updated on:2019-01-07 07:38 PM
ഓച്ചിറയില്‍ രണ്ട് പേരുടെ മരണത്തിനിടയാക്കിയ ആംബുലന്‍സ് ബദിയടുക്കയിലേത്; അപകടം നവജാത ശിശുവിനെ ആസ്പത്രിയിലെത്തിച്ച് മടങ്ങുന്നതിനിടെ

www.utharadesam.com 2019-01-07 07:38 PM,
ഓച്ചിറ: ഹൃദയവാല്‍വ് തകരാറിലായ നവജാത ശിശുവിനെ എട്ടുമണിക്കൂര്‍ കൊണ്ട് മംഗളൂരുവില്‍ നിന്ന് തിരുവനന്തപുരത്തെ ആസ്പത്രിയിലെത്തിച്ച് മടങ്ങുന്നതിനിടെ നിയന്ത്രണം വിട്ട ആംബുലന്‍സ് റോഡരികിലേക്ക് പാഞ്ഞുകയറി രണ്ട് പേര്‍ മരിച്ചു. നേഴ്‌സ് അടക്കം രണ്ട് പേര്‍ക്ക് പരിക്കേറ്റു. ഒരാളുടെ നില ഗുരുതരമാണ്. ഇന്നലെ ഉച്ചക്ക് ഓച്ചിറ വലിയ കുളങ്കര പള്ളിമുക്കിലായിരുന്നു അപകടം. ഹോട്ടല്‍ തൊഴിലാളി വള്ളിക്കാവ് കോട്ടേക്ക്പുറം വളവ് മുക്കിലെ ചന്ദ്രന്‍ (60), ഓച്ചിറയിലെ ചപ്പാത്തി നിര്‍മ്മാണ യൂണിറ്റ് തൊഴിലാളി ഒഡീഷ സ്വദേശി രാജുദോറ (24) എന്നിവരാണ് മരിച്ചത്. രാജുദോറയുടെ കൂടെയുണ്ടായിരുന്ന ഒഡീഷ സ്വദേശി മനോജ് കുമാര്‍ ഖേത്ത (23)യെ ഗുരുതര നിലയില്‍ ആലപ്പുഴ മെഡിക്കല്‍ കോളേജ് ആസ്പത്രിയില്‍ പ്രവേശിപ്പിച്ചു. ആംബുലന്‍സിലുണ്ടായിരുന്ന നേഴ്‌സ് കാസര്‍കോട് സ്വദേശി അശ്വന്തിന് പരിക്കേറ്റു. ഇദ്ദേഹത്തെ കരുനാഗപ്പള്ളി താലൂക്ക് ആസ്പത്രിയില്‍ പ്രവേശിപ്പിച്ചു. ബദിയടുക്ക പഞ്ചായത്ത് ദുബായ് കെ.എം.സി.സി. കമ്മിറ്റി ആശ്രയ പദ്ധതിയില്‍ ശിഹാബ് തങ്ങള്‍ ചാരിറ്റബിള്‍ ട്രസ്റ്റിന് നല്‍കിയ ആംബുലന്‍സാണ് അപകടത്തില്‍പെട്ടത്. അപകടത്തില്‍ രണ്ട് സ്‌കൂട്ടറുകളും ഒരു ഓട്ടോറിക്ഷയും തകര്‍ന്നു. സമീപത്തെ വൈദ്യുതി തൂണിലിടിച്ചാണ് ആംബുലന്‍സ് നിന്നത്. മേല്‍പ്പറമ്പ് കൈനോത്ത് റോഡില്‍ ഷറഫുദ്ദീന്റെ മകള്‍ ആയിഷയെ മംഗളൂരുവില്‍ നിന്ന് തിരുവനന്തപുരത്തെ ആസ്പത്രിയിലെത്തിച്ച് മടങ്ങുകയായിരുന്നു ആംബുലന്‍സ്. ഡ്രൈവര്‍ അബ്ദുല്ലയെ ഓച്ചിറ പൊലീസ് കസ്റ്റഡിയിലെടുത്തു. സഹഡ്രൈവറായി ഹാരിസ് എന്നൊരാളും ഒപ്പമുണ്ടായിരുന്നു. മംഗളൂരുവില്‍ നിന്ന് തിരുവനന്തപുരത്തേക്ക് ദീര്‍ഘയാത്ര നടത്തി വിശ്രമമില്ലാതെ മടങ്ങിയതാണ് അപകടത്തിന് കാരണമായതെന്ന് പറയുന്നു.



Recent News
  പുലിക്കുന്ന് ഇന്റര്‍ലോക്ക് റോഡ് ഉദ്ഘാടനം ചെയ്തു

  എന്‍ഡോസള്‍ഫാന്‍: ജില്ലാ കലക്ടറെ അനുകൂലിച്ച് കാര്‍ഷിക കോളേജ് കീടനാശിനി വകുപ്പ് മേധാവി; കലക്ടറെ മാറ്റണമെന്ന് പീഡിത ജനകീയമുന്നണി

  ബി.ജെ.പി. പ്രവേശനം തന്റെ രാഷ്ട്രീയ ജീവിതത്തിലെ പുനര്‍ജന്മം -അബ്ദുല്ലക്കുട്ടി

  കേസ് അവസാനിച്ചു; എല്ലാ കണ്ണുകളും ഇനി മഞ്ചേശ്വരം ഉപതിരഞ്ഞെടുപ്പിലേക്ക്

  നഗരസഭാ അംഗത്വം രാജിവെക്കാന്‍ അനുമതി തേടി കെ.എം. അബ്ദുല്‍ റഹ്മാന്‍ പാര്‍ട്ടിക്ക് കത്ത് നല്‍കി

  ബി.എ. മാഹിന്‍ അന്തരിച്ചു

  ഇന്തോനേഷ്യയില്‍ കുടുങ്ങിയവരുടെ മോചനത്തിനായി കേന്ദ്രമന്ത്രി വി.മുരളീധരന്‍ ഇടപെടുന്നു

  തനിച്ച് താമസിക്കുന്ന വീട്ടമ്മ ഷോക്കേറ്റ് മരിച്ച നിലയില്‍

  ഇന്തോനേഷ്യയില്‍ പിടിച്ചിട്ട കപ്പലില്‍ കുടുങ്ങിയ കുമ്പള, ഉപ്പള സ്വദേശികള്‍ കടുത്ത ദുരിതത്തില്‍

  വിവാദമല്ല ലക്ഷ്യം; ഞാന്‍ പഠിച്ച ശാസ്ത്രം തെറ്റാണെന്ന് പറയാനാവില്ല-കലക്ടര്‍

  മുസ്ലിം ലീഗ് എസ്.പി ഓഫീസ് മാര്‍ച്ചില്‍ പ്രതിഷേധം ഇരമ്പി; പൊലീസ് ജലപീരങ്കി പ്രയോഗിച്ചു

  നീറ്റ് എസ്.എസ്: ന്യൂറോളജിയില്‍ ഡോ. ഷമീമിന് മൂന്നാം റാങ്ക്

  ഓട്ടോഡ്രൈവര്‍ കുഴഞ്ഞുവീണുമരിച്ചു

  ക്ഷേത്രക്കവര്‍ച്ച; പ്രതി അറസ്റ്റില്‍

  ആസ്പത്രിയിലെത്തിയ യുവാവ് കുഴഞ്ഞുവീണു മരിച്ചു; പിന്നാലെ ഭാര്യാമാതാവും മരിച്ചു