updated on:2019-01-06 07:50 PM
അണങ്കൂരില്‍ ദുരൂഹസാഹചര്യത്തില്‍ സ്‌ഫോടക വസ്തു കണ്ടെത്തി; കേസെടുക്കുമെന്ന് പൊലീസ്

www.utharadesam.com 2019-01-06 07:50 PM,
കാസര്‍കോട്: അണങ്കൂരില്‍ ദുരൂഹസാഹചര്യത്തില്‍ സ്‌ഫോടകവസ്തു കണ്ടെത്തി. ഇന്ന് രാവിലെയാണ് റോഡരികില്‍ വെടിമരുന്ന് നിറച്ച നിലയില്‍ ഐസ്‌ക്രീം ബോള്‍ കണ്ടെത്തിയത്. പരിഭ്രാന്തരായ വഴി യാത്രക്കാര്‍ വിവരം കാസര്‍കോട് ടൗണ്‍ പൊലീസ് സ്റ്റേഷനില്‍ അറിയിച്ചു. എസ്.ഐ അജിത് കുമാറിന്റെ നേതൃത്വത്തിലുള്ള പൊലീസ് സംഘമെത്തി സ്‌ഫോടക വസ്തു കസ്റ്റഡിയിലെടുത്തു. സംഭവത്തില്‍ കേസ് രജിസ്റ്റര്‍ ചെയ്യുമെന്ന് പൊലീസ് പറഞ്ഞു. അണങ്കൂര്‍ ബസ്‌സ്റ്റോപ്പിന് പിറകു വശത്ത് ഓട്ടോ റിക്ഷകളും പിക്കപ്പ് വാഹനങ്ങളും പാര്‍ക്ക് ചെയ്യുന്ന സ്ഥലത്ത് നിന്നാണ് ഐസ്‌ക്രീം ബോള്‍ കണ്ടെത്തിയത്. കല്ലിന് മുകളില്‍ വെച്ച നിലയിലായിരുന്നു ഇത്. വെടിമരുന്നിനൊപ്പം തിരിയും ഉണ്ടായിരുന്നതിനാല്‍ സ്‌ഫോടനം നടത്തുകയായിരുന്നു ലക്ഷ്യമെന്ന് കരുതുന്നു. ബക്കറ്റില്‍ പൂഴി നിറച്ച ശേഷം ബോള്‍ അതില്‍ ഇട്ടാണ് സ്റ്റേഷനിലേക്ക് കൊണ്ടുപോയത്. മൂന്നു ദിവസത്തോളമായി ബോള്‍ അണങ്കൂരില്‍ തന്നെ ഉണ്ടായിരുന്നുവത്രെ. നേരത്തെ വഴിയാത്രക്കാര്‍ ഇത് കണ്ടിരുന്നെങ്കിലും അസ്വാഭാവികതയൊന്നും തോന്നാതിരുന്നതിനാല്‍ ആരെയും അറിയിച്ചിരുന്നില്ല. ഇന്ന് രാവിലെ ബോള്‍ കണ്ടവര്‍ സംശയം തോന്നി പരിശോധിച്ചപ്പോഴാണ് സ്‌ഫോടക വസ്തുവാണെന്ന് വ്യക്തമായത്. സ്‌ഫോടക വസ്തു കണ്ടെത്തിയത് പൊലീസ് ഗൗരവത്തിലെടുത്തിട്ടുണ്ട്. ബോധപൂര്‍വ്വം പ്രശ്‌നങ്ങളുണ്ടാക്കുകയെന്ന ലക്ഷ്യത്തോടെയാണോ സ്‌ഫോടക വസ്തു ആരെങ്കിലും ഉപേക്ഷിച്ചു പോയതെന്ന സംശയം പൊലീസിനുണ്ട്. ഏതെങ്കിലും സമയത്ത് തീ പടര്‍ന്നാല്‍ വന്‍ പൊട്ടിത്തെറിക്ക് കാരണമായേക്കാവുന്ന സ്‌ഫോടകവസ്തുവിന് പിന്നില്‍ പ്രവര്‍ത്തിച്ചവരെ കണ്ടെത്താനുള്ള ഊര്‍ജ്ജിതമായ അന്വേഷണത്തിലാണ് പൊലീസ്.



Recent News
  ചിത്രം തെളിഞ്ഞു; അങ്കംമുറുകി

  കാറില്‍ ആയുധങ്ങളുമായി 17 കാരന്‍ ഉള്‍പ്പെടെ രണ്ടുപേര്‍ അറസ്റ്റില്‍

  ലോക്‌സഭാ തിരഞ്ഞെടുപ്പ് മോദിക്കും പിണറായിക്കുമെതിരെയുള്ള യുദ്ധം-മുല്ലപ്പള്ളി

  കുമ്പളയില്‍ ക്ഷേത്രത്തിന്റെ വാതില്‍ കുത്തിത്തുറന്ന് വെള്ളിയാഭരണങ്ങള്‍ കവര്‍ന്നു

  പള്ളി ഇമാമിനെ അക്രമിച്ച സംഭവത്തില്‍ രണ്ടു പേര്‍ക്കതിരെ കേസ്; പ്രതികളെക്കുറിച്ച് സൂചന

  കല്യോട്ടെ ഇരട്ടക്കൊല: പ്രതിയെ കസ്റ്റഡിയില്‍ വിട്ട് കോടതി ഉത്തരവുണ്ടായിട്ടും ഏറ്റെടുക്കാന്‍ ഉദ്യോഗസ്ഥനെത്തിയില്ല

  പണവും മൊബൈല്‍ ഫോണും കവര്‍ന്ന കേസിലെ പ്രതി അറസ്റ്റില്‍

  മത്സ്യ വില്‍പ്പനക്ക് ഉപയോഗിക്കുന്ന മോട്ടോര്‍ സൈക്കിള്‍ തകര്‍ത്ത നിലയില്‍

  കണക്കുകളെ കീറിമുറിച്ച് ജയപരാജയ ചര്‍ച്ച

  സതീഷ്ചന്ദ്രന്റെ തിരഞ്ഞെടുപ്പ് പ്രചരണത്തിന് മുഖ്യമന്ത്രി പിണറായി എത്തുന്നു

  മോദി ഭരണം തുടര്‍ന്നാല്‍ ഭരണഘടന തന്നെ ഇല്ലാതാവും-ഹൈദരലി തങ്ങള്‍

  ലോക്‌സഭാ തിരഞ്ഞെടുപ്പ്; കാസര്‍കോട്ട് ഒരുക്കങ്ങള്‍ അവസാന ഘട്ടത്തിലെന്ന് ജില്ലാ കലക്ടര്‍

  രേഖകളുണ്ടായാലും പിഴയടക്കണം; ഹൈവേ പൊലീസ് പരിശോധനക്കെതിരെ വിമര്‍ശനം

  കര്‍ണാടകയില്‍ നിന്ന് കാണാതായ 17കാരനെ തേടി പൊലീസ് കാസര്‍കോട്ട്

  ബൈക്കില്‍ നിന്ന് വീണ് പരിക്കേറ്റ കര്‍ഷകന്‍ മരിച്ചു