updated on:2019-01-07 07:33 PM
പ്രകടനത്തിനിടെ മുഖ്യമന്ത്രിയെ അസഭ്യം പറഞ്ഞ പെണ്‍കുട്ടിക്കെതിരെ നാല് കേസുകള്‍

www.utharadesam.com 2019-01-07 07:33 PM,
കാസര്‍കോട്: ശബരിമലസംരക്ഷണസമിതി നടത്തിയ ഹര്‍ത്താലിനെ അനുകൂലിച്ച് നടത്തിയ പ്രകടനത്തിനിടെ മുഖ്യമന്ത്രി പിണറായി വിജയനെ കേട്ടാലറയ്ക്കുന്ന ഭാഷയില്‍ അസഭ്യം പറഞ്ഞ പെണ്‍കുട്ടിക്കെതിരെ കാസര്‍കോട് ടൗണ്‍ പൊലീസ് രജിസ്റ്റര്‍ ചെയ്തത് നാല് കേസുകള്‍. കാസര്‍കോട് ജെ.പി. കോളനിയിലെ രാജേശ്വരിക്കെതിരെ(19)യാണ് ഇത്രയും കേസുകള്‍ രജിസ്റ്റര്‍ ചെയ്തത്. ജനുവരി മൂന്നിന്റെ ഹര്‍ത്താല്‍ ദിനത്തില്‍ കാസര്‍കോട് നഗരത്തില്‍ നടത്തിയ ബി.ജെ.പി പ്രകടനത്തില്‍ പങ്കെടുത്ത രാജേശ്വരി മുഖ്യമന്ത്രി പിണറായി വിജയനെതിരെയും പൊലീസിനെതിരെയും തെറിവിളിച്ചുകൊണ്ട് മുദ്രാവാക്യം വിളിക്കുകയായിരുന്നു.
ബി .ജെ.പി ജില്ലാ പ്രസിഡണ്ടിനൊപ്പം മുന്‍നിരയില്‍ പ്രകടനത്തെ നയിച്ചുകൊണ്ടായിരുന്നു അസഭ്യവാക്കുകള്‍ ഉപയോഗിച്ചുള്ള പെണ്‍കുട്ടിയുടെ മുദ്രാവാക്യം വിളി. ഇതിന്റെ ദൃശ്യം സോഷ്യല്‍മീഡിയയില്‍ പ്രചരിച്ചതോടെ പ്രതിഷേധവും വ്യാപകമായിരുന്നു. ഇതിനിടെ പെണ്‍കുട്ടിക്കെതിരെ സോഷ്യല്‍ മീഡിയ ആക്ടിവിസ്റ്റ് ഡി.ജി.പിക്ക് പരാതി നല്‍കി. ഡി.ജി.പി ഇടപെട്ടതോടെ എസ്.പിയുടെ നിര്‍ദേശപ്രകാരം രാജേശ്വരിക്കെതിരെ കാസര്‍കോട് ടൗണ്‍ പൊലീസ് കേസെടുക്കുകയായിരുന്നു.
ഹര്‍ത്താല്‍ ദിനത്തില്‍ കടകള്‍ക്കുനേരെ കല്ലെറിഞ്ഞ സംഭവത്തിലും പൊലീസിന്റെ അനുമതിയില്ലാതെ പ്രകടനം നടത്തിയതിനും സംഘപരിവാര്‍ പ്രവര്‍ത്തകര്‍ക്കെതിരെ പോലീസ് രജിസ്റ്റര്‍ ചെയ്ത മറ്റ് മൂന്നുകേസുകളിലും രാജേശ്വരി പ്രതിയാണ്.



Recent News
  കുമ്പളയില്‍ മരം കടപുഴകി വീണ് നാല് വൈദ്യുതി തൂണുകള്‍ തകര്‍ന്നു

  മദ്യവില്‍പ്പനക്കിടെ പൊലീസ് കസ്റ്റഡിയിലെടുത്ത യുവാവിനെ ഒരു സംഘം ബലമായി മോചിപ്പിച്ചു

  സ്‌കൂള്‍ വിദ്യാര്‍ത്ഥിനിയെ ശല്യം ചെയ്തതിന് നാലുപേര്‍ക്കെതിരെ കേസ്

  സ്‌കൂളിന്റെ സണ്‍ഷേഡില്‍ നിന്ന് വീണ് വിദ്യാര്‍ത്ഥിക്ക് പരിക്ക്

  ഓട്ടോയില്‍ കടത്തിയ 65 ലിറ്റര്‍ മദ്യവുമായി ഒരാള്‍ അറസ്റ്റില്‍; ഡ്രൈവര്‍ ഓടി രക്ഷപ്പെട്ടു

  കോളേജ് വിദ്യാര്‍ത്ഥിയെ കാണാനില്ലെന്ന് പരാതി

  കൈക്കൂലി: രണ്ട് ഡോക്ടര്‍മാര്‍ അവധിയില്‍; ഡി.എം.ഒ. അന്വേഷണം തുടങ്ങി

  ഗവ.ഗേള്‍സ് സ്‌കൂളിന്റെ ഗേറ്റ് രാത്രിയിലും തുറന്നിട്ട നിലയില്‍

  യുവതിയെ മര്‍ദ്ദിച്ചു

  വീട്ടമ്മയെ മാനഹാനിപ്പെടുത്താന്‍ ശ്രമിച്ച കേസിലെ പ്രതി അറസ്റ്റില്‍

  മുത്തലിബ് വധക്കേസിന്റെ വിചാരണക്ക് ഹാജരാകാത്ത മൂന്നാം പ്രതിക്കെതിരെ അറസ്റ്റ് വാറണ്ട് ; സാക്ഷികളും എത്തിയില്ല

  13 കാരിയെ പീഡിപ്പിച്ചകേസില്‍ അമ്മയുടെ സുഹൃത്തിന് 10 വര്‍ഷം കഠിനതടവ്

  ബായാറില്‍ യുവാവിനെ വധിക്കാന്‍ ശ്രമിച്ച കേസില്‍ 3 പ്രതികള്‍ കൂടി അറസ്റ്റില്‍

  യുവാവ് ഹൃദയാഘാതം മൂലം മരിച്ചു

  ചികിത്സാ പിഴവെന്ന് ആരോപണം; 3 മാസം പ്രായമുള്ള കുഞ്ഞ് മരിച്ചു