updated on:2018-10-29 08:08 PM
മുഹമ്മദ് കുഞ്ഞി വധക്കേസ്; ഭാര്യയെയും കാമുകനെയും കസ്റ്റഡിയില്‍ വാങ്ങും

www.utharadesam.com 2018-10-29 08:08 PM,
കാസര്‍കോട്: മൊഗ്രാല്‍പുത്തൂര്‍ ബെള്ളൂര്‍ സ്വദേശിയും ബേവിഞ്ച സ്റ്റാര്‍ നഗറില്‍ താമസക്കാരനുമായിരുന്ന മുഹമ്മദ് കുഞ്ഞിയെ (32) കൊലപ്പെടുത്തിയ കേസില്‍ റിമാണ്ടില്‍ കഴിയുന്ന ഭാര്യയെയും കാമുകനെയും കസ്റ്റഡിയില്‍ വിട്ടുകിട്ടുന്നതിന് പൊലീസ് കോടതിയില്‍ ഹരജി നല്‍കി.
കൊല്ലപ്പെട്ട മുഹമ്മദ് കുഞ്ഞിയുടെ ഭാര്യയും ചൊട്ടുംകുഴിയില്‍ താമസക്കാരിയുമായ സക്കീന (35), മുളിയാര്‍ ബോവിക്കാനം ആലനടുക്കം സ്വദേശിയും അരമങ്ങാനം ഹദ്ദാദ് നഗറില്‍ താമസക്കാരനുമായ എന്‍.എ. ഉമ്മര്‍ (41) എന്നിവരെ കൂടുതല്‍ ചോദ്യം ചെയ്യുന്നതിനും തെളിവെടുപ്പുകള്‍ക്കുമായി കസ്റ്റഡിയില്‍ കിട്ടുന്നതിന് കാസര്‍കോട് ഡി.സി.ആര്‍.ബി ഡി.വൈ.എസ്.പി പി.കെ ജയ്‌സണ്‍ ആണ് കാസര്‍കോട് ജുഡീഷ്യല്‍ മജിസ്‌ട്രേട്ട് കോടതിയില്‍ ഹരജി നല്‍കിയത്. കേസിലെ മറ്റൊരു പ്രതിയും സക്കീനയുടെ മകനുമായ പതിനാറുകാരനെ പ്രായപൂര്‍ത്തിയാകാത്തതിനാല്‍ പരവനടുക്കത്തെ ജുവനൈല്‍ ഹോമില്‍ പാര്‍പ്പിച്ചിരിക്കുകയാണ്. മുഹമ്മദ് കുഞ്ഞിയുടെ സ്വത്ത് തട്ടിയെടുക്കുന്നതിന് വേണ്ടിയായിരുന്നു സക്കീനയും കാമുകന്‍ ഉമ്മറും ചേര്‍ന്ന് കൊലപാതകം നടത്തിയത്. 2012 മാര്‍ച്ച് 5 നും 30നും ഇടയിലാണ് മുഹമ്മദ് കുഞ്ഞിയെ കൊലപ്പെടുത്തിയതെന്നാണ് പൊലീസിന്റെ പ്രാഥമിക നിഗമനം. മൃതദേഹം വീടിന് സമീപത്തെ പുഴയില്‍ തള്ളുകയായിരുന്നു.ആറ് വര്‍ഷത്തോളം പ്രത്യേക പൊലീസ് സംഘം നടത്തിയ അന്വേഷണത്തിനൊടുവിലാണ് മുഹമ്മദ് കുഞ്ഞി കൊലചെയ്യപ്പെട്ടതായി തെളിഞ്ഞത്. പ്രതികളെ കൂടുതല്‍ ചോദ്യം ചെയ്താല്‍ സ്വത്ത് വില്‍പ്പന നടത്തിയതടക്കമുള്ള കാര്യങ്ങള്‍ കണ്ടെത്താനായേക്കും.



Recent News
  ബേക്കല്‍ എ.എസ്.ഐയെ വെട്ടിപ്പരിക്കേല്‍പിച്ച കേസില്‍ മൂന്നുപേര്‍ കൂടി അറസ്റ്റില്‍

  ഓഡിറ്റോറിയത്തില്‍ നിന്ന് വൃദ്ധയുടെ മാല പൊട്ടിച്ച സ്ത്രീകള്‍ സി.സി.ടി.വിയില്‍ കുടുങ്ങി

  ക്ഷേത്ര ഭണ്ഡാരം കുത്തി തുറന്ന് പണം കവര്‍ന്നു; ചിക്കന്‍ സ്റ്റാളിലും കവര്‍ച്ചാശ്രമം

  കേരളത്തിന്റെ ചരിത്ര നേട്ടത്തിന് മുഹമ്മദ് അസ്ഹറുദ്ദീന്റെ മികച്ച കീപ്പിങ്ങ്

  വധശ്രമക്കേസില്‍ പ്രതികള്‍ റിമാണ്ടില്‍

  തേങ്ങ മോഷണക്കേസില്‍ പ്രതിക്ക് ഒരുവര്‍ഷം തടവ്

  കെ.എസ്.ആര്‍.ടി.സി. ബസ് ഡ്രൈവറെ മര്‍ദ്ദിച്ചതിന് കേസ്

  എ.എസ്.ഐയെ വെട്ടിയ കേസില്‍ പ്രതി റിമാണ്ടില്‍; കാപ്പ ചുമത്തുമെന്ന് പൊലീസ്

  ഗ്യാരേജ് ഉടമയെ മര്‍ദ്ദിച്ചതായി പരാതി

  കാസര്‍കോട് സ്വദേശികള്‍ കടത്തിയ 27 ലക്ഷത്തിന്റെ സ്വര്‍ണ്ണം പിടിച്ചു; ഒരാള്‍ അറസ്റ്റില്‍

  പെട്രോള്‍ പമ്പില്‍ നിന്ന് കവര്‍ന്ന അലമാര തടയണയില്‍ ഉപേക്ഷിച്ച നിലയില്‍

  ഭാസ്‌കരന്റെ മരണത്തില്‍ ദുരൂഹതയില്ലെന്ന് നിഗമനം

  ചാക്കുകെട്ടുകളിലാക്കി സൂക്ഷിച്ച മണല്‍ പിടിച്ചു

  ഗോവന്‍ നിര്‍മ്മിത മദ്യവുമായി യുവാവ് അറസ്റ്റില്‍

  ബൈക്കില്‍ കടത്തുകയായിരുന്ന അരക്കിലോ കഞ്ചാവുമായി ഷിറിയ സ്വദേശി അറസ്റ്റില്‍