updated on:2019-01-07 07:00 PM
അണങ്കൂരില്‍ സ്‌ഫോടകവസ്തു ഉപേക്ഷിച്ചത് ഭയപ്പെടുത്തുകയെന്ന ലക്ഷ്യത്തോടെ; പ്രതികള്‍ക്കായി തിരച്ചില്‍ ഊര്‍ജ്ജിതം

www.utharadesam.com 2019-01-07 07:00 PM,
കാസര്‍കോട്: അണങ്കൂരില്‍ സ്‌ഫോടക വസ്തു ഉപേക്ഷിച്ചത് ആളുകളെ ഭയപ്പെടുത്തുകയെന്ന ലക്ഷ്യത്തോടെയാണെന്ന് പൊലീസ് നിഗമനം. ഐസ്‌ക്രീം ബോളില്‍ ചാരനിറത്തിലുള്ള ഗണ്‍പൗഡറാണ് നിറച്ചിരുന്നതെന്ന് പരിശോധനയില്‍ തെളിഞ്ഞു. വണ്‍ ഓര്‍ ടു ആക്ട് പ്രകാരമാണ് കാസര്‍കോട് ടൗണ്‍ പൊലീസ് കേസെടുത്തിരിക്കുന്നത്. ഇന്നലെ രാവിലെയാണ് അണങ്കൂര്‍ ബസ് സ്റ്റോപ്പിന് പിറകില്‍ ഓട്ടോറിക്ഷകളും പിക്കപ്പ് വാഹനങ്ങളും പാര്‍ക്ക് ചെയ്യുന്ന സ്ഥലത്ത് കല്ലിന് മുകളില്‍ വെച്ച നിലയില്‍ സ്‌ഫോടകവസ്തുക്കള്‍ കണ്ടെത്തിയത്. വിവരമറിഞ്ഞ് സ്ഥലത്തെത്തിയ കാസര്‍കോട് ടൗണ്‍ എസ്.ഐ അജിത് കുമാര്‍, അഡീ. എസ്.ഐ ബബീഷ് എന്നിവരുടെ നേതൃത്വത്തിലുള്ള പൊലീസ് സംഘം ബക്കറ്റില്‍ പൂഴി നിറച്ച ശേഷം ബോള്‍ അതില്‍ ഇട്ട് സ്‌റ്റേഷനിലേക്ക് കൊണ്ടുപോവുകയായിരുന്നു. ബോംബ് സ്‌ക്വാഡ് സ്ഥലത്തെത്തി നടത്തിയ പരിശോധനയിലാണ് സ്‌ഫോടക വസ്തുവാണെന്ന് ഉറപ്പിച്ചത്. തുടര്‍ന്ന് ഇവ നിര്‍വീര്യമാക്കുകയും ചെയ്തു. മൂന്നു ദിവസം മുമ്പാണ് ഇത്തരത്തിലൊരു ബോള്‍ നാട്ടുകാര്‍ ആദ്യമായി കണ്ടത്. എന്നാല്‍ ആദ്യം അസ്വാഭാവികതയൊന്നും തോന്നാതിരുന്നതിനാല്‍ ആരെയും അറിയിച്ചിരുന്നില്ല. ഇന്നലെ രാവിലെ ബോള്‍ കണ്ടവര്‍ സംശയം തോന്നിയതിന്റെ അടിസ്ഥാനത്തില്‍ പോലീസില്‍ വിവരമറിയിക്കുകയായിരുന്നു. സ്‌ഫോടക വസ്തു കണ്ടെത്തിയത് പൊലീസ് ഗൗരവത്തിലെടുത്തിട്ടുണ്ട്. ബോധപൂര്‍വ്വം പ്രശ്‌നങ്ങളുണ്ടാക്കുകയെന്ന ലക്ഷ്യത്തോടെയാണോ സ്‌ഫോടക വസ്തു ഉപേക്ഷിച്ചു പോയതെന്ന സംശയം പൊലീസിനുണ്ട്. കഴിഞ്ഞ ദിവസം ഹര്‍ത്താലിനിടെ സംഘടിച്ചെത്തിയ സംഘം കൊണ്ടുവന്നതാകാം സ്‌ഫോടക വസ്തുവെന്നാണ് പൊലീസ് കരുതുന്നത്. പ്രതികളെ കണ്ടെത്താന്‍ പോലീസ് അന്വേഷണം വ്യാപിപ്പിച്ചിരിക്കുകയാണ്.



Recent News
  കുമ്പളയില്‍ മരം കടപുഴകി വീണ് നാല് വൈദ്യുതി തൂണുകള്‍ തകര്‍ന്നു

  മദ്യവില്‍പ്പനക്കിടെ പൊലീസ് കസ്റ്റഡിയിലെടുത്ത യുവാവിനെ ഒരു സംഘം ബലമായി മോചിപ്പിച്ചു

  സ്‌കൂള്‍ വിദ്യാര്‍ത്ഥിനിയെ ശല്യം ചെയ്തതിന് നാലുപേര്‍ക്കെതിരെ കേസ്

  സ്‌കൂളിന്റെ സണ്‍ഷേഡില്‍ നിന്ന് വീണ് വിദ്യാര്‍ത്ഥിക്ക് പരിക്ക്

  ഓട്ടോയില്‍ കടത്തിയ 65 ലിറ്റര്‍ മദ്യവുമായി ഒരാള്‍ അറസ്റ്റില്‍; ഡ്രൈവര്‍ ഓടി രക്ഷപ്പെട്ടു

  കോളേജ് വിദ്യാര്‍ത്ഥിയെ കാണാനില്ലെന്ന് പരാതി

  കൈക്കൂലി: രണ്ട് ഡോക്ടര്‍മാര്‍ അവധിയില്‍; ഡി.എം.ഒ. അന്വേഷണം തുടങ്ങി

  ഗവ.ഗേള്‍സ് സ്‌കൂളിന്റെ ഗേറ്റ് രാത്രിയിലും തുറന്നിട്ട നിലയില്‍

  യുവതിയെ മര്‍ദ്ദിച്ചു

  വീട്ടമ്മയെ മാനഹാനിപ്പെടുത്താന്‍ ശ്രമിച്ച കേസിലെ പ്രതി അറസ്റ്റില്‍

  മുത്തലിബ് വധക്കേസിന്റെ വിചാരണക്ക് ഹാജരാകാത്ത മൂന്നാം പ്രതിക്കെതിരെ അറസ്റ്റ് വാറണ്ട് ; സാക്ഷികളും എത്തിയില്ല

  13 കാരിയെ പീഡിപ്പിച്ചകേസില്‍ അമ്മയുടെ സുഹൃത്തിന് 10 വര്‍ഷം കഠിനതടവ്

  ബായാറില്‍ യുവാവിനെ വധിക്കാന്‍ ശ്രമിച്ച കേസില്‍ 3 പ്രതികള്‍ കൂടി അറസ്റ്റില്‍

  യുവാവ് ഹൃദയാഘാതം മൂലം മരിച്ചു

  ചികിത്സാ പിഴവെന്ന് ആരോപണം; 3 മാസം പ്രായമുള്ള കുഞ്ഞ് മരിച്ചു