മുഴുവന്‍ മക്കള്‍ക്കും സ്വത്ത് വീതിച്ച് നല്‍കിയതിനാല്‍ തന്റെ പേരിലിപ്പോള്‍ സ്ഥലമില്ലെന്നും കാന്‍സര്‍ രോഗിയായ തനിക്ക് ചികിത്സിക്കാന്‍ പണം നല്‍കാത്തതിനാല്‍ ജീവിതം മുന്നോട്ട് കൊണ്ടുപോകാന്‍ ബുദ്ധിമുട്ടാണെന്നും മുഹമ്മദ് കുഞ്ഞി പറയുന്നു. ഭാര്യ ബീഫാത്തിമക്കും മകന്‍ അബ്ദുല്‍ റാഷിദിനുമൊപ്പമാണ് മുഹമ്മദ് കുഞ്ഞി താമസിക്കുന്നത്. തന്റെ പേരിലുണ്ടായിരുന്ന ക്വാര്‍ട്ടേഴ്‌സുകള്‍ മുഹമ്മദ് കുഞ്ഞി മകന്റെ പേരില്‍ എഴുതിക്കൊടുത്തിരുന്നു. കൂടാതെ ക്വാര്‍ട്ടേഴ്‌സിന്റെ അറ്റകുറ്റപ്പണികള്‍ക്കായി ഒരു ലക്ഷം രൂപ നല്‍കുകയും ചെയ്തു. ചികിത്സക്ക് പണമില്ലാത്തതിനാല്‍ ഈ പണം തിരികെ ആവശ്യപ്പെട്ടപ്പോള്‍ പ്രകോപിതനായ അബ്ദുല്‍ റാഷിദ് മുഹമ്മദ് കുഞ്ഞിയെ മര്‍ദ്ദിക്കുകയായിരുന്നുവത്രെ. ഇതിന് ശേഷം മകന്‍ കഴുത്തിന് പിടിച്ച് തള്ളുകയും ഭീഷണിപ്പെടുത്തുകയും ചെയ്തുവെന്നാണ് മുഹമ്മദ് കുഞ്ഞിയുടെ പരാതി.



Recent News
  ചെര്‍ക്കളയില്‍ യുവാവിനെ നെഞ്ചില്‍ കല്ലിട്ട് കൊലപ്പെടുത്തിയ കേസിന്റെ വിചാരണ തുടങ്ങി

  ലോക്‌സഭയില്‍ ആദ്യം ശബ്ദിക്കുക ആരോഗ്യ മേഖലയ്ക്ക് വേണ്ടി; കേന്ദ്ര മെഡിക്കല്‍ കോളേജ് കൊണ്ടുവരും-ഉണ്ണിത്താന്‍

  കോണ്‍ഗ്രസ് നേതാവ് ബാലകൃഷ്ണ വോര്‍കൂട്‌ലു അന്തരിച്ചു

  മാണിക്കോത്ത് സ്വദേശി കാറിടിച്ച് മരിച്ചു

  നെഞ്ചുവേദനമൂലം ബൈക്കില്‍ നിന്ന് തെറിച്ച് വീണ് ബി.എസ്.എന്‍.എല്‍. ജീവനക്കാരന്‍ മരിച്ചു

  നോട്ടക്ക് 4417, സ്വതന്ത്രരില്‍ മുന്നില്‍ ഗോവിന്ദന്‍

  ഉണ്ണിത്താന്‍ എം.പിയായശേഷം ആദ്യമെത്തിയത് കല്യോട്ട്

  കാസര്‍കോട്ട് ഉണ്ണിത്താന് അട്ടിമറി വിജയം

  മഞ്ചേശ്വരത്ത് ഉണ്ണിത്താന്റെ ലീഡ് കുതിച്ചു; കല്യാശേരിയില്‍ ഇടത് മുന്നേറ്റം തടഞ്ഞു

  കാസര്‍കോട്ട് ഉണ്ണിത്താന്‍ മുന്നേറുന്നു

  സ്‌കൂട്ടറില്‍ കടത്തുകയായിരുന്ന മദ്യവുമായി യുവാവ് അറസ്റ്റില്‍

  ബന്തടുക്കയില്‍ കര്‍ണാടക മദ്യം പിടികൂടി; ഒരാള്‍ പിടിയില്‍

  ജര്‍മ്മന്‍ വിനോദ സഞ്ചാരികളെ അക്രമിച്ച് പണം കവര്‍ന്ന പ്രതികള്‍ പൊലീസിന്റെ കണ്ണുവെട്ടിച്ച് കോടതിയില്‍ ഹാജരായി

  കാണാതായ ഓട്ടോ ഡ്രൈവര്‍ തൂങ്ങിമരിച്ച നിലയില്‍

  രണ്ട് മാസം മുമ്പ് കാണാതായ യുവാവിനെ കണ്ടെത്താനായില്ല