updated on:2019-01-07 05:30 PM
കുടക് വനത്തില്‍ ചിറ്റാരിക്കാല്‍ സ്വദേശി വെടിയേറ്റ് മരിച്ച സംഭവം; കേരള -കര്‍ണ്ണാടക മുഖ്യമന്ത്രിമാര്‍ക്ക് പരാതി നല്‍കി

www.utharadesam.com 2019-01-07 05:30 PM,
കാസര്‍കോട്: കുടക് വനത്തില്‍ ചിറ്റാരിക്കാല്‍ ഓടക്കൊല്ലിയിലെ കൊച്ചു എന്ന താനിക്കല്‍ ജോര്‍ജ് (50) വെടിയേറ്റ് മരിച്ച സംഭവത്തില്‍ സി.ബി.ഐ അന്വേഷണത്തിന് ഇടപെടണമെന്നാവശ്യപ്പെട്ട് ബന്ധുക്കള്‍ കേരള-കര്‍ണ്ണാടക മുഖ്യമന്ത്രിമാര്‍ക്ക് പരാതി നല്‍കി.
പൊലീസ് അന്വേഷണം തൃപ്തികരമല്ലെന്നും സി.ബി.ഐയോ ക്രൈംബ്രാഞ്ചോ അന്വേഷിക്കണമെന്നും ജോര്‍ജിന്റെ ഭാര്യ സോഫിയാമ്മ ജോസഫ,് മകന്‍ ജോസഫ് ജോര്‍ജ് എന്നിവര്‍ മംഗളൂരുവില്‍ നടത്തിയ വാര്‍ത്താ സമ്മേളനത്തില്‍ ആവശ്യപ്പെട്ടു. കഴിഞ്ഞ ഡിസംബര്‍ 11ന് രാത്രിയാണ് ജോര്‍ജിനെ കുടക് മുണ്ടറോട്ടെ വനത്തില്‍ വെടിയേറ്റ് മരിച്ച നിലയില്‍ കണ്ടെത്തിയത്. അന്ന് രാവിലെ പാല്‍ വാങ്ങാനുള്ള പാത്രത്തിനായി തൊട്ടടുത്ത ടൗണിലേക്ക് പോയതായിരുന്നു ജോര്‍ജ്. പിന്നീട് ഉച്ചയോടെയാണ് ജോര്‍ജ് മുണ്ടറോട് വനത്തില്‍ വെടിയേറ്റ് മരിച്ച വിവരം ബന്ധുക്കള്‍ക്ക് ലഭിച്ചത്. ജോര്‍ജിനൊപ്പം പരിചയക്കാരായ അശോകനും ചന്ദ്രനും ഉണ്ടായിരുന്നു. ഇവരാണ് ജോര്‍ജ് മരിച്ച വിവരം ബാഗമണ്ഡലം പൊലീസിനെ അറിയിച്ചത്. എന്നാല്‍ പൊലീസ് കാര്യക്ഷമമായ അന്വേഷണം നടത്തിയില്ലെന്നും മരണ സമയത്ത് ജോര്‍ജിനൊപ്പമുണ്ടായിരുന്ന രണ്ടുപേരെ ചോദ്യം ചെയ്തില്ലെന്നും ബന്ധുക്കള്‍ ആരോപിച്ചു. ജോര്‍ജിന്റെ മരണവുമായി ബന്ധപ്പെട്ട വിവരങ്ങള്‍ അശോകനും ചന്ദ്രനും അറിയാമെന്നും എന്നാല്‍ ചില താല്‍പ്പര്യങ്ങള്‍ മൂലം പൊലീസ് അന്വേഷണം അട്ടിമറിക്കുകയാണെന്നും ജോര്‍ജിന്റെ ബന്ധുക്കള്‍ കുറ്റപ്പെടുത്തി.
മരണ ദിവസം ജോര്‍ജ് വീട്ടില്‍ നിന്നിറങ്ങുമ്പോഴുണ്ടായിരുന്ന വസ്ത്രമല്ല മൃതദേഹത്തില്‍ കാണപ്പെട്ടതെന്നും ഇത് ആസൂത്രിത കൊലപാതകമാണെന്നതിന് തെളിവാണെന്നും ബന്ധുക്കള്‍ ചൂണ്ടിക്കാട്ടി. പൊലീസില്‍ നിന്ന് മൃതദേഹ പരിശോധനനാറിപ്പോര്‍ട്ട് ബന്ധുക്കള്‍ക്ക് ഇതുവരെ ലഭിച്ചിട്ടില്ല. അന്വേഷിച്ചപ്പോള്‍ അതില്‍ ചിലതിരുത്തലുകള്‍ ഉണ്ടെന്ന് പറഞ്ഞ് ബന്ധുക്കളെ പൊലീസ് തിരിച്ചയക്കുകയായിരുന്നു.
ജോര്‍ജിന്റെ മരണത്തിലെ സത്യാവസ്ഥ പുറത്തു വരുന്നതുവരെ നിയമനടപടികളുമായി മുന്നോട്ട് പോകുമെന്ന് ബന്ധുക്കള്‍ പറഞ്ഞു.



Recent News
  ക്വാര്‍ട്ടേഴ്‌സിന് സമീപം നിര്‍ത്തിയ കാര്‍ തകര്‍ത്ത നിലയില്‍

  വീട്ടുമുറ്റത്ത് നിര്‍ത്തിയിട്ട സ്‌കൂട്ടര്‍ കത്തിച്ചു; ഒരാള്‍ കസ്റ്റഡിയില്‍

  ഭൂമി കയ്യേറ്റം ഒഴിപ്പിക്കാനെത്തിയ വില്ലേജ് ഓഫീസര്‍ക്ക് മര്‍ദ്ദനം; അഭിഭാഷകനടക്കം രണ്ട് പേര്‍ക്കെതിരെ കേസ്

  കാസര്‍കോട്ടെ തയ്യല്‍ കടയുടമ ബാവിക്കര പുഴയില്‍ മരിച്ച നിലയില്‍; മൃതദേഹം പരിയാരത്തേക്ക്

  പാല്‍ വാങ്ങി വീട്ടിലേക്ക് മടങ്ങുകയായിരുന്ന ഗൃഹനാഥന്‍ കാറിടിച്ച് മരിച്ചു

  പെരിയയില്‍ ലോറിയും ബസും കൂട്ടിയിടിച്ചു

  ബൈക്കിലെ രഹസ്യ അറയില്‍ ഒളിപ്പിച്ച് കടത്താന്‍ ശ്രമിച്ച 20 കുപ്പി മദ്യം പിടിച്ചു

  ഇച്ചിലങ്കോട്ടെ യുവതിയെയും മകനെയും കാണാതായതായി പരാതി

  വൈദ്യുതി കമ്പിയില്‍ തട്ടി വൈക്കോല്‍ കയറ്റി പോകുകയായിരുന്ന ലോറിക്ക് തീപിടിച്ചു

  ചെമ്പരിക്ക സ്വദേശിയെ ഡല്‍ഹി പൊലീസ് പിടിച്ചത് ചട്ടഞ്ചാലിലെ ഭാര്യാവീട്ടില്‍ നിന്ന്; പ്രതിക്കെതിരെ ബേക്കലില്‍ വധശ്രമമടക്കം നാല് കേസുകള്‍

  ഉപ്പളയില്‍ ബസിന് നേരെ വീണ്ടും കല്ലേറ്; പൊലീസ് സി.സി. ടി.വി. ദൃശ്യങ്ങള്‍ പരിശോധിക്കുന്നു

  ഉംറ നിര്‍വഹിക്കാന്‍ പോയ ചെങ്കളയിലെ കരാറുകാരന്‍ മക്കയില്‍ മരിച്ചു

  കര്‍ണാടകയില്‍ വാഹനാപകടത്തില്‍ മരിച്ച കാഞ്ഞങ്ങാട്ടെ വിദ്യാര്‍ത്ഥിയുടെ മൃതദേഹം നാട്ടിലെത്തിച്ചു

  മറയൂരില്‍ പിടിയിലായ നായന്മാര്‍മൂല സ്വദേശിയുടെ വീട്ടില്‍ പരിശോധന; രണ്ട് ലക്ഷത്തില്‍പരം രൂപയുടെ ചന്ദനമുട്ടികള്‍ കണ്ടെത്തി

  13കാരിയെ പെണ്‍വാണിഭത്തിന് ഉപയോഗിച്ച കേസില്‍ സഹോദരിയുള്‍പ്പെടെ 4 പേര്‍ക്കെതിരെ കുറ്റപത്രം