updated on:2018-10-10 08:44 PM
പൈതൃകനഗരി: പുലിക്കുന്നിന് സാധ്യതയേറി; എം.എല്‍.എയും കലക്ടറും സ്ഥലം സന്ദര്‍ശിച്ചു

www.utharadesam.com 2018-10-10 08:44 PM,
കാസര്‍കോട്: ജില്ലാ ആസ്ഥാനത്തെ പ്രധാന ഭാഗങ്ങളിലൊന്നായ പുലിക്കുന്നിനെ പൈതൃക നഗരിയാക്കുന്നതിനെ കുറിച്ച് ജില്ലാ ഭരണകൂടം ആലോചിക്കുന്നു. സാംസ്‌കാരിക വകുപ്പിന്റെ നിര്‍ദ്ദേശപ്രകാരം, എല്ലാ ജില്ലകളിലും ഓരോ പൈതൃക നഗരി നിര്‍മ്മിക്കുന്നതിന്റെ ഭാഗമായി ഉചിതമായ ഇടം കണ്ടെത്തുന്നതിന് തുടക്കം കുറിച്ച ജില്ലാ ഭരണകൂടം പുലിക്കുന്നിനെയാണ് നോട്ടമിടുന്നത്. ജില്ലാ കലക്ടര്‍ ഡോ. ഡി. സജിത്ത് ബാബു പുലിക്കുന്ന് സന്ദര്‍ശിച്ചു.
പുലിക്കുന്നിന്റെ സാധ്യത ആരായുന്നതിന്റെ ഭാഗമായി എന്‍.എ നെല്ലിക്കുന്ന് എം.എല്‍.എയേയും നഗരസഭാ അധ്യക്ഷ ബീഫാത്തിമ ഇബ്രാഹിമിനേയും ജില്ലാ കലക്ടര്‍ സന്ദര്‍ശന വേളയില്‍ കൂടെകൂട്ടിയിരുന്നു. മൂവരും പുലിക്കുന്ന് ഉചിതമായ സ്ഥലമാണെന്ന നിഗമനത്തിലാണ് എത്തിയത്.
ഒരുപാട് ചരിത്രങ്ങള്‍ക്ക് സാക്ഷ്യം വഹിച്ച, നഗരസഭാ കാര്യാലയവും ടൗണ്‍ ഹാളും ജില്ലാ-മുനിസിപ്പല്‍ ലൈബ്രറികളും ഗസ്റ്റ് ഹൗസും സ്ഥിതിചെയ്യുന്ന പുലിക്കുന്ന് നഗരത്തിലെ ഏറ്റവും തിരക്കേറിയ എം.ജി റോഡിനോട് ചേര്‍ന്നുള്ള റോഡുകളിലൊന്നാണ്.
എല്‍.ഐ.സി ഓഫീസ് മുതല്‍ പുലിക്കുന്ന് ഫെറി വരെയുള്ള റോഡാണ് ജില്ലാ കലക്ടറുടെ നേതൃത്വത്തില്‍ സന്ദര്‍ശിച്ചത്.
'പുലിക്കുന്ന് ഞങ്ങള്‍ സന്ദര്‍ശിച്ചു. പൈതൃക നഗരി സൃഷ്ടിക്കാന്‍ ഉചിതമായ ഇടമാണെന്ന് തോന്നുന്നു. എല്ലാ ജില്ലാ ആസ്ഥാനങ്ങളിലും ഇത്തരം പൈതൃക നഗരങ്ങള്‍ നിര്‍മ്മിക്കാന്‍ ഉചിതമായ ഇടം കണ്ടെത്തണമെന്ന് സാംസ്‌കാരിക വകുപ്പ് ആവശ്യപ്പെട്ടിട്ടുണ്ട്. ഇതിന്റെ ഭാഗമായാണ് എം.എല്‍.എയേയും നഗരസഭാ ചെയര്‍പേഴ്‌സനേയും കൂട്ടി പുലിക്കുന്ന് സന്ദര്‍ശിച്ചത്' -ജില്ലാ കലക്ടര്‍ ഉത്തരദേശത്തോട് പറഞ്ഞു.
'ആളുകള്‍ക്ക് വൈകുന്നേരങ്ങളില്‍ വന്നിരിക്കാനും നല്ല പാട്ടുകള്‍ കേള്‍ക്കാനും സാംസ്‌കാരിക ചടങ്ങുകള്‍ സംഘടിപ്പിക്കാനും ഒക്കെയായി നഗരത്തോട് ചേര്‍ന്ന് ഒരിടം സൃഷ്ടിക്കുക എന്നതാണ് ലക്ഷ്യം. പുലിക്കുന്നിന്റെ സാധ്യത കൂടുതല്‍ പഠിച്ച ശേഷം സര്‍ക്കാറിന് റിപ്പോര്‍ട്ട് സമര്‍പ്പിക്കും' അദ്ദേഹം കൂട്ടിചേര്‍ത്തു.
പൈതൃക നഗരിക്ക് ഉചിതമായ സ്ഥലം പുലിക്കുന്നാണെന്ന വിലയിരുത്തലുമായി, പുലിക്കുന്നിലെ ചരിത്ര പശ്ചാത്തലം വിശദീകരിച്ച് 'ഉത്തരേദശം' തിങ്കളാഴ്ച ലേഖനം പ്രസിദ്ധീകരിച്ചിരുന്നു.
1984 മെയ് 24ന് അന്നത്തെ മുഖ്യമന്ത്രി കെ. കരുണാകരന്‍ കാസര്‍കോട് ജില്ല പ്രഖ്യാപിച്ചത് പുലിക്കുന്നില്‍ വെച്ചായിരുന്നു.
പൈതൃക നഗരത്തോട് അനുബന്ധിച്ച് വീഥികളില്‍ കലാരൂപങ്ങളും സ്മാരകങ്ങളും സ്ഥാപിക്കും.



Recent News
  നടപടി വരുമെന്ന പ്രഖ്യാപനത്തിനിടയിലും പൊതുസ്ഥലത്ത് മാലിന്യം തള്ളുന്നു

  അസുഖത്തെ തുടര്‍ന്ന് ചുമട്ട് തൊഴിലാളി മരിച്ചു

  ക്വാറി തൊഴിലാളി തൂങ്ങി മരിച്ചു

  ബഷീര്‍ കുമ്പള അന്തരിച്ചു

  കൂട്ടുകാരോടൊപ്പം പുഴയില്‍ കുളിക്കാനിറങ്ങിയ ഒമ്പതാം ക്ലാസ് വിദ്യാര്‍ത്ഥി മുങ്ങി മരിച്ചു

  രാഷ്ട്ര പാരമ്പര്യം കാക്കാന്‍ സര്‍ക്കാരിനും കോടതിക്കും തുല്യ ബാധ്യതയെന്ന് സമസ്ത പ്രസിഡണ്ട്

  സൂററ്റ് എന്‍.ഐ.ടി എം.ടെക്ക് പരീക്ഷയില്‍ കാസര്‍കോട് സ്വദേശിനിക്ക് ഒന്നാം റാങ്ക്

  ദേവലോകം എഞ്ചിനീയറിംഗ് കോളേജ് ഇന്ന് സാമൂഹ്യദ്രോഹികള്‍ക്ക് അധോലോകം

  ആസ്പത്രിയിലെത്തിക്കാന്‍ വാഹനം കിട്ടിയില്ല; ശ്വാസ തടസ്സം അനുഭവപ്പെട്ട കുട്ടി അച്ഛന്റെ തോളില്‍ കിടന്ന് മരിച്ചു

  ഇവിടെ സീബ്രാലൈന്‍ കടക്കുന്നവര്‍ വേലിചാടണം

  മര്‍ച്ചന്റ്‌സ് അസോസിയേഷന്‍ ദുരിതാശ്വാസ നിധിയിലേക്കുള്ള തുക കൈമാറി

  ആടിനെ പെരുമ്പാമ്പ് കടിച്ചു കൊന്നു

  സ്‌കൂള്‍ വിദ്യാര്‍ത്ഥിനിയെ പീഡിപ്പിച്ചതായി പരാതി; ഓട്ടോ ഡ്രൈവര്‍ കസ്റ്റഡിയില്‍

  ബെള്ളൂരില്‍ കല്ലുവെട്ട് യന്ത്രത്തിന്റെ ചെയ്‌നില്‍ കുടുങ്ങി തൊഴിലാളി മരിച്ചു

  യുവാവിന്റെ പരാക്രമം; ബസിന്റെ ഗ്ലാസ് തകര്‍ത്തു, താക്കോല്‍ കാട്ടിലേക്ക് എറിഞ്ഞു