updated on:2019-01-12 06:33 PM
മെഡിക്കല്‍ ഷോപ്പില്‍ നിന്ന് ലക്ഷങ്ങള്‍ തട്ടിയ കേസില്‍ സൊസൈറ്റി പ്യൂണിനെതിരെ കുറ്റപത്രം

www.utharadesam.com 2019-01-12 06:33 PM,
കാഞ്ഞങ്ങാട്: മെഡിക്കല്‍ ഷോപ്പില്‍ നിന്ന് 12 ലക്ഷത്തോളം രൂപ തട്ടിയെടുത്ത കേസില്‍ പ്രതിയായ സൊസൈറ്റി പ്യൂണിനെതിരെ പൊലീസ് കോടതിയില്‍ കുറ്റപത്രം നല്‍കി. കോട്ടച്ചേരി കുന്നുമ്മല്‍ രാജീവ്ജി മെമ്മോറിയല്‍ സഹകരണാസ്പത്രി സൊസൈറ്റിയുടെ നിയന്ത്രണത്തിലുള്ള മെഡിക്കല്‍ ഷോപ്പില്‍ നിന്ന് പണം തട്ടിയ കേസില്‍ പ്രതിയായ നീലേശ്വരം പുതുക്കൈയിലെ ഇ.രാജീവനെ (50)തിരെയാണ് പൊലീസ് ഹൊസ്ദുര്‍ഗ് ജുഡീഷ്യല്‍ ഒന്നാം ക്ലാസ് മജിസ്‌ത്രേട്ട് (ഒന്ന്) കോടതിയില്‍ കുറ്റപത്രം നല്‍കിയത്.
വ്യാജരേഖ ചമയ്ക്കല്‍, തെറ്റിദ്ധരിപ്പിക്കല്‍, രേഖകള്‍ തിരുത്തല്‍ തുടങ്ങിയ കുറ്റങ്ങളാണ് രാജീവന്‍ ചെയ്തതെന്ന് അന്വേഷണത്തില്‍ തെളിഞ്ഞു. 2011 ഏപ്രില്‍ 21 മുതല്‍ 2012 സെപ്തംബര്‍ 28 വരെ സൊസൈറ്റിയുടെ കീഴിലുള്ള നീതി മെഡിക്കല്‍ സ്റ്റോറിലെ ദൈനംദിന കലക്ഷന്‍ തുക സെക്രട്ടറി നിയമാനുസരണം പ്യൂണ്‍ രാജീവിന്റെ കൈവശം കൊടുത്തയച്ചിരുന്നു. ജില്ലാ സഹകരണ ബാങ്കിന്റെ കാഞ്ഞങ്ങാട് ശാഖയില്‍ അടക്കാന്‍ നല്‍കിയ പണം കൃത്യമായി ബാങ്കിലടക്കാതെ ചെറിയ തുക എഴുതിച്ചേര്‍ത്തുവെന്നാണ് കേസ്.
സൊസൈറ്റി മുന്‍ സെക്രട്ടറി എം.വി. രാമദാസന്‍, പ്രസിഡണ്ട് അഡ്വ. പ്രഭാകരന്‍ എന്നിവര്‍ നല്‍കിയ പരാതിയിലാണ് രാജീവനെതിരെ ഹൊസ്ദുര്‍ഗ് പൊലീസ് കേസെടുത്തിരുന്നത്.



Recent News
  അനധികൃത പാര്‍ക്കിംഗ് എതിര്‍ത്തതിന് പൊലീസിനോട് തട്ടിക്കയറി ; യുവാവ് അറസ്റ്റില്‍

  മീന്‍ലോറിയും കാറും കൂട്ടിയിടിച്ച് യുവാവിന് പരിക്ക്

  മര്‍ദ്ദനമേറ്റയാള്‍ മരിച്ചതായി വ്യാജ പ്രചരണം നടത്തിയതിന് കേസ്

  കോഴിയങ്കം: നാലുപേര്‍ അറസ്റ്റില്‍

  വിരണ്ടോടിയ പോത്തിനെ മയക്ക് വെടി വെച്ച് കീഴ്‌പ്പെടുത്തി

  വിന്നര്‍ അബ്ദുല്ല ഹാജി അന്തരിച്ചു

  മദ്യലഹരിയില്‍ അടിപിടി; മൂന്നുപേര്‍ അറസ്റ്റില്‍

  ബേക്കല്‍ എ.എസ്.ഐയെ വെട്ടിപ്പരിക്കേല്‍പിച്ച കേസില്‍ മൂന്നുപേര്‍ കൂടി അറസ്റ്റില്‍

  ഓഡിറ്റോറിയത്തില്‍ നിന്ന് വൃദ്ധയുടെ മാല പൊട്ടിച്ച സ്ത്രീകള്‍ സി.സി.ടി.വിയില്‍ കുടുങ്ങി

  ക്ഷേത്ര ഭണ്ഡാരം കുത്തി തുറന്ന് പണം കവര്‍ന്നു; ചിക്കന്‍ സ്റ്റാളിലും കവര്‍ച്ചാശ്രമം

  കേരളത്തിന്റെ ചരിത്ര നേട്ടത്തിന് മുഹമ്മദ് അസ്ഹറുദ്ദീന്റെ മികച്ച കീപ്പിങ്ങ്

  വധശ്രമക്കേസില്‍ പ്രതികള്‍ റിമാണ്ടില്‍

  തേങ്ങ മോഷണക്കേസില്‍ പ്രതിക്ക് ഒരുവര്‍ഷം തടവ്

  കെ.എസ്.ആര്‍.ടി.സി. ബസ് ഡ്രൈവറെ മര്‍ദ്ദിച്ചതിന് കേസ്

  എ.എസ്.ഐയെ വെട്ടിയ കേസില്‍ പ്രതി റിമാണ്ടില്‍; കാപ്പ ചുമത്തുമെന്ന് പൊലീസ്