updated on:2019-02-08 07:18 PM
അഡൂരിനെ ഞെട്ടിച്ച കൊലപാതകം; യുവാവ് അറസ്റ്റില്‍

www.utharadesam.com 2019-02-08 07:18 PM,
അഡൂര്‍: അഡൂര്‍ കാട്ടിക്കജയിലെ എം.കെ ചിദാനന്ദ എന്ന സുധാകര(36)നെ തലയിലും മുഖത്തും കല്ലുകൊണ്ടിടിച്ച് കൊലപ്പെടുത്തിയ കേസില്‍ അയല്‍ക്കാരന്‍ പിടിയില്‍.
ഗണപ്പ (35) എന്നയാളെയാണ് ആദൂര്‍ സി.ഐ എം.എ മാത്യു, എസ്.ഐ നിതിന്‍ ജോയ് എന്നിവരുടെ നേതൃത്വത്തില്‍ ഇന്നുച്ചയോടെ അറസ്റ്റ് ചെയ്തത്.
ബുധനാഴ്ച രാവിലെ ജോലിക്ക് പോയ സുധാകരന്‍ തിരിച്ചെത്താത്തതിനെ തുടര്‍ന്ന് നാട്ടുകാര്‍ നടത്തിയ അന്വേഷണത്തിനിടെ വീടിന് അരകിലോമീറ്റര്‍ അകലെയുള്ള ബെള്ളക്കാന വനമേഖലയിലാണ് ഇന്നലെ ഉച്ചയ്ക്ക് രണ്ടരയോടെ സുധാകരന്റെ മൃതദേഹം കണ്ടെത്തുന്നത്. കമിഴ്ന്ന് കിടന്ന നിലയിലായിരുന്നു മൃതദേഹം. മുഖത്തും തലയിലും കല്ലുകൊണ്ട് കുത്തേറ്റ പരിക്കുകളുണ്ടായിരുന്നു. രക്തം പറ്റിപ്പിടിച്ച രണ്ട് കല്ലുകളും രണ്ട് തോര്‍ത്തുകളും ചെരിപ്പും മൃതദേഹത്തിന് സമീപം കണ്ടെത്തി. വിവരമറിഞ്ഞ് ഡി.വൈ.എസ്.പി പ്രദീപ് കുമാറിന്റെ നേതൃത്വത്തില്‍ പൊലീസ് സംഭവസ്ഥലത്തെത്തി. മരണം കൊലയെന്ന് ഉറപ്പിച്ച പൊലീസ് ഊര്‍ജിതമായി അന്വേഷണം നടത്തുകയായിരുന്നു. അതിനിടെ സംശയം തോന്നി രണ്ടുപേരെ കസ്റ്റഡിയിലെടുത്ത് ചോദ്യം ചെയ്തു. ഒരാളെ വിട്ടയച്ചു.
മൊഴിയില്‍ വൈരുദ്ധ്യം തോന്നി ഗണപ്പയെ കൂടുതല്‍ ചോദ്യം ചെയ്തപ്പോഴാണ് കൊലയാണെന്ന് വ്യക്തമായത്. സുധാകരന്‍ ഗണപ്പയുടെ കവുങ്ങിന്‍ തോട്ടത്തിലൂടെയാണത്രെ ദിനേന ജോലിക്ക് പോവുക. അതിനിടെ അടക്ക മോഷ്ടിക്കുന്നതായും പറമ്പില്‍ മദ്യപിക്കുന്നതായും ആരോപണം ഉയര്‍ന്നിരുന്നു. ബുധനാഴ്ച വൈകിട്ട് അഞ്ചരയോടെ സുധാകരന്‍ മദ്യപിക്കുന്നത് കണ്ട് ഗണപ്പ വഴക്കിട്ടിരുന്നുവത്രെ. അതിനിടെ വാക്കേറ്റവും മല്‍പ്പിടുത്തവുമുണ്ടായി.
മല്‍പ്പിടുത്തത്തിനിടെ സുധാകരയുടെ മുഖത്തും തലക്കും കല്ലുകൊണ്ടിടിച്ച് കൊലപ്പെടുത്തുകയായിരുന്നുവെന്നാണ് ഗണപ്പ പൊലീസിന് നല്‍കിയ മൊഴി.
മൃതദേഹം പരിയാരം മെഡിക്കല്‍ കോളേജ് ആസ്പത്രിയില്‍ പോസ്റ്റുമോര്‍ട്ടത്തിന് ശേഷം ഇന്നുച്ചയോടെ നാട്ടിലെത്തിക്കും. പരേതനായ കുഞ്ഞപ്പ നായകിന്റെയും വേദാവതിയുടെയും മകനാണ് സുധാകരന്‍. അവിവാഹിതനാണ്. എം.കെ മോഹനന്‍, നാഗവേണി എന്നിവര്‍ സഹോദരങ്ങളാണ്.



Recent News
  പൈവളിഗെ സ്വദേശിനിയെ കൊലപ്പെടുത്തിയ കേസില്‍ സയനൈഡ് മോഹന് ജീവപര്യന്തം

  ഗള്‍ഫുകാരന്‍ അസുഖത്തെ തുടര്‍ന്ന് മരിച്ചു

  കനത്ത മഴയില്‍ ജില്ലയില്‍ വ്യാപക നാശനഷ്ടം

  ചെങ്കള സര്‍വ്വീസ് സഹകരണ ബാങ്ക് തര്‍ക്കം: യു.ഡി.എഫ് സംസ്ഥാന ഘടകത്തിന് വിട്ടു

  കാസര്‍കോട്ട് മഞ്ഞപ്പിത്തം പടരുന്നു; 16 പേര്‍ ചികിത്സതേടി

  പുലിക്കുന്ന് ഇന്റര്‍ലോക്ക് റോഡ് ഉദ്ഘാടനം ചെയ്തു

  എന്‍ഡോസള്‍ഫാന്‍: ജില്ലാ കലക്ടറെ അനുകൂലിച്ച് കാര്‍ഷിക കോളേജ് കീടനാശിനി വകുപ്പ് മേധാവി; കലക്ടറെ മാറ്റണമെന്ന് പീഡിത ജനകീയമുന്നണി

  ബി.ജെ.പി. പ്രവേശനം തന്റെ രാഷ്ട്രീയ ജീവിതത്തിലെ പുനര്‍ജന്മം -അബ്ദുല്ലക്കുട്ടി

  കേസ് അവസാനിച്ചു; എല്ലാ കണ്ണുകളും ഇനി മഞ്ചേശ്വരം ഉപതിരഞ്ഞെടുപ്പിലേക്ക്

  നഗരസഭാ അംഗത്വം രാജിവെക്കാന്‍ അനുമതി തേടി കെ.എം. അബ്ദുല്‍ റഹ്മാന്‍ പാര്‍ട്ടിക്ക് കത്ത് നല്‍കി

  ബി.എ. മാഹിന്‍ അന്തരിച്ചു

  ഇന്തോനേഷ്യയില്‍ കുടുങ്ങിയവരുടെ മോചനത്തിനായി കേന്ദ്രമന്ത്രി വി.മുരളീധരന്‍ ഇടപെടുന്നു

  തനിച്ച് താമസിക്കുന്ന വീട്ടമ്മ ഷോക്കേറ്റ് മരിച്ച നിലയില്‍

  ഇന്തോനേഷ്യയില്‍ പിടിച്ചിട്ട കപ്പലില്‍ കുടുങ്ങിയ കുമ്പള, ഉപ്പള സ്വദേശികള്‍ കടുത്ത ദുരിതത്തില്‍

  വിവാദമല്ല ലക്ഷ്യം; ഞാന്‍ പഠിച്ച ശാസ്ത്രം തെറ്റാണെന്ന് പറയാനാവില്ല-കലക്ടര്‍