updated on:2018-11-01 07:02 PM
കലക്ടറേറ്റിലെ മൊബൈല്‍ ടവറില്‍ കയറി ആത്മഹത്യക്ക് ശ്രമിച്ചയാളെ ഫയര്‍ഫോഴ്‌സ് രക്ഷപ്പെടുത്തി

www.utharadesam.com 2018-11-01 07:02 PM,
കാസര്‍കോട്: സ്ഥലം സംബന്ധിച്ച പരാതിയിന്മേല്‍ അധികൃതര്‍ നടപടി സ്വീകരിക്കുന്നില്ലെന്ന് ആരോപിച്ച് വയോധികന്‍ കാസര്‍കോട് കലക്‌ട്രേറ്റ് പരിസരത്തെ മൊബൈല്‍ ടവറില്‍ കയറി ആത്മഹത്യയ്ക്ക് ശ്രമിച്ചു. മൗവ്വാര്‍ നെല്ലിയടുക്കത്തെ പി.കെ. മോഹന്‍ദാസാണ് മൊബൈല്‍ ടവറില്‍ കയറി കഴുത്തില്‍ കയറുകൊണ്ടുള്ള കുരുക്കിട്ട് ആത്മഹത്യയ്ക്ക് ശ്രമിച്ചത്. ഒടുവില്‍ ഫയര്‍ഫോഴ്‌സ് സംഘം സാഹസികമായി മോഹന്‍ദാസിനെ താഴെയെത്തിച്ചു. ഇന്ന് രാവിലെ 8.30ഓടെയാണ് മോഹന്‍ദാസ് ടവറില്‍ കയറിയത്. മൂന്ന് സ്ഥലങ്ങള്‍ സംബന്ധിച്ച് മോഹന്‍ദാസ് നേരത്തെ ജില്ലാ കലക്ടര്‍, ജില്ലാ രജിസ്ട്രാര്‍, ആര്‍.ഡി.ഒ., പൊലീസ് തുടങ്ങിയവര്‍ക്ക് പരാതി നല്‍കിയിരുന്നു. എന്നാല്‍ അനുകൂല നടപടി ഉണ്ടായില്ലത്രെ. 24 മണിക്കൂറിനകം നടപടി ഉണ്ടായില്ലെങ്കില്‍ ചാടുമെന്നായിരുന്നു ഭീഷണി. തിരുവനന്തപുരത്തുള്ള ജില്ലാ കലക്ടര്‍ ഫോണില്‍ ബന്ധപ്പെട്ടെങ്കിലും മോഹന്‍ദാസ് ആത്മഹത്യ ശ്രമത്തില്‍ നിന്ന് പിന്മാറിയില്ല. തഹസില്‍ദാര്‍ കെ. നാരായണനും റവന്യൂ ഉദ്യോഗസ്ഥരും എത്തി പ്രശ്‌നം ഇന്ന് തന്നെ പരിഹരിക്കുമെന്ന് ഉറപ്പ് നല്‍കിയെങ്കിലും രേഖകള്‍ നല്‍കാതെ താന്‍ ഇറങ്ങില്ലെന്ന് മോഹന്‍ദാസ് പറഞ്ഞു. അതിനിടെ 11 മണിയോടെ കാസര്‍കോട് ഫയര്‍‌സ്റ്റേഷന്‍ ഓഫീസര്‍ അരുണ്‍, ലീഡിംഗ് ഫയര്‍മാന്‍ സലീം തുടങ്ങിയവരുടെ നേതൃത്വത്തില്‍ ടവറില്‍ കയറി മോഹന്‍ദാസിനെ സാഹസികമായി രക്ഷപ്പെടുത്തുകയായിരുന്നു. തുടര്‍ന്ന് കാസര്‍കോട് ജനറല്‍ ആസ്പത്രിയില്‍ പ്രവേശിപ്പിച്ചു. വിദ്യാനഗര്‍ സി.ഐ. എ. അനില്‍കുമാര്‍, എസ്.ഐ മാരായ. അനൂപ് കുമാര്‍, പി. അജിത് കുമാര്‍ എന്നിവരുടെ നേതൃത്വത്തില്‍ പൊലീസും സ്ഥലത്തെത്തിയിരുന്നു.



Recent News
  മത്സ്യ വില്‍പ്പനക്ക് ഉപയോഗിക്കുന്ന മോട്ടോര്‍ സൈക്കിള്‍ തകര്‍ത്ത നിലയില്‍

  കണക്കുകളെ കീറിമുറിച്ച് ജയപരാജയ ചര്‍ച്ച

  സതീഷ്ചന്ദ്രന്റെ തിരഞ്ഞെടുപ്പ് പ്രചരണത്തിന് മുഖ്യമന്ത്രി പിണറായി എത്തുന്നു

  മോദി ഭരണം തുടര്‍ന്നാല്‍ ഭരണഘടന തന്നെ ഇല്ലാതാവും-ഹൈദരലി തങ്ങള്‍

  ലോക്‌സഭാ തിരഞ്ഞെടുപ്പ്; കാസര്‍കോട്ട് ഒരുക്കങ്ങള്‍ അവസാന ഘട്ടത്തിലെന്ന് ജില്ലാ കലക്ടര്‍

  രേഖകളുണ്ടായാലും പിഴയടക്കണം; ഹൈവേ പൊലീസ് പരിശോധനക്കെതിരെ വിമര്‍ശനം

  കര്‍ണാടകയില്‍ നിന്ന് കാണാതായ 17കാരനെ തേടി പൊലീസ് കാസര്‍കോട്ട്

  ബൈക്കില്‍ നിന്ന് വീണ് പരിക്കേറ്റ കര്‍ഷകന്‍ മരിച്ചു

  ലോണ്‍തുക അധികമായി അടപ്പിച്ചു; ഉപഭോക്താവിന് ബാങ്ക് നഷ്ടം നല്‍കാന്‍ വിധി

  തൃക്കരിപ്പൂരിനെ ഇളക്കിമറിച്ച് സതീഷ് ചന്ദ്രന്റെ പടയോട്ടം

  അബ്ദുല്‍ കരിം മുസ്‌ലിയാരെ വധിക്കാന്‍ ശ്രമിച്ച കേസില്‍ രണ്ടു പ്രതികള്‍ കീഴടങ്ങി

  കാറും ബൈക്കും കൂട്ടിയിടിച്ച് പരിക്കേറ്റയാള്‍ മരിച്ചു

  പരപ്പയില്‍ കാര്‍ നിയന്ത്രണം വിട്ട് മറിഞ്ഞ് യുവാവ് മരിച്ചു

  കടലില്‍ അപകടത്തില്‍ പെട്ട നാലുപേരെ രക്ഷപ്പെടുത്തി

  ഡി.സി.സി. നേതാവുമായി ഉണ്ണിത്താന്‍ ഉടക്കി; അടിയന്തിര യു.ഡി.എഫ്. യോഗം വിളിച്ചു