updated on:2018-11-07 07:47 PM
വിദ്യാര്‍ത്ഥികളുടെ ആത്മഹത്യ; കാസര്‍കോട്ടെ സൈബര്‍ ഗൂഢസംഘത്തെ കണ്ടെത്താന്‍ സ്‌പെഷ്യല്‍ ബ്രാഞ്ച് അന്വേഷണം

www.utharadesam.com 2018-11-07 07:47 PM,
കാസര്‍കോട്: വയനാട് ജില്ലയില്‍ മൂന്ന് വിദ്യാര്‍ത്ഥികള്‍ ആത്മഹത്യചെയ്യാന്‍ കാരണമായ 'മരണ ഗ്രൂപ്പി'ന് പിന്നിലെ ഗൂഢബുദ്ധി കാസര്‍കോട്ട് നിന്നാണെന്ന് സ്ഥിരീകരിച്ചതോടെ ഈ സംഘത്തെ കണ്ടെത്താന്‍ രഹസ്യാന്വേഷണ വിഭാഗം അന്വേഷണം തുടങ്ങി. കാസര്‍കോട്ട് നിന്ന് നിയന്ത്രിക്കുന്ന ഒരു സൈബര്‍ ഗ്രൂപ്പാണ് ഇതിന് തുടക്കം കുറിച്ചതെന്ന കണ്ടെത്തല്‍ നടുക്കമുളവാക്കുന്നതാണ്. കാസര്‍കോട് സ്‌പെഷ്യല്‍ ബ്രാഞ്ച് ഡി.വൈ.എസ്.പി.യുടെ നേതൃത്വത്തിലാണ് അന്വേഷണം ആരംഭിച്ചത്. കാസര്‍കോട്ടെ സംഘം നിയന്ത്രിക്കുന്ന സൈക്കോചെക്കന്‍ ഗ്രൂപ്പാണ് വിദ്യാര്‍ത്ഥികളെ ആത്മഹത്യയിലേക്ക് തള്ളിവിട്ടതെന്നാണ് പ്രാഥമിക വിവരം. കുട്ടികളെ ആത്മഹത്യയ്ക്ക് പ്രേരണ നല്‍കുന്ന വീഡിയോകളും പോസ്റ്റുകളുമാണ് ഈ ഗ്രൂപ്പിലുള്ളത്. ആത്മഹത്യ ചെയ്ത വിദ്യാര്‍ത്ഥികള്‍ ഈ ഗ്രൂപ്പിനെ പിന്തുടര്‍ന്നിരുന്നുവെന്നാണ് വിവരം. ബ്ലൂവെയില്‍ പോലെ കുട്ടികളെ മനസ്സ് കീഴ്‌പ്പെടുത്തി ആത്മഹത്യ ചെയ്യിക്കുന്ന അപകടകരമായ സ്വാധീനമാണ് സൈക്കോ ചെക്കനും ചെലുത്തുന്നത്. കൗമാരക്കാരും യുവാക്കളും ഉള്‍പ്പെടെ നിരവധിപേരെ സൈക്കോചെക്കന്‍ അടക്കമുള്ള മരണ ഗ്രൂപ്പുകള്‍ വലയിലാക്കിയതായാണ് വിവരം. ഇതോടെ ഇനിയും ആത്മഹത്യകള്‍ സംഭവിക്കാമെന്ന ആശങ്കയും ഉയര്‍ന്നിട്ടുണ്ട്.
സൈക്കോചെക്കന് പുറമെ സമാന സ്വഭാവമുള്ള നാല് ഇന്‍സ്റ്റഗ്രാം ഗ്രൂപ്പുകള്‍ കൂടി പൊലീസ് തിരിച്ചറിഞ്ഞിട്ടുണ്ട്. ഇതെല്ലാം വ്യാജ ഐഡികളിലാണ് പ്രവര്‍ത്തിക്കുന്നത്. സൈക്കോ ചെക്കന്‍ ഗ്രൂപ്പിന് നേതൃത്വം നല്‍കുന്നവരെ കണ്ടെത്താന്‍ പഴുതുകളടച്ചുള്ള അന്വേഷണമാണ് നടക്കുന്നതെന്ന് പൊലീസ് പറഞ്ഞു. അതിനിടെ ആത്മഹത്യ ചെയ്ത കുട്ടികളുമായി സാമൂഹ്യമാധ്യമങ്ങളിലൂടെ ബന്ധം പുലര്‍ത്തിയിരുന്ന കണ്ണൂര്‍ ജില്ലയിലെ വിദ്യാര്‍ത്ഥി കയ്യില്‍ മുറിവുണ്ടാക്കി ചിത്രം സ്റ്റാറ്റസ് ഇട്ടതും പൊലീസ് ഗൗരവത്തിലെടുത്തിട്ടുണ്ട്. ഈ കുട്ടിയെ അന്വേഷണ സംഘം വിളിച്ച് വരുത്തി വിവരങ്ങള്‍ ശേഖരിച്ചു.



Recent News
  ഡി.സി.സി. നേതാവുമായി ഉണ്ണിത്താന്‍ ഉടക്കി; അടിയന്തിര യു.ഡി.എഫ്. യോഗം വിളിച്ചു

  എന്‍ഡോസള്‍ഫാന്‍ ദുരിതബാധിതരുടെ കലക്ടറേറ്റ് മാര്‍ച്ചില്‍ പ്രതിഷേധമിരമ്പി

  യുവാവ് അസുഖത്തെ തുടര്‍ന്ന് മരിച്ചു

  അഹ്മദിന്റെ മരണം; വീട്ടുടമസ്ഥന്‍ ഭീഷണിപ്പെടുത്തിയിരുന്നതായി പരാതി

  പ്രചാരണത്തില്‍ ഏറെ മുന്നേറി എല്‍.ഡി.എഫ്; ഒപ്പമെത്താന്‍ കിണഞ്ഞുശ്രമിച്ച് യു.ഡി.എഫ്, ഇനിയും സ്ഥാനാര്‍ത്ഥിയാവാതെ ബി.ജെ.പി.

  കൊലപാതകരാഷ്ട്രീയം തുടര്‍ന്നുകൊണ്ടുപോകാന്‍ സി.പി.എമ്മിനെ അനുവദിക്കില്ല -ഉണ്ണിത്താന്‍

  12.5 ലക്ഷം രൂപയുടെ സ്വര്‍ണ്ണവുമായി കാസര്‍കോട് സ്വദേശി തിരുവനന്തപുരത്ത് പിടിയില്‍

  ബസിന്റെ ഗ്ലാസ് എറിഞ്ഞുതകര്‍ത്തു

  ചികിത്സയിലായിരുന്ന യുവതി മരിച്ചു

  തൂങ്ങിമരിച്ച നിലയില്‍

  അക്ഷോഭ്യനായി സുബ്ബയ്യറൈ; സങ്കടമുണ്ടെങ്കിലും പാര്‍ട്ടിക്കൊപ്പം തന്നെ

  കാസര്‍കോട്ട് ബി.ജെ.പി. പട്ടികയില്‍ 3 പേര്‍

  വിദ്യാര്‍ത്ഥി വെള്ളക്കെട്ടില്‍ മുങ്ങിമരിച്ചത് അഡൂര്‍ ഗ്രാമത്തെ കണ്ണീരിലാഴ്ത്തി

  ആവേശം വിതറി ഉണ്ണിത്താനെത്തി

  മഞ്ചേശ്വരത്ത് വാഹന പരിശോധന കര്‍ശനമാക്കി; 25 ഇരുചക്ര വാഹനങ്ങള്‍ പിടിച്ചു