updated on:2018-07-09 07:13 PM
ആസ്പത്രിയില്‍ നിന്ന് പ്രതിയെ മോചിപ്പിക്കാന്‍ ശ്രമിച്ച കേസില്‍ 10 പേര്‍ക്ക് 5000 രൂപ വീതം പിഴ

www.utharadesam.com 2018-07-09 07:13 PM,
കാസര്‍കോട്: ആസ്പത്രിയില്‍ നിന്ന് എസ്.ഐയുടെ നേതൃത്വത്തിലുള്ള പൊലീസ് സംഘം കസ്റ്റഡിയിലെടുത്ത പ്രതിയെ ബലമായി മോചിപ്പിക്കാന്‍ ശ്രമിച്ച കേസിലെ പ്രതികളായ 10 പേരെ കോടതി 5000 രൂപ വീതം പിഴയടക്കാന്‍ ശിക്ഷിച്ചു.
പരവനടുക്കത്തെ പി.ബി. മുഹമ്മദ് ഷമീം(21), കാസര്‍കോട് ഫോര്‍ട്ട് റോഡിലെ മുഹമ്മദ് റാസിക് ബര്‍ക്കത്ത്(20), ചെര്‍ക്കള കനിയടുക്കത്തെ മൊഹസിന്‍ സഫീര്‍ അലി(23), മാസ്തികുണ്ടിലെ അബ്ദുല്‍മാസ്(22), ചെര്‍ക്കള ഇന്ദിരാനഗറിലെ മുഹമ്മദ് സുഹൈല്‍(20), കനിയടുക്കത്തെ ഇബ്രാഹിം ജാവിദ്(32), ചെര്‍ക്കളയിലെ മുഹമ്മദ് അഫല്‍(23), ചേരങ്കൈയിലെ അബ്ദുല്‍റഹ്മാന്‍(20), ചെര്‍ക്കളയിലെ ഇസ്മയില്‍ മുബിന്‍(22), നീലേശ്വരം ചിറപ്പുറത്തെ എം. ഷിഹാബുദ്ദീന്‍(18) എന്നിവരെയാണ് കാസര്‍കോട് ജുഡീഷ്യല്‍ ഒന്നാംക്ലാസ് മജിസ്‌ട്രേട്ട്(രണ്ട്) കോടതി പിഴയടക്കാന്‍ ശിക്ഷിച്ചത്. ആദൂര്‍ എസ്.ഐ.എം എ മാത്യുവിന്റെ പരാതിയിലാണ് 10 പേര്‍ക്കെതിരെ പൊലീസ് കേസെടുത്തിരുന്നത്. 2018 മാര്‍ച്ച് 5നാണ് കേസിനാസ്പദമായ സംഭവം. ആദൂര്‍ പൊവ്വല്‍ എല്‍.ബി.എസ് എഞ്ചിനീയറിംഗ് കോളേജിലുണ്ടായ എസ്.എഫ്.ഐ യു.ഡി.എസ്.എഫ് വിദ്യാര്‍ത്ഥികള്‍ തമ്മിലുണ്ടായ സംഘര്‍ഷവുമായി ബന്ധപ്പെട്ട് പൊലീസ് രജിസ്റ്റര്‍ ചെയ്ത കേസിലെ പ്രതികളിലൊരാളായ നവാലുറഹ്മാന്‍ കാസര്‍കോട് നുള്ളിപ്പാടിയിലെ സ്വകാര്യാസ്പത്രിയിലുണ്ടെന്ന വിവരം ലഭിച്ചതിനെ തുടര്‍ന്ന് എസ്.എം.എ മാത്യുവിന്റെ നേതൃത്വത്തിലുള്ള പൊലീസ് സംഘം ആസ്പത്രിയിലെത്തിയതായിരുന്നു. പരിക്കേറ്റ് ആസ്പത്രിയില്‍ ചികിത്സയിലായിരുന്ന യു.ഡി.എസ്.എഫ് പ്രവര്‍ത്തകരെ കാണാനാണ് നവാലുറഹ്മാന്‍ എത്തിയിരുന്നത്. ഇയാളെ കസ്റ്റഡിയിലെടുത്തപ്പോള്‍ പ്രകോപിതരായ പത്തുപേര്‍ എസ്.ഐയെ തള്ളിവീഴ്ത്തിയ ശേഷം പ്രതിയെ ബലമായി മോചിപ്പിക്കാന്‍ ശ്രമിക്കുകയായിരുന്നു. വിവരമറിഞ്ഞ് കൂടുതല്‍ പൊലീസ് സംഘമെത്തിയതോടെ സംഘം ഓടിരക്ഷപ്പെടുകയായിരുന്നു. ഇതേതുടര്‍ന്ന് പൊലീസിന്റെ കൃത്യനിര്‍വഹണം തടസപ്പെടുത്ത് പ്രതിയെ മോചിപ്പിക്കാന്‍ ശ്രമിച്ചുവെന്നതിന് പത്തുപേര്‍ക്കെതിരെ പൊലീസ് കേസെടുക്കുകയാണുണ്ടായത്.



Recent News
  അസുഖത്തെ തുടര്‍ന്ന് ചികിത്സയിലായിരുന്ന യുവതി മരിച്ചു

  ലോഡ്ജ് ഉടമയെ കബളിപ്പിച്ച് പണം തട്ടിയ യുവാവിനെതിരെ കൂടുതല്‍ പരാതികള്‍

  ലോറിയിലിടിച്ച ഓട്ടോ നിയന്ത്രണം വിട്ട് കാറിലിടിച്ചു; ഓട്ടോഡ്രൈവര്‍ മരിച്ചു

  ബൈക്കും സ്‌കൂട്ടറും കൂട്ടിയിടിച്ച് യുവാവിന് ഗുരുതരം

  കലക്ടറുടെ പേരില്‍ ഹൈക്കോടതിയില്‍ വ്യാജരേഖ; പഞ്ചായത്ത് സെക്രട്ടറിക്കും ക്ലാര്‍ക്കിനുമെതിരെ കേസ്

  ക്ലബ്ബ് പ്രവര്‍ത്തകര്‍ക്ക് നേരെ അക്രമം; ആറു പേര്‍ക്ക് പരിക്ക്

  അക്രമം; സി.പി.എം. ജില്ലാ നേതാവ് ഉള്‍പ്പെടെ 9 പേര്‍ അറസ്റ്റില്‍

  തളങ്കര സ്വദേശിയുടെ മരണത്തിന് ഇടയാക്കിയ അപകടം: ഒടുവില്‍ ലോറി കണ്ടെത്തി, ഡ്രൈവര്‍ അറസ്റ്റില്‍

  ബൈക്കില്‍ നിന്ന് വീണ് വീട്ടമ്മ മരിച്ചു

  കാസര്‍കോട് സ്വദേശികളായ ദമ്പതികളുടെ മൂന്ന് വയസ്സുള്ള മകന്‍ സൗദിയില്‍ മരിച്ചു

  ബന്ധുവായ പൊലീസുകാരന്റെ വെട്ടേറ്റ് കോണ്‍ഗ്രസ് നേതാവ് മരിച്ച സംഭവം; ഞെട്ടല്‍ മാറാതെ കാറഡുക്ക

  മന്‍സൂര്‍ അലി വധക്കേസില്‍ മുഖ്യപ്രതിയുടെ ജാമ്യക്കാര്‍ക്കെതിരെ കോടതി കേസെടുത്തു; രണ്ടാം പ്രതിയുടെ അഭിഭാഷകന്‍ പിന്‍മാറി

  അഡൂരില്‍ നിയന്ത്രണം വിട്ട കാര്‍ വീട്ടുമുറ്റത്തേക്ക് മറിഞ്ഞു

  മൂന്ന് വര്‍ഷമായി സൗദി ആസ്പത്രിയിലെ മോര്‍ച്ചറിയില്‍ സൂക്ഷിച്ചിരുന്ന കന്യപ്പാടി സ്വദേശിയുടെ മയ്യത്ത് ഖബറടക്കി

  ബൈക്കില്‍ കാറിടിച്ച് കൊലപ്പെടുത്താന്‍ ശ്രമം