updated on:2018-11-01 06:26 PM
ലോറിക്കടിയില്‍പെട്ട് സ്‌കൂട്ടര്‍ യാത്രക്കാരനായ തളങ്കര സ്വദേശിക്ക് ദാരുണാന്ത്യം

www.utharadesam.com 2018-11-01 06:26 PM,
കാസര്‍കോട്: മീന്‍ ലോറി സ്‌കൂട്ടറിലിടിച്ച് തളങ്കര സ്വദേശിയായ യുവവ്യാപാരി ദാരുണമായി മരിച്ചു. തളങ്കര ഖാസിലേന്‍ സ്വദേശിയും കാസര്‍കോട് പുതിയ ബസ്സ്റ്റാന്റിന് സമീപം ബിഗ് ബസാര്‍ മാളിലെ ഫാന്‍സി കട ഉടമയുമായ എ. മുജീബ് റഹ്മാന്‍ (41) ആണ് മരിച്ചത്.
പരേതനായ ഊദ് ഇബ്രാഹിമിന്റേയും ബീവി എരുതുംകടവിന്റെയും മകനാണ്. ഇന്നലെ രാത്രി 11 മണിയോടെ കറന്തക്കാട് ദേശീയ പാതയില്‍ ബി.ജെ.പി ഓഫീസിന് സമീപത്ത് വെച്ചാണ് അപകടമുണ്ടായത്. മുജീബ് റഹ്മാനെ ഇടിച്ചിട്ട ലോറി നിര്‍ത്താതെ പോയി. ലോറി കണ്ടെത്താന്‍ സമീപത്തെ സി.സി.ടി.വി ദൃശ്യങ്ങളടക്കം പൊലീസ് പരിശോധിച്ചുവരികയാണ്.
വ്യാപാരം കുറവായതിനാല്‍ കുറച്ചുനാളായി മുജീബ് റഹ്മാന്‍ കട തുറക്കാറില്ല. ഏതാനും മാസമായി ഉദുമ എരോല്‍ പാലസിന് സമീപത്ത് കുടുംബ സമേതം താമസിക്കുന്ന മുജീബ് ഇന്നലെ രാത്രി അത്യാവശ്യകാര്യത്തിനാണ് നഗരത്തിലെത്തിയത്. കുമ്പള മഖാം ഉറൂസിന് പോകുന്നുവെന്ന് സുഹൃത്തുക്കളോട് പറഞ്ഞിരുന്നു. അടുക്കത്ത്ബയല്‍ ഭാഗത്ത് നിന്ന് കാസര്‍കോട് ഭാഗത്തേക്ക് സ്‌കൂട്ടറില്‍ വരുന്നതിനിടയിലാണ് മുജീബ് അപകടത്തില്‍ പെട്ടത്. ലോറിയിടിച്ച് സ്‌കൂട്ടറില്‍ നിന്ന് തെറിച്ച് വീണ മുജീബ് റഹ്മാന്റെ തലയിലൂടെ ലോറി കയറിയിറങ്ങി. ഇതോടെ തത്ക്ഷണം മരണവും സംഭവിച്ചു.
മംഗളൂരുവില്‍ നിന്ന് കാഞ്ഞങ്ങാട് ഭാഗത്തേക്ക് മത്സ്യം കയറ്റിപ്പോവുകയായിരുന്ന ലോറിയാണ് മുജീബിനെ ഇടിച്ചിട്ടതെന്ന് കരുതുന്നു. അര്‍ദ്ധരാത്രിയോട് അടുത്ത നേരമായതിനാല്‍ പരിസരത്ത് അധികം ആളുകളുണ്ടായിരുന്നില്ല.
ഈ തക്കം നോക്കി ലോറി നിര്‍ത്താതെ ഓടിച്ചുപോവുകയായിരുന്നു.
മൂന്നു വര്‍ഷം മുമ്പാണ് ബിഗ് ബസാര്‍ മാളില്‍ ഫാത്തിമ ഫാന്‍സി എന്ന പേരില്‍ കട തുടങ്ങിയത്. നേരത്തെ ഗള്‍ഫിലായിരുന്നു.
ഭാര്യ: ഫൗസിയ എരോല്‍. മക്കള്‍: മുഫീദ് (ഒമ്പത്), മുര്‍ഷിദ് (ആറ്), ഫാത്തിമ (മൂന്ന്). സഹോദരങ്ങള്‍: അസ്മ, ഹാരിസ് (വ്യാപാരി), ഉസ്മാന്‍, മനാഫ്, റിയാസ്, നവാസ്.
മൃതദേഹം കാസര്‍കോട് ജനറല്‍ ആസ്പത്രി മോര്‍ച്ചറിയില്‍ പോസ്റ്റ് മോര്‍ട്ടത്തിന് ശേഷം കുളിപ്പിക്കാനായി തളങ്കര മാലിക്ദീനാര്‍ വലിയ ജുമുഅത്ത് പള്ളിയിലേക്ക് കൊണ്ടുപോയി. ഖബറടക്കം ളുഹറിന് ശേഷം നടക്കും.



Recent News
  മത്സ്യ വില്‍പ്പനക്ക് ഉപയോഗിക്കുന്ന മോട്ടോര്‍ സൈക്കിള്‍ തകര്‍ത്ത നിലയില്‍

  കണക്കുകളെ കീറിമുറിച്ച് ജയപരാജയ ചര്‍ച്ച

  സതീഷ്ചന്ദ്രന്റെ തിരഞ്ഞെടുപ്പ് പ്രചരണത്തിന് മുഖ്യമന്ത്രി പിണറായി എത്തുന്നു

  മോദി ഭരണം തുടര്‍ന്നാല്‍ ഭരണഘടന തന്നെ ഇല്ലാതാവും-ഹൈദരലി തങ്ങള്‍

  ലോക്‌സഭാ തിരഞ്ഞെടുപ്പ്; കാസര്‍കോട്ട് ഒരുക്കങ്ങള്‍ അവസാന ഘട്ടത്തിലെന്ന് ജില്ലാ കലക്ടര്‍

  രേഖകളുണ്ടായാലും പിഴയടക്കണം; ഹൈവേ പൊലീസ് പരിശോധനക്കെതിരെ വിമര്‍ശനം

  കര്‍ണാടകയില്‍ നിന്ന് കാണാതായ 17കാരനെ തേടി പൊലീസ് കാസര്‍കോട്ട്

  ബൈക്കില്‍ നിന്ന് വീണ് പരിക്കേറ്റ കര്‍ഷകന്‍ മരിച്ചു

  ലോണ്‍തുക അധികമായി അടപ്പിച്ചു; ഉപഭോക്താവിന് ബാങ്ക് നഷ്ടം നല്‍കാന്‍ വിധി

  തൃക്കരിപ്പൂരിനെ ഇളക്കിമറിച്ച് സതീഷ് ചന്ദ്രന്റെ പടയോട്ടം

  അബ്ദുല്‍ കരിം മുസ്‌ലിയാരെ വധിക്കാന്‍ ശ്രമിച്ച കേസില്‍ രണ്ടു പ്രതികള്‍ കീഴടങ്ങി

  കാറും ബൈക്കും കൂട്ടിയിടിച്ച് പരിക്കേറ്റയാള്‍ മരിച്ചു

  പരപ്പയില്‍ കാര്‍ നിയന്ത്രണം വിട്ട് മറിഞ്ഞ് യുവാവ് മരിച്ചു

  കടലില്‍ അപകടത്തില്‍ പെട്ട നാലുപേരെ രക്ഷപ്പെടുത്തി

  ഡി.സി.സി. നേതാവുമായി ഉണ്ണിത്താന്‍ ഉടക്കി; അടിയന്തിര യു.ഡി.എഫ്. യോഗം വിളിച്ചു