updated on:2018-07-10 07:27 PM
സി. അബ്ദുല്ല മുസ്ല്യാരുടെ മയ്യത്ത് ഖബറടക്കി

www.utharadesam.com 2018-07-10 07:27 PM,
കുമ്പള: ഇന്നലെ അന്തരിച്ച വിവിധ സംഘടനകളുടേയും സ്ഥാപനങ്ങളുടേയും സാരഥിയും ഉപ്പള എം.ടി.സി ഹജ്ജ് ഗ്രൂപ്പ് ചെയര്‍മാനുമായ ഹാജി സി. അബ്ദുല്ല മുസ്ല്യാരുടെ (74) മയ്യത്ത് വന്‍ ജനാവലിയുടെ സാന്നിധ്യത്തില്‍ രാത്രി മൊഗ്രാല്‍ മൈമൂന്‍ നഗര്‍ മസ്ജിദ് പരിസരത്ത് ഖബറടക്കി.
മാസങ്ങള്‍ക്ക് മുമ്പുണ്ടായ വാഹനാപകടത്തില്‍ പരിക്കേറ്റ് ചികിത്സയിലിരിക്കെ ഇന്നലെ ഉച്ചയോടെ മൊഗ്രാലിലെ വീട്ടില്‍ വെച്ചായിരുന്നു മരണം. മരണവിവരമറിഞ്ഞ് നാടിന്റെ നാനാഭാഗത്ത് നിന്നുള്ള നിരവധി പേരാണ് മൊഗ്രാല്‍ താഹിറ മന്‍സിലിലേക്ക് ഒഴുകിയെത്തിയത്. വീട്ടില്‍ നടന്ന മയ്യത്ത് നമസ്‌കാരത്തിന് എം.ആലിക്കുഞ്ഞി മുസ്ല്യാര്‍ ഷിറിയയും പള്ളിയില്‍ നടന്ന പ്രഥമ നിസ്‌കാരത്തിന് സയ്യിദ് കെ.എസ് ആറ്റക്കോയ തങ്ങള്‍ കുമ്പോലും നേതൃത്വം നല്‍കി. പിന്നീടും വിവിധ ഘട്ടങ്ങളിലായി മയ്യത്ത് നിസ്‌കാരം നടന്നു.
സമസ്ത കേരള ജംഇയ്യത്തുല്‍ ഉലമ ജില്ലാ മുശാവറ അംഗം, മൈമൂന്‍ നഗര്‍ മഹല്ല് പ്രസിഡണ്ട്, എസ്.എം.എസ്.വൈ.എസ് ജില്ലാ വൈസ് പ്രസിഡണ്ട്, എസ്.എം.എ വൈസ് പ്രസിഡണ്ട് തുടങ്ങിയ സ്ഥാനങ്ങള്‍ വഹിച്ചിരുന്ന അബ്ദുല്ല മുസ്ല്യാര്‍ സഅദിയ, മുഹിമ്മാത്ത്, മള്ഹര്‍, ലത്തീഫിയ, അശ്അരിയ്യ തുടങ്ങിയ സ്ഥാപനങ്ങളുടെ നേതൃനിരയിലും വര്‍ഷങ്ങളായി പ്രവര്‍ത്തിച്ചുവരികയായിരുന്നു. 1980മുതല്‍ മുസ്ലിം ടൂര്‍സ് കോര്‍പ്പറേഷന്റെ കീഴില്‍ ഹജ്ജ് അമീറായി തീര്‍ത്ഥാടകര്‍ക്ക് നേതൃത്വം നല്‍കിയ അബ്ദുല്ല മുസ്ല്യാര്‍ 25ലേറെ തവണ ഹജ്ജ് കര്‍മ്മത്തിനെത്തിയിരുന്നു. നൂറിലേറെ തവണ ഉംറ അമീറായും സേവനം ചെയ്തു. ജില്ലയിലെ ഹജ്ജ് സേവന രംഗത്തെ അതുല്യവ്യക്തിത്വമായിരുന്നു അദ്ദേഹം. പൊസോട്ട്, മണ്ണംകുഴി, സോങ്കാല്‍, ഉപ്പള എന്നിവിടങ്ങളില്‍ ഖത്തീബ്, മുദരിസ് തുടങ്ങിയ മേഖലകളില്‍ സേവനം ചെയ്തിരുന്നു.
പരേതനായ മൊഗ്രാല്‍ അബ്ദുല്‍ഖാദറിന്റെയും ബീഫാത്തിമയുടേയും മകനാണ്. ഭാര്യ: റുഖിയ ഹജ്ജുമ്മ. മക്കള്‍: ഹനീഫ് ഹാജി ഉപ്പള (ഉപ്പള ഹജ്ജ് ഗ്രൂപ്പ് ഡയറക്ടര്‍), എ.കെ.സി അബ്ദുല്‍ഖാദര്‍ സഖാഫി മൊഗ്രാല്‍, താഹിറ. മരുമക്കള്‍: ഹാജി യൂസഫ് മദനി സൂരിബയല്‍, മൈമൂന, റസിയ. സഹോദരങ്ങള്‍: പരേതരായ റഹ്മാനിയ്യ അബ്ദുല്‍റഹ്മാന്‍ ഹാജി, മമ്മുഹാജി, നഫീസ, ഖദീജ.



Recent News
  അസുഖത്തെ തുടര്‍ന്ന് ചികിത്സയിലായിരുന്ന യുവതി മരിച്ചു

  ലോഡ്ജ് ഉടമയെ കബളിപ്പിച്ച് പണം തട്ടിയ യുവാവിനെതിരെ കൂടുതല്‍ പരാതികള്‍

  ലോറിയിലിടിച്ച ഓട്ടോ നിയന്ത്രണം വിട്ട് കാറിലിടിച്ചു; ഓട്ടോഡ്രൈവര്‍ മരിച്ചു

  ബൈക്കും സ്‌കൂട്ടറും കൂട്ടിയിടിച്ച് യുവാവിന് ഗുരുതരം

  കലക്ടറുടെ പേരില്‍ ഹൈക്കോടതിയില്‍ വ്യാജരേഖ; പഞ്ചായത്ത് സെക്രട്ടറിക്കും ക്ലാര്‍ക്കിനുമെതിരെ കേസ്

  ക്ലബ്ബ് പ്രവര്‍ത്തകര്‍ക്ക് നേരെ അക്രമം; ആറു പേര്‍ക്ക് പരിക്ക്

  അക്രമം; സി.പി.എം. ജില്ലാ നേതാവ് ഉള്‍പ്പെടെ 9 പേര്‍ അറസ്റ്റില്‍

  തളങ്കര സ്വദേശിയുടെ മരണത്തിന് ഇടയാക്കിയ അപകടം: ഒടുവില്‍ ലോറി കണ്ടെത്തി, ഡ്രൈവര്‍ അറസ്റ്റില്‍

  ബൈക്കില്‍ നിന്ന് വീണ് വീട്ടമ്മ മരിച്ചു

  കാസര്‍കോട് സ്വദേശികളായ ദമ്പതികളുടെ മൂന്ന് വയസ്സുള്ള മകന്‍ സൗദിയില്‍ മരിച്ചു

  ബന്ധുവായ പൊലീസുകാരന്റെ വെട്ടേറ്റ് കോണ്‍ഗ്രസ് നേതാവ് മരിച്ച സംഭവം; ഞെട്ടല്‍ മാറാതെ കാറഡുക്ക

  മന്‍സൂര്‍ അലി വധക്കേസില്‍ മുഖ്യപ്രതിയുടെ ജാമ്യക്കാര്‍ക്കെതിരെ കോടതി കേസെടുത്തു; രണ്ടാം പ്രതിയുടെ അഭിഭാഷകന്‍ പിന്‍മാറി

  അഡൂരില്‍ നിയന്ത്രണം വിട്ട കാര്‍ വീട്ടുമുറ്റത്തേക്ക് മറിഞ്ഞു

  മൂന്ന് വര്‍ഷമായി സൗദി ആസ്പത്രിയിലെ മോര്‍ച്ചറിയില്‍ സൂക്ഷിച്ചിരുന്ന കന്യപ്പാടി സ്വദേശിയുടെ മയ്യത്ത് ഖബറടക്കി

  ബൈക്കില്‍ കാറിടിച്ച് കൊലപ്പെടുത്താന്‍ ശ്രമം