updated on:2018-07-10 07:58 PM
തുടര്‍ച്ചയായി പെയ്യുന്ന കനത്ത മഴ; ജില്ലയിലെ ഗ്രാമങ്ങള്‍ ഉരുള്‍പൊട്ടല്‍ ഭീതിയില്‍

www.utharadesam.com 2018-07-10 07:58 PM,
പെരിയ: തുടര്‍ച്ചയായി പെയ്യുന്ന കനത്ത മഴ മലയോര ഗ്രാമപ്രദേശങ്ങളില്‍ ഉരുള്‍പൊട്ടല്‍ ഭീഷണിയുയര്‍ത്തുന്നു. ഇടമുറിയാതെ മഴപെയ്യുന്നത് മൂലം പലഭാഗങ്ങളിലും ഉറവ രൂപപ്പെട്ടിട്ടുണ്ട്. ഇന്നലെ പെയ്ത മഴയെതുടര്‍ന്ന് കാഞ്ഞങ്ങാട് - പാണത്തൂര്‍ സംസ്ഥാന പാത താഴ്ന്നിരിക്കുകയാണ്. ഉറവ പൊട്ടുന്നതിനാല്‍ പല സ്ഥലത്തും റോഡുകള്‍ താഴുകയാണ്.
പടി മരുത് ക്രിസ്ത്യന്‍ പള്ളിക്ക് സമീപം ഉറവ പൊങ്ങിയതിനെ തുടര്‍ന്ന് റോഡ് താഴ്ന്നതിനാല്‍ ഇതുവഴിയുള്ള വാഹന ഗതാഗതം പ്രതിസന്ധിയിലാണ്. പുല്ലൂര്‍- പെരിയ, കോടോം-ബേളൂര്‍, പനത്തടി, കള്ളാര്‍, ഈസ്റ്റ് എളേരി, വെസ്റ്റ് എളേരി പഞ്ചായത്തുകളിലെ ഉള്‍നാടന്‍ പ്രദേശങ്ങളില്‍ ഉറവകള്‍ ഉരുള്‍പൊട്ടലിന് കാരണമായേക്കുമോയെന്ന ആശങ്ക നിലനില്‍ക്കുന്നുണ്ട്. കൂറ്റന്‍ പാറക്കെട്ടുകള്‍ നിറഞ്ഞ പ്രദേശങ്ങളിലെ ഉറവകള്‍ ശക്തമായി തുടരുന്നത് അപകടകരമാണ്. ഈയിടെ കൊന്നക്കാട് മഞ്ചുച്ചാലിലുണ്ടായ ഉരുള്‍പൊട്ടലില്‍ വന്‍ കൃഷിനാശം സംഭവിക്കുകയും റോഡ് ഗതാഗതം തടസപ്പെടുകയും ചെയ്തിരുന്നു. അനധികൃത കരിങ്കല്‍ ക്വാറികള്‍ പെരുകിയതും അശാസ്ത്രീയമായ ഖനനങ്ങളും ഉരുള്‍പൊട്ടലിനുള്ള സാഹചര്യമുണ്ടാക്കുന്നുണ്ട്. മഴക്കെടുതികളില്‍പ്പെട്ട് നൂറുകണക്കിന് വീടുകളാണ് ജില്ലയിലെ വിവിധ ഭാഗങ്ങളിലായി തകര്‍ന്നത്. ഏക്കര്‍ കണക്കിന് കൃഷിയും നശിച്ചു. കോടികളുടെ നാശനഷ്ടമാണ് സംഭവിച്ചത്.



Recent News
  അസുഖത്തെ തുടര്‍ന്ന് ചികിത്സയിലായിരുന്ന യുവതി മരിച്ചു

  ലോഡ്ജ് ഉടമയെ കബളിപ്പിച്ച് പണം തട്ടിയ യുവാവിനെതിരെ കൂടുതല്‍ പരാതികള്‍

  ലോറിയിലിടിച്ച ഓട്ടോ നിയന്ത്രണം വിട്ട് കാറിലിടിച്ചു; ഓട്ടോഡ്രൈവര്‍ മരിച്ചു

  ബൈക്കും സ്‌കൂട്ടറും കൂട്ടിയിടിച്ച് യുവാവിന് ഗുരുതരം

  കലക്ടറുടെ പേരില്‍ ഹൈക്കോടതിയില്‍ വ്യാജരേഖ; പഞ്ചായത്ത് സെക്രട്ടറിക്കും ക്ലാര്‍ക്കിനുമെതിരെ കേസ്

  ക്ലബ്ബ് പ്രവര്‍ത്തകര്‍ക്ക് നേരെ അക്രമം; ആറു പേര്‍ക്ക് പരിക്ക്

  അക്രമം; സി.പി.എം. ജില്ലാ നേതാവ് ഉള്‍പ്പെടെ 9 പേര്‍ അറസ്റ്റില്‍

  തളങ്കര സ്വദേശിയുടെ മരണത്തിന് ഇടയാക്കിയ അപകടം: ഒടുവില്‍ ലോറി കണ്ടെത്തി, ഡ്രൈവര്‍ അറസ്റ്റില്‍

  ബൈക്കില്‍ നിന്ന് വീണ് വീട്ടമ്മ മരിച്ചു

  കാസര്‍കോട് സ്വദേശികളായ ദമ്പതികളുടെ മൂന്ന് വയസ്സുള്ള മകന്‍ സൗദിയില്‍ മരിച്ചു

  ബന്ധുവായ പൊലീസുകാരന്റെ വെട്ടേറ്റ് കോണ്‍ഗ്രസ് നേതാവ് മരിച്ച സംഭവം; ഞെട്ടല്‍ മാറാതെ കാറഡുക്ക

  മന്‍സൂര്‍ അലി വധക്കേസില്‍ മുഖ്യപ്രതിയുടെ ജാമ്യക്കാര്‍ക്കെതിരെ കോടതി കേസെടുത്തു; രണ്ടാം പ്രതിയുടെ അഭിഭാഷകന്‍ പിന്‍മാറി

  അഡൂരില്‍ നിയന്ത്രണം വിട്ട കാര്‍ വീട്ടുമുറ്റത്തേക്ക് മറിഞ്ഞു

  മൂന്ന് വര്‍ഷമായി സൗദി ആസ്പത്രിയിലെ മോര്‍ച്ചറിയില്‍ സൂക്ഷിച്ചിരുന്ന കന്യപ്പാടി സ്വദേശിയുടെ മയ്യത്ത് ഖബറടക്കി

  ബൈക്കില്‍ കാറിടിച്ച് കൊലപ്പെടുത്താന്‍ ശ്രമം