updated on:2018-10-30 07:18 PM
ശബരിമല പ്രശ്‌നം: ഡബിള്‍ റോള്‍ കളിച്ച് ബി.ജെ.പി. ക്രമസമാധാനം തകര്‍ക്കുന്നു -കെ. സുധാകരന്‍

www.utharadesam.com 2018-10-30 07:18 PM,
കാസര്‍കോട്: ശബരിമല പ്രശ്‌നത്തില്‍ ഡബിള്‍റോള്‍ കളിച്ച് , വര്‍ഗ്ഗീയത വളര്‍ത്തി കേരളത്തിന്റെ ക്രമസമാധാനം തകര്‍ക്കാനാണ് ബി.ജെ.പി. ശ്രമിക്കുന്നതെന്ന് കെ.പി.സി.സി. വര്‍ക്കിംഗ് പ്രസിഡണ്ട് കെ. സുധാകരന്‍ ആരോപിച്ചു.
വിശ്വാസം സംരക്ഷിക്കാന്‍, വര്‍ഗ്ഗീയത തുരത്താന്‍ എന്ന മുദ്രാവാക്യമുയര്‍ത്തി നവംബര്‍ 9ന് കാസര്‍കോട്ട് നിന്നാരംഭിക്കുന്ന വാഹന പ്രചരണ ജാഥയുടെ ഭാഗമായുള്ള കോണ്‍ഗ്രസ് നേതൃയോഗം ഇന്ന് രാവിലെ കാസര്‍കോട് സ്പീഡ് വേ ഇന്‍ ഓഡിറ്റോറിയത്തില്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
കഴിഞ്ഞ ദിവസം കേരളത്തിലെത്തിയ ബി.ജെ.പി. ദേശീയ അധ്യക്ഷന്‍ അമിത്ഷാ സംസ്ഥാന സര്‍ക്കാരിനെ വലിച്ചിറക്കുമെന്ന് പറയുകയുണ്ടായി. ഇത് യുദ്ധപ്രഖ്യാപനമാണ്. നിരീശ്വരവാദികളായ സി.പി.എം. ക്ഷേത്രങ്ങളില്‍ നുഴഞ്ഞ് കയറി പ്രശ്‌നങ്ങളുണ്ടാക്കാനാണ് ശ്രമിക്കുന്നത്.
മുഖ്യമന്ത്രി പിണറായി വിജയന്റെയും കോടിയേരിയുടെയും പ്രസ്താവനകള്‍ ഇതാണ് വിളിച്ചോതുന്നത്. ശബരിമല പ്രശ്‌നം ഹിന്ദുക്കളുടേത് മാത്രമല്ല, എല്ലാ വിശ്വാസികളുടേതുമാണ്. കേരളത്തിന്റെ ക്രമസമാധാനം സംരക്ഷിക്കാന്‍ കോണ്‍ഗ്രസ് ഏതറ്റംവരെയും പോകും- സുധാകരന്‍ കൂട്ടിച്ചേര്‍ത്തു. ഹക്കീം കുന്നില്‍ അധ്യക്ഷത വഹിച്ചു. എ. ഗോവിന്ദന്‍ നായര്‍ സ്വാഗതം പറഞ്ഞു. കെ. നീലകണ്ഠന്‍, ജോര്‍ജ് മാളിയേക്കല്‍, കെ.പി. കുഞ്ഞിക്കണ്ണന്‍, പി.എ. അഷ്‌റഫലി, എ. ഗോവിന്ദന്‍ നായര്‍, പി.കെ. ഫൈസല്‍, വിനോദ് കുമാര്‍, വി.വി. സുരേഷ് തുടങ്ങിയവര്‍ പ്രസംഗിച്ചു.



Recent News
  അഡൂരില്‍ നിയന്ത്രണം വിട്ട കാര്‍ വീട്ടുമുറ്റത്തേക്ക് മറിഞ്ഞു

  മൂന്ന് വര്‍ഷമായി സൗദി ആസ്പത്രിയിലെ മോര്‍ച്ചറിയില്‍ സൂക്ഷിച്ചിരുന്ന കന്യപ്പാടി സ്വദേശിയുടെ മയ്യത്ത് ഖബറടക്കി

  ബൈക്കില്‍ കാറിടിച്ച് കൊലപ്പെടുത്താന്‍ ശ്രമം

  ലോറി മറിഞ്ഞ് നാലുപേര്‍ക്ക് പരിക്ക്

  ഫോണില്‍ സംസാരിക്കുന്നതിനിടെ യുവാവ് കിണറ്റില്‍ വീണ് മരിച്ചു

  യുവാവ് തൂങ്ങിമരിച്ച നിലയില്‍

  കാട്ടാനക്കൂട്ടത്തെ തുരത്തിയോടിക്കാനുള്ള ശ്രമത്തിനിടെ കിണറ്റില്‍ വീണ് യുവാവിന് ഗുരുതരം

  നിര്‍മ്മാണത്തിലിരിക്കുന്ന വീടിന്റെ സ്ലാബ് അടര്‍ന്നുവീണ് ഗോളിയടുക്ക സ്വദേശി മരിച്ചു

  50 കിലോ പുകയില ഉല്‍പ്പന്നങ്ങളുമായി ബദിയടുക്ക സ്വദേശി അറസ്റ്റില്‍

  കഞ്ചാവ് വില്‍പ്പന എതിര്‍ത്തതിന് യുവാവിന്റെ സ്‌കൂട്ടറില്‍ കാറിടിച്ച് കൊലപ്പെടുത്താന്‍ ശ്രമം

  കുറ്റിക്കോലില്‍ സി.പി.എം പ്രവര്‍ത്തകന്റെ വീടിന് നേരെ ബിയര്‍ കുപ്പിയേറ്; മുന്നാട്ട് ഡി.വൈ.എഫ്.ഐ പ്രവര്‍ത്തകന് മര്‍ദ്ദനം

  സി.പിഎമ്മിനെതിരെ തുറന്നടിച്ച് കുറ്റിക്കോലില്‍ സി.പി.ഐ പൊതുയോഗം

  പ്രളയകാലത്ത് കേരളം കണ്ട മാനവികബോധം നിലനിര്‍ത്തണം -മുഖ്യമന്ത്രി

  കൊച്ചിയിലെയും തൃശൂരിലെയും എ.ടി.എം. കവര്‍ച്ച; പ്രതികളെ സാഹസികമായി പിടിച്ചത് കാഞ്ഞങ്ങാട് സ്വദേശിയായ പൊലീസ് ഉദ്യോഗസ്ഥന്‍

  അമ്പലത്തറയില്‍ കട കത്തിനശിച്ചു