updated on:2018-07-12 06:26 PM
ഓടിക്കൊണ്ടിരുന്ന ഓട്ടോ മരം വീണ് തകര്‍ന്നു; അത്ഭുതകരമായി രക്ഷപ്പെട്ടു

www.utharadesam.com 2018-07-12 06:26 PM,
ബോവിക്കാനം: ഓടികൊണ്ടിരുന്ന ഓട്ടോറിക്ഷയ്ക്ക് മുകളില്‍ മരം വീണു ഓട്ടോ തകര്‍ന്നു. ഡ്രൈവറും യാത്രക്കാരനും അത്ഭുതകരമായി രക്ഷപ്പെട്ടു.
ഇന്നലെ ഉച്ചക്ക് 12 മണിയോടെ ബോവിക്കാനം-കുറ്റിക്കോല്‍ റോഡിലെ മഞ്ചക്കല്ലിലാണ് അപകടം. ബന്തടുക്കയില്‍ നിന്ന് കാസര്‍കോട് ഭാഗത്തേക്ക് പോവുകയായിരുന്നു ഓട്ടോറിക്ഷ മഞ്ചക്കല്‍ ബസ് സ്റ്റോപ്പിന് സമീപം എത്തിയപ്പോള്‍ അക്കേഷ്യ മരം കടപുഴകി വീഴുകയായിരുന്നു. ആദ്യം വൈദ്യുതി കമ്പിയുടെ മുകളില്‍ മരം കടപുഴകി വീണുവെങ്കിലും കമ്പി പൊട്ടി വീഴാത്തതിനാല്‍ അത്ഭുതകരമായാണ് യാത്രക്കാര്‍ രക്ഷപ്പെട്ടത്.
ഓട്ടോ ഡ്രൈവര്‍ കാസര്‍കോട് സ്വദേശി ഹനീഫ് (43), യാത്രക്കാരായ സുപ്പിക്കുട്ടി, അബ്ദുല്‍ ബാസിത് എന്നിവരാണ് രക്ഷപ്പെട്ടത്.
അപകടത്തെതുടര്‍ന്ന് ബോവിക്കാനം-കുറ്റിക്കോല്‍ റോഡില്‍ മണിക്കൂറുകളോളം ഗതാഗതം മുടങ്ങി. പിന്നീട് കുറ്റിക്കോലില്‍ നിന്നുമെത്തിയ ഫയര്‍ ഫോഴ്‌സും നാട്ടുകാരും ചേര്‍ന്ന് മരം മുറിച്ചു നീക്കി ഗതാഗതം പുനഃസ്ഥാപിച്ചു. കേട്പാട് സംഭവിച്ച വൈദ്യുതി കമ്പിയും അധികൃതര്‍ പഴയ സ്ഥിതിയിലാക്കി.



Recent News
  അധ്യാപിക വീട്ടില്‍ തൂങ്ങിമരിച്ച നിലയില്‍

  യുവതിയുടെ ഹണിട്രാപ്പില്‍ കുടുങ്ങിയവരില്‍ വ്യാപാരികളും രാഷ്ട്രീയനേതാക്കളും

  തൊഴിലാളി പണിശാലയില്‍ കഴുത്തിന് മുറിവേറ്റ് മരിച്ച നിലയില്‍

  മാങ്ങാട് സ്വദേശി അബുദാബിയില്‍ അന്തരിച്ചു

  മുള്ളേരിയയില്‍ ബൈക്കുകള്‍ കൂട്ടിയിടിച്ച് പരിക്കേറ്റ ഡിഗ്രിവിദ്യാര്‍ത്ഥി മരിച്ചു

  അതിജീവനത്തിന് കൈതാങ്ങായി തന്‍ബീഹുല്‍ ഇസ്ലാം നഴ്‌സറി സ്‌കൂളും

  മുഖ്യമന്ത്രിയുടെ ദുരിതാശ്വാസ നിധിയിലേക്ക് ബിന്ദു ജ്വല്ലറി 1.25 ലക്ഷം രൂപ നല്‍കി

  അവാര്‍ഡ് തുക മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്‍കി അധ്യാപകന്‍ നിര്‍മ്മല്‍കുമാര്‍

  ഉദ്യാവരയില്‍ കെ.എം.സി.സി. നിര്‍മ്മിച്ച ബൈത്തുറഹ്മയുടെ താക്കോല്‍ ദാനം നടത്തി

  യുവാവ് കുളത്തില്‍ മുങ്ങിമരിച്ചു കാഞ്ഞങ്ങാട്: സുഹൃത്തുക്കളോടൊപ്പം

  ഡി.വൈ.എഫ്.ഐ. പ്രവര്‍ത്തകരെ മര്‍ദ്ദിച്ചു

  കുറ്റിക്കോലില്‍ ടെമ്പോ മറിഞ്ഞു

  യു.പി. സ്വദേശി താമസ സ്ഥലത്ത് മരിച്ച നിലയില്‍

  എന്‍.വൈ.എല്‍. റീത്ത് സമര്‍പ്പിച്ച് പ്രതിഷേധിച്ചു

  എ.കെ.ഡി.എ. കാസര്‍കോട് ജില്ലാ കമ്മിറ്റി സംസ്ഥാന നേതാക്കള്‍ക്ക് സ്വീകരണം നല്‍കി