updated on:2019-02-08 04:41 PM
വിവാഹമോചനം തേടുന്ന ദമ്പതികളുടെ കൗണ്‍സിലിംഗ് വീഡിയോ കോണ്‍ഫറന്‍സിലൂടെ നടത്താന്‍ കുടുംബകോടതി ഉത്തരവ്

www.utharadesam.com 2019-02-08 04:41 PM,
കാസര്‍കോട്: വിവാഹമോചനം തേടുന്ന ദമ്പതികളുടെ കൗണ്‍സിലിംഗ് വീഡിയോകോണ്‍ഫറന്‍സിലൂടെ നടത്താന്‍ കുടുംബകോടതി ഉത്തരവിട്ടു. ഭര്‍ത്താവ് ഗള്‍ഫിലുള്ള സാഹചര്യത്തിലാണ് കോടതി ഇങ്ങനെയൊരു ഉത്തരവിറക്കിയത്. കാസര്‍കോട് പെര്‍മുദെ സ്വദേശിയായ ഗള്‍ഫുകാരനും കര്‍ണാടക പുത്തൂര്‍ സ്വദേശിനിയായ യുവതിയും തമ്മിലുള്ള വിവാഹ മോചന ഹര്‍ജി പരിഗണിച്ചപ്പോഴാണ് കാസര്‍കോട് കുടുംബകോടതിയുടെ അപൂര്‍വ ഉത്തരവ് വന്നത്. ആറു വര്‍ഷം മുമ്പാണ് ഗള്‍ഫുകാരനും യുവതിയും തമ്മിലുള്ള വിവാഹം നടന്നത്. വിവാഹത്തിനു ശേഷം ഇവര്‍ക്ക് ഒരു കുഞ്ഞ് ജനിച്ചിരുന്നു. കുഞ്ഞുമായി ബംഗളൂരുവിലെ ആസ്പത്രിയിലേക്ക് പോകുന്നതിനിടെയുണ്ടായ അപകടത്തില്‍ കുട്ടി മരണപ്പെടുകയും ചെയ്തു. ദമ്പതികളുടെ ജീവിതത്തിലുണ്ടായ അസ്വാരസ്യങ്ങള്‍ രൂക്ഷമായതോടെയാണ് ഭര്‍ത്താവ് വിവാഹമോചനം ആവശ്യപ്പെട്ട് 2017 ജൂലൈ അഞ്ചിന് കുടുംബ കോടതിയില്‍ വിവാഹ മോചന ഹര്‍ജി ഫയല്‍ ചെയ്തത്.
കേസ് നടന്നു കൊണ്ടിരിക്കെ യുവാവ് ജോലി ആവശ്യാര്‍ത്ഥം ദുബായിലേക്ക് പോവുകയായിരുന്നു. വിവാഹമോചനത്തിന്റെ അടുത്ത ഘട്ടമെന്ന നിലയില്‍ ഇരുവരെയും കൗണ്‍സിലിംഗ് നടത്താന്‍ കോടതി നിര്‍ദേശിച്ചു. ഇതിനിടയിലാണ് ഭര്‍ത്താവ് ഗള്‍ഫിലാണെന്ന വിവരം ഹര്‍ജിക്കാരന്റെ അഭിഭാഷകനായ അഡ്വ. പ്രദീപ് റാവു കോടതിയെ ബോധിപ്പിച്ചത്. ദമ്പതിമാരില്‍ ഒരാളുടെ സാന്നിധ്യം ആവശ്യമില്ലെന്നും മാനസിക സാന്നിധ്യം മതിയാകുമെന്നും മുംബൈ ഹൈക്കോടതിയുടെ ഉത്തരവിന്റെ അടിസ്ഥാനത്തില്‍ ഭര്‍ത്താവിനു വേണ്ടി ഹര്‍ജി നല്‍കിയ അഡ്വ. പ്രദീപ് റാവുവ്യക്തമാക്കി. ഹരജിയില്‍ വീഡിയോ കോണ്‍ഫറന്‍സിംഗ് വഴി കൗണ്‍സിലിംഗ് നടത്താമെന്ന് കോടതി ഉത്തരവിടുകയായിരുന്നു. ഫെബ്രുവരി 25ന് മുമ്പ് കൗണ്‍സിലിംഗ് നടത്തി റിപോര്‍ട്ട് സമര്‍പ്പിക്കണമെന്ന് കുടുംബ കോടതി ജഡ്ജ് ഡോ. എം വിജയകുമാര്‍ കൗണ്‍സിലര്‍ക്ക് നിര്‍ദേശം നല്‍കി.അടുത്ത ദിവസം തന്നെ ദമ്പതിമാരുടെ കൗണ്‍സിലിംഗ് വീഡിയോ കോണ്‍ഫറന്‍സിംഗ് വഴി നടക്കുമെന്നാണ് വിവരം. കാസര്‍കോട് ജില്ലയില്‍ ഇതാദ്യമായാണ് വീഡിയോ കോണ്‍ഫറന്‍സിംഗ് വഴി ഒരു കേസിന്റെ കാര്യത്തിന് കൗണ്‍സിലിംഗ് നടത്തുന്നത്. കാസര്‍കോട് കോടതിയില്‍ വീഡിയോ കോണ്‍ഫറന്‍സിംഗിന് പ്രത്യേക സംവിധാനം ഒരുക്കാത്തതിനാല്‍ ബദല്‍ മാര്‍ഗങ്ങള്‍ അവലംബിക്കാമെന്നും കോടതി നിര്‍ദേശിച്ചു.



Recent News
  പൈവളിഗെ സ്വദേശിനിയെ കൊലപ്പെടുത്തിയ കേസില്‍ സയനൈഡ് മോഹന് ജീവപര്യന്തം

  ഗള്‍ഫുകാരന്‍ അസുഖത്തെ തുടര്‍ന്ന് മരിച്ചു

  കനത്ത മഴയില്‍ ജില്ലയില്‍ വ്യാപക നാശനഷ്ടം

  ചെങ്കള സര്‍വ്വീസ് സഹകരണ ബാങ്ക് തര്‍ക്കം: യു.ഡി.എഫ് സംസ്ഥാന ഘടകത്തിന് വിട്ടു

  കാസര്‍കോട്ട് മഞ്ഞപ്പിത്തം പടരുന്നു; 16 പേര്‍ ചികിത്സതേടി

  പുലിക്കുന്ന് ഇന്റര്‍ലോക്ക് റോഡ് ഉദ്ഘാടനം ചെയ്തു

  എന്‍ഡോസള്‍ഫാന്‍: ജില്ലാ കലക്ടറെ അനുകൂലിച്ച് കാര്‍ഷിക കോളേജ് കീടനാശിനി വകുപ്പ് മേധാവി; കലക്ടറെ മാറ്റണമെന്ന് പീഡിത ജനകീയമുന്നണി

  ബി.ജെ.പി. പ്രവേശനം തന്റെ രാഷ്ട്രീയ ജീവിതത്തിലെ പുനര്‍ജന്മം -അബ്ദുല്ലക്കുട്ടി

  കേസ് അവസാനിച്ചു; എല്ലാ കണ്ണുകളും ഇനി മഞ്ചേശ്വരം ഉപതിരഞ്ഞെടുപ്പിലേക്ക്

  നഗരസഭാ അംഗത്വം രാജിവെക്കാന്‍ അനുമതി തേടി കെ.എം. അബ്ദുല്‍ റഹ്മാന്‍ പാര്‍ട്ടിക്ക് കത്ത് നല്‍കി

  ബി.എ. മാഹിന്‍ അന്തരിച്ചു

  ഇന്തോനേഷ്യയില്‍ കുടുങ്ങിയവരുടെ മോചനത്തിനായി കേന്ദ്രമന്ത്രി വി.മുരളീധരന്‍ ഇടപെടുന്നു

  തനിച്ച് താമസിക്കുന്ന വീട്ടമ്മ ഷോക്കേറ്റ് മരിച്ച നിലയില്‍

  ഇന്തോനേഷ്യയില്‍ പിടിച്ചിട്ട കപ്പലില്‍ കുടുങ്ങിയ കുമ്പള, ഉപ്പള സ്വദേശികള്‍ കടുത്ത ദുരിതത്തില്‍

  വിവാദമല്ല ലക്ഷ്യം; ഞാന്‍ പഠിച്ച ശാസ്ത്രം തെറ്റാണെന്ന് പറയാനാവില്ല-കലക്ടര്‍