updated on:2019-01-11 06:53 PM
വ്യാപാരിയുടെ അപകട മരണം; കല്ലങ്കൈ കണ്ണീരണിഞ്ഞു

www.utharadesam.com 2019-01-11 06:53 PM,
കാസര്‍കോട്: കാറിടിച്ച് പെട്ടിക്കട വ്യാപാരി മരിച്ച സംഭവം കല്ലങ്കൈ പ്രദേശത്തെ കണ്ണീരിലാഴ്ത്തി. ചൗക്കിയില്‍ പെട്ടിക്കട നടത്തുന്ന കല്ലങ്കൈയിലെ എം.എച്ച്.അബ്ബാസ് (55)ആണ് മരിച്ചത്. ഇന്നലെ ഉച്ചക്ക് മൂന്ന് മണിയോടെ കല്ലങ്കൈ പള്ളിക്ക് മുന്‍വശത്തെ ദേശീയ പാതക്ക് സമീപം വെച്ചാണ് അപകടം. കാസര്‍കോട് ഭാഗത്ത് നിന്ന് വരികയായിരുന്ന കാര്‍ നിയന്ത്രണം വിട്ട് ഇടിക്കുകയായിരുന്നു. ഗുരുതരമായി പരിക്കേറ്റ അബ്ബാസിനെ ഉടന്‍ തന്നെ കാസര്‍കോട്ടെ സ്വകാര്യാസ്പത്രിയില്‍ എത്തിച്ചെങ്കിലും രക്ഷിക്കാനായില്ല. വീട്ടില്‍ നിന്ന് ഉച്ചഭക്ഷണം കഴിച്ച് കട തുറക്കാനായി പോകുന്നതിനിടെയാണ് അബ്ബാസ് അപകടത്തില്‍പ്പെട്ടത്. പരേതരായ ബി.എച്ച്. മുഹമ്മദ് ഹാജി-ഖദീജ ദമ്പതികളുടെ മകനാണ്. ഭാര്യ: റുഖിയ. മക്കള്‍: വസീം(സൗദി), ദില്‍ഷാദ്(ദുബായ്), ഇര്‍ഫാന. മരുമക്കള്‍: റഫീഖ് മള്ളങ്കൈ(ബംഗളൂരു), ഷാനിഫ. സഹോദരങ്ങള്‍: എം.എച്ച്. അബ്ദുല്ല, എം.എച്ച്. അബ്ദുല്‍ റഹ്മാന്‍, മൈമൂന, ബീഫാത്തിമ. കാസര്‍കോട് ജനറല്‍ ആസ്പത്രി മോര്‍ച്ചറിയില്‍ പോസ്റ്റുമോര്‍ട്ടത്തിന് ശേഷം മയ്യത്ത് മാലിക് ദീനാര്‍ പള്ളിപരിസരത്ത് കുളിപ്പിക്കും. തുടര്‍ന്ന് വീട്ടില്‍ കൊണ്ട് വന്ന് പൊതു ദര്‍ശനത്തിന് വെച്ച ശേഷം ചൗക്കി മസ്ജിദ് അങ്കണത്തില്‍ ഖബറടക്കും.



Recent News
  ഓട്ടോയിടിച്ച് ജനറല്‍ ആസ്പത്രി സെക്യൂരിറ്റി ജീവനക്കാരന് പരിക്ക്

  മര ഉരുപ്പടികള്‍ തീവെച്ച് നശിപ്പിച്ച നിലയില്‍

  മദ്രസാ പ്രവേശനോത്സവത്തിനിടെ ജമാഅത്ത് പ്രസിഡണ്ട് കുഴഞ്ഞുവീണ് മരിച്ചു

  ഭീതി ഒഴിയുന്നില്ല; വീണ്ടും ചുമര്‍ തുരന്നു, കാഞ്ഞങ്ങാട്ട് നാല് കടകളില്‍ കവര്‍ച്ച

  മരം വീണ് 15 ഓളം ഇലക്ട്രിക് പോസ്റ്റുകള്‍ തകര്‍ന്നു; പോസ്റ്റുകള്‍ നിര്‍മ്മിച്ചത് നേര്‍ത്ത കമ്പികൊണ്ട്

  പുഴയില്‍ ഒഴുകിയെത്തിയ മരത്തടികള്‍ വനം വകുപ്പ് അധികൃതര്‍ കസ്റ്റഡിയിലെടുത്തു

  മാനം കറുക്കുമ്പോള്‍ മൂസോടി നിവാസികള്‍ക്ക് നെഞ്ചിടിപ്പേറുന്നു

  കമ്പാറില്‍ വീട് കത്തിനശിച്ചു

  പൊലീസ് അസോസിയേഷന്‍ ജില്ലാ സമ്മേളനം തുടങ്ങി

  ജര്‍മ്മന്‍ വിനോദസഞ്ചാരികളെ ആക്രമിച്ച് പണം കവര്‍ന്ന കേസില്‍ രണ്ട് പ്രതികള്‍ ഇപ്പോഴും ഒളിവില്‍

  കാഞ്ഞങ്ങാട്ട് സ്വകാര്യ ബസുകള്‍ കൂട്ടിയിടിച്ചു

  സ്വകാര്യ വ്യക്തിക്കു വേണ്ടി ബസ് കാത്തിരിപ്പ് കേന്ദ്രം പൊളിച്ചു

  കടല്‍ ക്ഷോഭം; മൂസോടിയില്‍ പള്ളി തകര്‍ന്നു

  കാര്‍ യാത്രക്കാരെ കൊള്ളയടിക്കാന്‍ ശ്രമിച്ച സംഘത്തെ തിരിച്ചറിഞ്ഞു

  ഫുട്‌ബോള്‍ കളിക്കുന്നതിനിടെ മൈതാനത്ത് സൈക്കിളോടിച്ചതിന് കുട്ടിയെ ചവിട്ടിപ്പരിക്കേല്‍പ്പിച്ചു