updated on:2018-08-06 07:27 PM
ഉപ്പള സോങ്കാലില്‍ ഡി.വൈ.എഫ്.ഐ. പ്രവര്‍ത്തകനെ കുത്തിക്കൊന്നു

www.utharadesam.com 2018-08-06 07:27 PM,
ഉപ്പള: ഉപ്പള സോങ്കാല്‍ പ്രതാപ് നഗറില്‍ ഡി.വൈ.എഫ്.ഐ. പ്രവര്‍ത്തകനെ കുത്തിക്കൊന്നു. പ്രതാപ് നഗറിലെ അബൂബക്കര്‍ സിദ്ധീഖാ(22)ണ് കൊല്ലപ്പെട്ടത്. ഇന്നലെ രാത്രി 11 മണിയോടെ പ്രതാപ് നഗറില്‍വെച്ചാണ് സംഭവം.
രണ്ട് ബൈക്കുകളിലെത്തിയ രണ്ടുപേരാണ് സിദ്ധിഖിനെ കുത്തിയതെന്ന് പൊലീസ് പറഞ്ഞു. കൊലക്ക് പിന്നില്‍ ബി.ജെ.പി. പ്രവര്‍ത്തകരാണെന്ന് സി.പി.എം. ആരോപിച്ചു.
കൊലപാതകത്തില്‍ പ്രതിഷേധിച്ച് മഞ്ചേശ്വരം താലൂക്കില്‍ ഡി.വൈ.എഫ്.ഐയുടെ നേതൃത്വത്തില്‍ ഹര്‍ത്താല്‍ ആചരിച്ചുവരികയാണ്. വൈകിട്ട് 6മണിവരെയാണ് ഹര്‍ത്താല്‍. ഗള്‍ഫിലുണ്ടായിരുന്ന സിദ്ധീഖ് രണ്ടാഴ്ച മുമ്പാണ് നാട്ടിലെത്തിയത്. ഇന്നലെ രാത്രി പ്രതാപ് നഗറില്‍ സംഘട്ടനത്തില്‍ ഏര്‍പ്പെട്ട ഒരു സംഘത്തെ പിടിച്ചു മാറ്റുന്നതിനിടെയാണ് സിദ്ധിഖിനെ കുത്തിയതെന്ന് പൊലീസ് പറഞ്ഞു. സംഭവവുമായി ബന്ധപ്പെട്ട് അശ്വത് ഉള്‍പ്പെടെ രണ്ട് പേരെയാണ് പൊലീസ് അന്വേഷിക്കുന്നത്.
ഒളിവില്‍ പോയ പ്രതികളെ കണ്ടെത്താന്‍ പൊലീസ് ഊര്‍ജ്ജിതമായി അന്വേഷണം നടത്തിവരികയാണ്. കുമ്പള സ്റ്റേഷന്‍ ഹൗസ് ഓഫീസര്‍ കെ. പ്രേംസദനാണ് കേസ് അന്വേഷിക്കുന്നത്. കഴിഞ്ഞ നിയമസഭാ തിരഞ്ഞെടുപ്പുവേളയില്‍ സിദ്ധിഖിനെ ബി.ജെ.പി. പ്രവര്‍ത്തകര്‍ മര്‍ദ്ദിച്ചതായി പറയുന്നു. സിദ്ധിഖിന്റെ മൃതദേഹം കാസര്‍കോട് ജനറല്‍ ആസ്പത്രിയില്‍ എത്തിച്ച് ഇന്‍ക്വസ്റ്റ് നടപടികള്‍ പൂര്‍ത്തിയാക്കിയതിന് ശേഷം വിദഗ്ധ പോസ്റ്റുമോര്‍ട്ടതിനായി പരിയാരം മെഡിക്കല്‍ കോളേജ് ആസ്പത്രിയിലേക്ക് കൊണ്ടുപോയി. ഡി.വൈ.എസ്.പി. എം.വി. സുകുമാരന്‍ അടക്കമുള്ള പൊലീസ് ഉദ്യോഗസ്ഥര്‍ ജനറല്‍ ആസ്പത്രിയില്‍ എത്തിയിരുന്നു. സംഘര്‍ഷാവസ്ഥ കണക്കിലെടുത്ത് ഉപ്പള ഭാഗത്ത് കനത്ത പൊലീസ് കാവല്‍ ഏര്‍പ്പെടുത്തിയിട്ടുണ്ട്. അസീസ് -ആമിന ദമ്പതികളുടെ മകനാണ്. സഹോദരങ്ങള്‍: ആഷിഖ്, സാഹിന, സാഹിദ്.



Recent News
  സ്‌കൂട്ടറില്‍ കടത്തുകയായിരുന്ന 600 ഗ്രാം കഞ്ചാവുമായി യുവാവ് അറസ്റ്റില്‍

  ഹമീദ് പൈക്ക അന്തരിച്ചു

  പ്രളയം: ലത്തീഫ് ഉപ്പള ഗേറ്റ് 1 കോടി രൂപയും ഒരു കണ്ടെയ്‌നര്‍ മെഡിക്കല്‍ സാമഗ്രികളും നല്‍കും

  കാരുണ്യ ഹൃദയം തുറന്ന് കാസര്‍കോട്

  ഭിന്നശേഷിയുള്ള 14കാരന്‍ സര്‍ക്കാരില്‍ നിന്ന് ലഭിച്ച ആനുകൂല്യങ്ങള്‍ ദുരിതാശ്വാസ നിധിയിലേക്ക് നല്‍കി

  രാജീവ് ഗാന്ധിയുടെ ജന്മദിനം ആഘോഷിച്ചു

  കേരളത്തില്‍ പെയ്ത അധികമഴയില്‍ ഏറ്റവും കുറഞ്ഞ ശതമാനം കാസര്‍കോട്ട്; കൂടുതല്‍ ഇടുക്കിയില്‍

  ജെ.സി.ഐ. കാസര്‍കോട് അരലക്ഷം രൂപയും സാധനങ്ങളും നല്‍കി

  കാസര്‍കോട് ജില്ലാ ക്രിക്കറ്റ് അസോസിയേഷന്‍ ജനറല്‍ ബോഡിക്ക് സ്റ്റേ

  പ്രളയത്തില്‍ കുടുങ്ങിയവരില്‍ കാസര്‍കോട്ടുകാരും; സുരക്ഷിതരെന്നറിയിച്ച് ഫോണ്‍ വിളിയെത്തി

  കാഞ്ഞങ്ങാട്ട് ബൈക്കും കാറും കൂട്ടിയിടിച്ച് അധ്യാപകന്‍ മരിച്ചു

  ബിരുദ വിദ്യാര്‍ത്ഥിനിയെ കാണാതായതായി പരാതി

  ഓട്ടോയില്‍ വാനിടിച്ച് മരിച്ച യുവാവിന്റെ കുടുംബത്തിന് 15.2 ലക്ഷം രൂപ നഷ്ടപരിഹാരം നല്‍കാന്‍ വിധി

  മൊഗ്രാല്‍ പുത്തൂര്‍ സ്വദേശി ബംഗളൂരുവില്‍ അന്തരിച്ചു

  വിദ്യാര്‍ത്ഥിനിയെ വീട്ടുവേലക്ക് നിര്‍ത്തി ലൈംഗികമായി പീഡിപ്പിക്കാന്‍ ശ്രമിച്ചതിന് ദമ്പതികള്‍ക്കെതിരെ കേസ്