updated on:2018-07-09 07:19 PM
ഭാര്യ കൊണ്ടുപോയ കുട്ടിയെ വിട്ടുകിട്ടാന്‍ ഹരജിയുമായി ഭര്‍ത്താവ് കോടതിയില്‍

www.utharadesam.com 2018-07-09 07:19 PM,
കാസര്‍കോട്: കാമുകനൊപ്പം നാടുവിടുമ്പോള്‍ ഭാര്യ കൂടെ കൊണ്ടുപോയ അഞ്ചുവയസുകാരിയായ മകളെ വിട്ടുകിട്ടണമെന്നാവശ്യപ്പെട്ട് പിതാവ് കോടതിയില്‍ ഹരജി നല്‍കി. ഉള്ളാള്‍ സ്വദേശിയും ഹൊസങ്കടിയില്‍ താമസക്കാരനുമായ യുവാവാണ് കുട്ടിയുടെ സംരക്ഷണച്ചുമതല തനിക്ക് നല്‍കണമെന്നാവശ്യപ്പെട്ട് കാസര്‍കോട് ജുഡീഷ്യല്‍ ഒന്നാംക്ലാസ് മജിസ്‌ട്രേട്ട്(രണ്ട്) കോടതിയില്‍ ഹരജി നല്‍കിയത്. ഹൊസങ്കടിയിലെ ക്വാര്‍ട്ടേഴ്‌സില്‍ ഭാര്യക്കും രണ്ടുമക്കള്‍ക്കുമൊപ്പം താമസിച്ചുവരികയായിരുന്നു യുവാവ്. ഇതിനിടയാണ് അഞ്ചുവയസുകാരിയായ ഇളയ കുട്ടിയെയും കൂട്ടി യുവതി കാമുകനും ഇതരമതസ്ഥനുമായ കൊല്ലം സ്വദേശിക്കൊപ്പം നാടുവിട്ടത്. ഭര്‍ത്താവിന്റെ പരാതിയില്‍ മഞ്ചേശ്വരം പൊലീസ് കേസെടുക്കുകയും യുവതിയെയും കുട്ടിയെയും കാമുകനൊപ്പം മംഗളൂരുവില്‍ കണ്ടെത്തുകയും ചെയ്തു. കോടതിയില്‍ ഹാജരാക്കപ്പെട്ട യുവതി തനിക്ക് തുടര്‍ന്നും കാമുകനൊപ്പം പോകാനാണ് താത്പര്യമെന്ന് അറിയിച്ചുവെങ്കിലും ഒപ്പം കുട്ടിയുള്ളതിനാല്‍ കോടതി ഇതംഗീകരിച്ചില്ല. കോടതിനിര്‍ദേശപ്രകാരം യുവതിയെയും കുട്ടിയെയും പൊലീസ് മഹിളാമന്ദിരത്തില്‍ പാര്‍പ്പിക്കുകയും ചെയ്തു. പിന്നീട് കുട്ടിയെ വിട്ടുകിട്ടാന്‍ ഭര്‍ത്താവ് കോടതിയെ സമീപിക്കുകയായിരുന്നു. ഭര്‍ത്താവിന്റെ ഹരജി സ്വീകരിച്ച കോടതി യുവതിയെയും കുട്ടിയെയും വീണ്ടും ഹാജരാക്കാന്‍ നിര്‍ദേശം നല്‍കി. ഇന്നലെ ഉച്ചയോടെ മഹിളാമന്ദിരത്തില്‍ നിന്ന് കുട്ടിയെയും കൊണ്ട് കോടതിയില്‍ ഹാജരായ യുവതി തനിക്ക് കാമുകനൊപ്പം തന്നെ പോകാനാണ് ആഗ്രഹമെന്ന് ആവര്‍ത്തിച്ചു. ഇതിനായി കുട്ടിയെ ഉപേക്ഷിക്കാനും തയ്യാറാണെന്ന് യുവതി വ്യക്തമാക്കി. എന്നാല്‍ ഇനിയൊരു തീരുമാനം ഉണ്ടാകുന്നതുവരെ കുട്ടി മാതാവിനൊപ്പം കഴിയാനാണ് കോടതി നിര്‍ദേശിച്ചത്.



Recent News
  സി.പി.ഐ പിന്തുണയോടെ എന്‍മകജെയില്‍ യു.ഡി.എഫിന് പ്രസിഡണ്ട് സ്ഥാനം

  വൈകല്യത്തെ അതിജീവിച്ച് പതിനഞ്ചുകാരന്‍ സഹദ് ചിത്രരചനയില്‍ വിസ്മയമാകുന്നു

  മധൂര്‍ ക്ഷേത്ര നവീകരണ പ്രവര്‍ത്തനം പുരോഗമിക്കുന്നു; ബാലാലയ പ്രതിഷ്ഠ നടത്തി

  പ്രസ്‌ക്ലബ്ബ് പ്രവചന മത്സര വിജയിക്ക് വാഷിംഗ് മെഷീന്‍ സമ്മാനിച്ചു

  സീനിയര്‍ സിറ്റിസണ്‍സ് സര്‍വ്വീസ് കൗണ്‍സില്‍ സംസ്ഥാന നേതൃത്വ പരിശീലന ക്യാമ്പിന് കാസര്‍കോട്ട് തുടക്കമായി

  മുത്തലാഖ് വിഷയത്തിലെ ഓര്‍ഡിനന്‍സ് ഇന്ധനവില വര്‍ധനവില്‍ നിന്ന് ശ്രദ്ധ തിരിച്ച് വിടാന്‍- ശബ്‌നം ആസ്മി

  കാഞ്ഞങ്ങാട്ടെ കവര്‍ച്ചാ കേസില്‍ പ്രതിയായ ഹോംനഴ്‌സ് പിടിയില്‍

  ഫുജൈറയില്‍ മരിച്ച മഞ്ഞംപാറ സ്വദേശിയുടെ മയ്യത്ത് നാട്ടിലെത്തിച്ച് ഖബറടക്കി

  കാഞ്ഞങ്ങാട്ട് ജ്വല്ലറിവര്‍ക്‌സില്‍ നിന്ന് 32ഗ്രാം സ്വര്‍ണ്ണത്തരികള്‍ കവര്‍ന്നു

  മുളിയാര്‍ ബാങ്കിലെ കോണ്‍ഗ്രസ് പോര്; ഔദ്യോഗികപക്ഷത്തെ നാലുപേര്‍ മത്സരത്തില്‍ നിന്ന് പിന്മാറി

  ജില്ലയുടെ വികസനത്തിന് ചെറുവിമാനത്താവളം അനിവാര്യം -എന്‍.എം.സി.സി.

  ദുരന്തമുഖത്തെ പ്രവര്‍ത്തനങ്ങള്‍ കുട്ടികള്‍ക്ക് പകര്‍ന്ന് ഫയര്‍ ആന്റ് റസ്‌ക്യൂ ടീം

  ബസ് യാത്രക്കാരുടെ പണം പിടിച്ചുപറിക്കുന്ന സംഘം കോഴിക്കോട്ട് പിടിയില്‍

  കുഞ്ചത്തൂര്‍ പദവിലെ പ്ലൈവുഡ് ഫാക്ടറിയില്‍ സ്‌ഫോടനം; രണ്ട് പേര്‍ക്ക് പരിക്ക്

  തായലങ്ങാടിയില്‍ അടച്ചിട്ട വീട് കുത്തിത്തുറന്ന് കവര്‍ച്ചാശ്രമം