updated on:2018-07-12 05:47 PM
കാത്തിരിപ്പിന് വിട ഉക്കിനടുക്ക മെഡിക്കല്‍ കോളേജ് ആസ്പത്രി ബ്ലോക്ക് ടെണ്ടറിന് സര്‍ക്കാര്‍ അംഗീകാരം

www.utharadesam.com 2018-07-12 05:47 PM,
കാസര്‍കോട്: നീണ്ടകാലത്തെ അനിശ്ചിതത്വത്തിന് വിട. പെര്‍ളക്കടുത്ത് ഉക്കിനടുക്കയിലെ നിര്‍ദ്ധിഷ്ട മെഡിക്കല്‍ കോളേജ് ആസ്പത്രി ബ്ലോക്ക് നിര്‍മ്മാണ ടെണ്ടറിന് സര്‍ക്കാര്‍ അംഗീകാരം. 85 കോടി രൂപ ചെലവില്‍ നിര്‍മ്മിക്കുന്ന ആസ്പത്രി സമുച്ചയത്തിനാണ് അന്തിമ അനുമതി ലഭിച്ചത്. മെഡിക്കല്‍ കോളേജ് കണ്‍സള്‍ട്ടന്റ് സര്‍ക്കാരിന്റെ നോഡല്‍ ഏജന്‍സിയായ കിറ്റ്‌കോ നിര്‍മ്മാണ കരാര്‍ ചെന്നൈ ആസ്ഥാനമായുള്ള ആര്‍.ആര്‍. തുളസി അസോസിയേറ്റ്‌സിന് ഇന്ന് നല്‍കുമെന്ന് അറിയുന്നു. രണ്ടാഴ്ചക്കുള്ളില്‍ നിര്‍മ്മാണം ആരംഭിക്കുന്ന തരത്തിലാവും വര്‍ക്ക് ഓര്‍ഡര്‍ നല്‍കുകയെന്ന് വിശ്വസനീയ വൃത്തങ്ങള്‍ സൂചിപ്പിച്ചു. കരാര്‍ ലഭിച്ച കമ്പനി അധിക സമയം ചോദിച്ചില്ലെങ്കില്‍ നിര്‍മ്മാണം ഈ മാസം തന്നെ ആരംഭിക്കും. 2013 നവംബര്‍ 30ന് അന്നത്തെ മുഖ്യമന്ത്രി ഉമ്മന്‍ചാണ്ടിയാണ് മെഡിക്കല്‍ കോളേജിന് തറക്കല്ലിട്ടത്. എന്നാല്‍ ആദ്യം ഉണ്ടായ വേഗത പിന്നീടുണ്ടായില്ല. ഇതേത്തുടര്‍ന്ന് പൊതു പ്രവര്‍ത്തകരുടെയും നാട്ടുകാരുടെയും നേതൃത്വത്തില്‍ ജനകീയ സമര സമിതി രൂപീകരിക്കുകയും സമര പരിപാടികള്‍ നടത്തുകയും ചെയ്തിരുന്നു.
ഏറെ മുറവിളികള്‍ക്കൊടുവില്‍ 2016 ജനുവരി 8 ന് അക്കാദമിക് ബ്ലോക്ക് നിര്‍മ്മാണത്തിന് സര്‍ക്കാര്‍ അംഗീകാരം നല്‍കിയെങ്കിലും ആസ്പത്രി ബ്ലോക്കിന്റെ കാര്യത്തില്‍ വ്യക്തതയുണ്ടായിരുന്നില്ല. 26 കോടി രൂപയോളം ചെലവഴിച്ചാണ് അക്കാദമിക് ബ്ലോക്ക് നിര്‍മ്മിച്ചത്. 2017ല്‍ ക്ലാസാരംഭിക്കുമെന്ന് നേരത്തെ പ്രഖ്യാപനമുണ്ടായിരുന്നെങ്കിലും ആസ്പത്രി ബ്ലോക്ക് നിര്‍മ്മാണം വൈകുന്നത് ആശങ്കകള്‍ക്ക് ഇടവരുത്തിയിരുന്നു. 5 വര്‍ഷത്തോളം ഇഴഞ്ഞ് നീങ്ങിയെങ്കിലും ഒടുവില്‍ ആസ്പത്രി ബ്ലോക്ക് നിര്‍മ്മാണത്തിന് അന്തിമ അനുമതി ലഭിച്ചത് ജില്ലയിലെ ജനങ്ങള്‍ക്ക് ആഹ്ലാദം പകരുന്നു. ആസ്പത്രി സമുച്ചയത്തിന്റെ നിര്‍മ്മാണത്തിന് നബാര്‍ഡ് നേരത്തെ 75 കോടി വായ്പ അനുവദിച്ചിരുന്നു.



Recent News
  അഡൂരില്‍ ഓട്ടോയും ബൈക്കും കൂട്ടിയിടിച്ച് കോണ്‍ക്രീറ്റ് തൊഴിലാളി മരിച്ചു

  ബായാറില്‍ പശുക്കടത്ത് വാഹനം തടയുന്ന ദൃശ്യം മൊബൈല്‍ ഫോണില്‍ പകര്‍ത്തിയതിന് ദമ്പതികളെ വീട്ടില്‍ കയറി അക്രമിച്ചു

  നന്മയെ കണ്ടെത്തി പ്രോത്സാഹിപ്പിക്കുന്നത് മഹത്തായ ദൗത്യം-ജില്ലാ പൊലീസ് മേധാവി

  പ്രസ്‌ക്ലബ്ബ് ഫുട്‌ബോള്‍ ഷൂട്ടൗട്ട്: ഷൈജു ജേതാവായി

  നഗരത്തിലെ റോഡുകള്‍ തകര്‍ന്ന് കുഴികള്‍; ദുരിതത്തിലായി യാത്രക്കാര്‍

  അസുഖത്തെ തുടര്‍ന്ന് ചികിത്സയിലായിരുന്ന യുവാവ് മരിച്ചു

  ചൂരിപ്പള്ളത്തെ കവര്‍ച്ച: 50 പേര്‍ നിരീക്ഷണത്തില്‍; നാടുവിട്ട മൂന്നുപേരെ തിരയുന്നു

  തിയേറ്റര്‍ കെട്ടിടം പൊളിക്കുന്നതിനിടെ സ്ലാബ് അടര്‍ന്നുവീണ് ഏഴ് തൊഴിലാളികള്‍ക്ക് പരിക്ക്; ഒരാളുടെ നില ഗുരുതരം

  കൂറ്റന്‍ മരം കടപുഴകിവീണു; ചെര്‍ക്കള-പെര്‍ള റൂട്ടില്‍ ഗതാഗതം മുടങ്ങി

  പിലാങ്കട്ടയില്‍ വീട് തകര്‍ന്ന് രണ്ടുപേര്‍ക്ക് പരിക്ക്

  ക്ലാസ്‌മേറ്റ്‌സ് സിനിമാനിര്‍മ്മാതാവിനോട് പൊലീസുദ്യോഗസ്ഥര്‍ 25 ലക്ഷം രൂപ കൈക്കൂലി വാങ്ങിയതായി ആരോപണം

  നാല് വയസുകാരന്‍ തോട്ടില്‍ മുങ്ങിമരിച്ച സംഭവം നാടിനെ കണ്ണീരിലാഴ്ത്തി

  കാഞ്ഞങ്ങാട് കേന്ദ്രീകരിച്ച് 200 ഓളം വ്യാജ പാസ്‌പോര്‍ട്ടുകള്‍; ക്രൈംബ്രാഞ്ച് അന്വേഷണം ഊര്‍ജിതം

  കടല്‍ക്ഷോഭവും ട്രോളിങ്ങ് നിരോധനവും; മത്സ്യതൊഴിലാളികള്‍ ദുരിതത്തില്‍

  കാസര്‍കോട് സമ്മാനിച്ചത് നല്ല ഓര്‍മ്മകള്‍ -കലക്ടര്‍ കെ. ജീവന്‍ ബാബു