updated on:2019-01-10 06:59 PM
കുമ്പളയില്‍ നിന്ന് കാണാതായ യുവതിയെ അസമിലെ മാവോയിസ്റ്റ് മേഖലയില്‍ നിന്ന് പൊലീസ് സാഹസികമായി രക്ഷപ്പെടുത്തി

www.utharadesam.com 2019-01-10 06:59 PM,
കുമ്പള: കുമ്പളയില്‍ നിന്ന് കാണാതായ യുവതിയെ കുമ്പള പൊലീസ് അസമിലെ മാവോയിസ്റ്റുകള്‍ അധിവസിക്കുന്ന മേഖലയില്‍ നിന്ന് സാഹസികമായി രക്ഷപ്പെടുത്തി. ഒരു മാസം മുമ്പ് കാണാതായ പേരാല്‍ നീരോളിയിലെ 26കാരിയെയാണ് കണ്ടെത്തിയത്. ബന്ധുക്കള്‍ നല്‍കിയ പരാതിയില്‍ കുമ്പള പൊലീസ് കേസെടുത്ത് അന്വേഷിച്ചുവരികയായിരുന്നു. മൊബൈല്‍ ഫോണ്‍ നമ്പര്‍ കേന്ദ്രീകരിച്ച് സൈബര്‍ സെല്ലിന്റെ സഹായത്തോടെ പൊലീസ് നടത്തിയ അന്വേഷണത്തിലാണ് യുവതിയെ കണ്ടെത്താനായത്. അസം സ്വദേശി ബഷീര്‍ എന്നയാളുടെ ഫോണിലേക്ക് പല പ്രാവശ്യം വിളിച്ചതായി കണ്ടെത്തി.
പൊലീസ് അന്വേഷണത്തിനിടെ ഫോണ്‍ നമ്പര്‍ പല പ്രാവശ്യം സ്വിച്ചോഫ് ചെയ്ത നിലയിലായിരുന്നു. അതിനിടെയാണ് യുവതിയുടെ ഫോണ്‍ നമ്പര്‍ അസം ലൊക്കേഷന്‍ പരിധിയിലുള്ളതായി കണ്ടെത്തുന്നത്. ഇതേ തുടര്‍ന്ന് കുമ്പള സി.ഐ കെ. പ്രേംസദന്റെ നേതൃത്വത്തില്‍ പൊലീസുകാരായ സുനീഷ് കുമാര്‍, സജിത് കുമാര്‍ എന്നിവര്‍ അന്വേഷണത്തിനായി അസമിലേക്ക് തിരിച്ചു. അസമിലെ നൗകാവ് ജില്ലയിലെ റുപ്പായിഹട്ട് പൊലീസ് സ്‌റ്റേഷനിലെ പൊലീസുകാരുടെ സഹായം തേടി.
മാവോയിസ്റ്റുകള്‍ അധിവസിക്കുന്ന പശ്ചിമ തല്‍പ്പാറയിലെ ബഷീറിന്റെ വീട്ടില്‍ നിന്നാണ് യുവതിയെ കണ്ടെത്തിയത്. പൊലീസ് എത്തുംമുമ്പേ ബഷീര്‍ രക്ഷപ്പെട്ടിരുന്നു. കുമ്പള ഭാഗത്ത് ബേക്കറിയില്‍ ജോലി ചെയ്തിരുന്ന ബഷീറുമായി യുവതി പ്രണയത്തിലായിരുന്നുവത്രെ.
കാസര്‍കോട്ടെ കോടതിയില്‍ ഹാജരാക്കിയ യുവതിയെ പിന്നീട് ബന്ധുക്കളുടെ കൂടെ വിട്ടയച്ചു.



Recent News
  അനധികൃത പാര്‍ക്കിംഗ് എതിര്‍ത്തതിന് പൊലീസിനോട് തട്ടിക്കയറി ; യുവാവ് അറസ്റ്റില്‍

  മീന്‍ലോറിയും കാറും കൂട്ടിയിടിച്ച് യുവാവിന് പരിക്ക്

  മര്‍ദ്ദനമേറ്റയാള്‍ മരിച്ചതായി വ്യാജ പ്രചരണം നടത്തിയതിന് കേസ്

  കോഴിയങ്കം: നാലുപേര്‍ അറസ്റ്റില്‍

  വിരണ്ടോടിയ പോത്തിനെ മയക്ക് വെടി വെച്ച് കീഴ്‌പ്പെടുത്തി

  വിന്നര്‍ അബ്ദുല്ല ഹാജി അന്തരിച്ചു

  മദ്യലഹരിയില്‍ അടിപിടി; മൂന്നുപേര്‍ അറസ്റ്റില്‍

  ബേക്കല്‍ എ.എസ്.ഐയെ വെട്ടിപ്പരിക്കേല്‍പിച്ച കേസില്‍ മൂന്നുപേര്‍ കൂടി അറസ്റ്റില്‍

  ഓഡിറ്റോറിയത്തില്‍ നിന്ന് വൃദ്ധയുടെ മാല പൊട്ടിച്ച സ്ത്രീകള്‍ സി.സി.ടി.വിയില്‍ കുടുങ്ങി

  ക്ഷേത്ര ഭണ്ഡാരം കുത്തി തുറന്ന് പണം കവര്‍ന്നു; ചിക്കന്‍ സ്റ്റാളിലും കവര്‍ച്ചാശ്രമം

  കേരളത്തിന്റെ ചരിത്ര നേട്ടത്തിന് മുഹമ്മദ് അസ്ഹറുദ്ദീന്റെ മികച്ച കീപ്പിങ്ങ്

  വധശ്രമക്കേസില്‍ പ്രതികള്‍ റിമാണ്ടില്‍

  തേങ്ങ മോഷണക്കേസില്‍ പ്രതിക്ക് ഒരുവര്‍ഷം തടവ്

  കെ.എസ്.ആര്‍.ടി.സി. ബസ് ഡ്രൈവറെ മര്‍ദ്ദിച്ചതിന് കേസ്

  എ.എസ്.ഐയെ വെട്ടിയ കേസില്‍ പ്രതി റിമാണ്ടില്‍; കാപ്പ ചുമത്തുമെന്ന് പൊലീസ്