updated on:2018-12-04 07:25 PM
കളനാട്ട് സ്‌കൂട്ടറും ടൂറിസ്റ്റ് ബസും കൂട്ടിയിടിച്ച് പത്താംക്ലാസ് വിദ്യാര്‍ത്ഥി മരിച്ചു; രണ്ടുപേര്‍ക്ക് ഗുരുതരം

www.utharadesam.com 2018-12-04 07:25 PM,
കാസര്‍കോട്: കളനാട് റെയില്‍വേ മേല്‍പാലത്തിന് സമീപം സ്‌കൂട്ടറും ടൂറിസ്റ്റ് ബസും കൂട്ടിയിടിച്ച് പത്താംക്ലാസ് വിദ്യാര്‍ത്ഥി ദാരുണമായി മരിച്ചു. രണ്ടുവിദ്യാര്‍ത്ഥികള്‍ക്ക് ഗുരുതരമായി പരിക്കേറ്റു. ചട്ടഞ്ചാല്‍ ഹയര്‍ സെക്കണ്ടറി സ്‌കൂളിലെ എസ്.എസ്.എല്‍.സി വിദ്യാര്‍ത്ഥിയും ബെണ്ടിച്ചാല്‍ മൂടംബയല്‍ റോഡ് മഞ്ഞങ്കാലിലെ പരേതനായ മഹമൂദ്-നസീമ ദമ്പതികളുടെ മകനുമായ ജാന്‍ഫിഷാ(15)ണ് മരിച്ചത്. ഇതേ സ്‌കൂളിലെ പ്ലസ് വണ്‍ വിദ്യാര്‍ത്ഥി മുബശിര്‍ (16), പത്താംക്ലാസ് വിദ്യാര്‍ത്ഥി അര്‍ജുന്‍ രമേശ് (15) എന്നിവരെ മംഗളൂരുവിലെ ആസ്പത്രിയില്‍ പ്രവേശിപ്പിച്ചു. ഇന്ന് രാവിലെ ഏഴരയോടെയായിരുന്നു അപകടം.
പാലക്കുന്നിലെ ട്യൂഷന്‍ സെന്ററിലേക്ക് വിദ്യാര്‍ത്ഥികള്‍ സ്‌കൂട്ടറില്‍ പോകുന്നതിനിടെയാണ് അപകടത്തില്‍പെട്ടത്. ഉദുമയില്‍ നിന്ന് കളനാട് ഭാഗത്തേക്ക് വരികയായിരുന്ന ടൂറിസ്റ്റ് ബസും സ്‌കൂട്ടറും കൂട്ടിയിടിക്കുകയായിരുന്നു. ജാന്‍ഫിഷ് അപകട സ്ഥലത്ത് തന്നെ മരിച്ചു. മുബഷിറിനേയും അര്‍ജുനേയും കാസര്‍കോട്ടെ സ്വകാര്യ ആസ്പത്രിയില്‍ എത്തിച്ചെങ്കിലും പരിക്ക് സാരമുള്ളതിനാല്‍ മംഗളൂരുവിലെ ആസ്പത്രിയിലേക്ക് മാറ്റുകയായിരുന്നു. വിവരമറിഞ്ഞ് ഫയര്‍ഫോഴ്‌സും പൊലീസും സ്ഥലത്തെത്തി. കെ.എസ്.ടി.പി റോഡില്‍ അരമണിക്കൂറോളം ഗതാഗത തടസ്സമുണ്ടായി.
ജാന്‍ഫിഷിന്റെ മയ്യത്ത് കാസര്‍കോട് ജനറല്‍ ആസ്പത്രി മോര്‍ച്ചറിയില്‍ പോസ്റ്റുമോര്‍ട്ടം നടത്തിയ ശേഷം മാലിക് ദീനാര്‍ പള്ളി പരിസരത്ത് കുളിപ്പിച്ച് ചട്ടഞ്ചാല്‍ സ്‌കൂളില്‍ പൊതുദര്‍ശനത്തിന് വെക്കും. തുടര്‍ന്ന് വീട്ടിലേക്ക് കൊണ്ടുപോകും.
പിന്നീട് മൂടംബയല്‍ ജുമാമസ്ജിദ് അങ്കണത്തില്‍ ഖബറടക്കും.
വിദ്യാര്‍ത്ഥിയുടെ ദാരുണ മരണം പ്രദേശത്തെ കണ്ണീരിലാഴ്ത്തിയിരിക്കുകയാണ്.
ജസീല്‍ (ബംഗളൂരു), ജംഷു (മെക്കാനിക്ക് എഞ്ചിനീയര്‍), ജംഷാദ് (കെ.വി.ആര്‍ കാര്‍സ് അണങ്കൂര്‍) എന്നിവര്‍ സഹോദരങ്ങളാണ്.



Recent News
  ഹോംനേഴ്‌സിനെ കൊന്ന് കുഴിച്ചു മൂടിയ കേസ്; പൊലീസ് സര്‍ജന്‍ ഉള്‍പെടെ 17 സാക്ഷികളെ വിസ്തരിച്ചു

  ലോട്ടറി ടിക്കറ്റിന്റെ നമ്പര്‍ തിരുത്തി പണം തട്ടി

  അപകടത്തില്‍പെട്ട കാറില്‍ കഞ്ചാവ്; നിരവധി കഞ്ചാവ് കടത്തുകേസുകളിലെ പ്രതി അറസ്റ്റില്‍

  മകളെ പീഡിപ്പിച്ച കേസില്‍ പിതാവ് കുറ്റക്കാരന്‍; മാതാവിനെ വിട്ടയച്ചു

  മടിക്കേരിയില്‍ ഷോക്കേറ്റ് കാസര്‍കോട്ടെ ദമ്പതികള്‍ ഉള്‍പ്പെടെ മൂന്ന് പേര്‍ മരിച്ചു

  പാചക തൊഴിലാളി തൂങ്ങിമരിച്ച നിലയില്‍

  മേനങ്കോട് സ്വദേശിയായ യുവാവ് ഷാര്‍ജയില്‍ ഹൃദയാഘാതംമൂലം മരിച്ചു

  റിട്ട. ജില്ലാ ലേബര്‍ ഓഫീസര്‍ മാധവന്‍ നായര്‍ കുഴഞ്ഞു വീണു മരിച്ചു

  അത്താഴം കഴിക്കാന്‍ ഉണര്‍ന്ന വീട്ടമ്മ കുഴഞ്ഞുവീണുമരിച്ചു

  ഗള്‍ഫ് യാത്രക്കാരനെ ഏല്‍പ്പിച്ച ഡയറിയില്‍ ബ്രൗണ്‍ ഷുഗര്‍ തിരുകി; വീട്ടുകാര്‍ കണ്ടെത്തി പൊലീസില്‍ ഏല്‍പ്പിച്ചു

  സ്വര്‍ണക്കടത്ത്; കാസര്‍കോട് സ്വദേശികള്‍ പിടിയില്‍

  പൊലീസിനെക്കണ്ട് 1.8 കിലോ കഞ്ചാവ് ഉപേക്ഷിച്ച് രക്ഷപ്പെട്ട യുവാവ് പിടിയില്‍

  കൊടുംചൂടില്‍ കാര്‍ഷിക വിളകള്‍ കരിഞ്ഞുണങ്ങി; കര്‍ഷകന്‍ തൂങ്ങിമരിച്ചു

  കുളിരായി വേനല്‍മഴ; ഇടിമിന്നല്‍ നാശം വിതച്ചു

  പറമ്പില്‍ കുഴഞ്ഞ് വീണുമരിച്ചു