updated on:2019-02-10 07:36 PM
സാമ്പത്തിക ബാധ്യത; ടാപ്പിംഗ് തൊഴിലാളി തൂങ്ങിമരിച്ചു

www.utharadesam.com 2019-02-10 07:36 PM,
ബദിയടുക്ക: സാമ്പത്തിക ബാധ്യതമൂലമാണെന്ന് പറയുന്നു ബദിയടുക്കയില്‍ റബ്ബര്‍ ടാപ്പിംഗ് തൊഴിലാളി തൂങ്ങിമരിച്ചു. ബദിയടുക്ക വളകുഞ്ചയിലെ താമസക്കാരനും ആലക്കോട് ചേര്‍ത്തളി സ്വദേശിയുമായ ജെയ്‌സണ്‍ജോസഫ് (47) ആണ് മരിച്ചത്. കാസര്‍കോട്ടെ ബാങ്കില്‍ നിന്ന് നാലര ലക്ഷം രൂപ ഭവന വായ്പ എടുത്തിരുന്നുവത്രെ. ഇത് തിരിച്ചടക്കാത്തതിനാല്‍ ബാങ്ക് അധികൃതര്‍ നോട്ടീസ് അയച്ചിരുന്നതായി പറയുന്നു. ഇന്നലെ രാത്രി ഭാര്യ വീടിന് പുറത്തുള്ള കുളിമുറിയില്‍ പോയി തിരിച്ചു വരുമ്പോഴാണ് ജെയ്‌സണിനെ ജനലില്‍ തൂങ്ങിയ നിലയില്‍ കണ്ടത്. അയല്‍വാസികളെത്തി ഉടന്‍ തന്നെ ആസ്പത്രിയിലേക്ക് കൊണ്ടുപോകും വഴിയാണ് മരിച്ചത്. കഴിഞ്ഞ മാസം വീട്ടിലേക്ക് മാവോയിസ്റ്റുകളെത്തി ഭീഷണിപ്പെടുത്തിയതായി കാട്ടി ജെയ്‌സണ്‍ ജോസഫ് പൊലീസില്‍ പരാതി നല്‍കിയിരുന്നു. എന്നാല്‍ പരാതി വ്യാജമാണെന്ന് പൊലീസ് അന്വേഷണത്തില്‍ വ്യക്തമായി. 10 വര്‍ഷം മുമ്പാണ് ബദിയടുക്കയിലെത്തിയത്. നേരത്തെ വാടക വീട്ടിലായിരുന്നു താമസം. രണ്ട് വര്‍ഷം മുമ്പാണ് വീട് നിര്‍മ്മിച്ചത്. റബ്ബര്‍ കര്‍ഷകന്‍ കൂടിയായിരുന്നു. ജോസഫ്-അന്നമ്മ ദമ്പതികളുടെ മകനാണ്. ഭാര്യ: ആന്‍സി. മക്കള്‍: റിയമോള്‍, ജെറി ജെയ്‌സണ്‍. സഹോദരങ്ങള്‍: തങ്കച്ചന്‍, ജോര്‍ജ്ജ് കുട്ടി, അപ്പച്ചന്‍, ജോണ്‍സണ്‍, മാത്യു, എല്‍സമ്മ, ലിസമ്മ, മേരി, വത്സമ്മ.



Recent News
  പൈവളിഗെ സ്വദേശിനിയെ കൊലപ്പെടുത്തിയ കേസില്‍ സയനൈഡ് മോഹന് ജീവപര്യന്തം

  ഗള്‍ഫുകാരന്‍ അസുഖത്തെ തുടര്‍ന്ന് മരിച്ചു

  കനത്ത മഴയില്‍ ജില്ലയില്‍ വ്യാപക നാശനഷ്ടം

  ചെങ്കള സര്‍വ്വീസ് സഹകരണ ബാങ്ക് തര്‍ക്കം: യു.ഡി.എഫ് സംസ്ഥാന ഘടകത്തിന് വിട്ടു

  കാസര്‍കോട്ട് മഞ്ഞപ്പിത്തം പടരുന്നു; 16 പേര്‍ ചികിത്സതേടി

  പുലിക്കുന്ന് ഇന്റര്‍ലോക്ക് റോഡ് ഉദ്ഘാടനം ചെയ്തു

  എന്‍ഡോസള്‍ഫാന്‍: ജില്ലാ കലക്ടറെ അനുകൂലിച്ച് കാര്‍ഷിക കോളേജ് കീടനാശിനി വകുപ്പ് മേധാവി; കലക്ടറെ മാറ്റണമെന്ന് പീഡിത ജനകീയമുന്നണി

  ബി.ജെ.പി. പ്രവേശനം തന്റെ രാഷ്ട്രീയ ജീവിതത്തിലെ പുനര്‍ജന്മം -അബ്ദുല്ലക്കുട്ടി

  കേസ് അവസാനിച്ചു; എല്ലാ കണ്ണുകളും ഇനി മഞ്ചേശ്വരം ഉപതിരഞ്ഞെടുപ്പിലേക്ക്

  നഗരസഭാ അംഗത്വം രാജിവെക്കാന്‍ അനുമതി തേടി കെ.എം. അബ്ദുല്‍ റഹ്മാന്‍ പാര്‍ട്ടിക്ക് കത്ത് നല്‍കി

  ബി.എ. മാഹിന്‍ അന്തരിച്ചു

  ഇന്തോനേഷ്യയില്‍ കുടുങ്ങിയവരുടെ മോചനത്തിനായി കേന്ദ്രമന്ത്രി വി.മുരളീധരന്‍ ഇടപെടുന്നു

  തനിച്ച് താമസിക്കുന്ന വീട്ടമ്മ ഷോക്കേറ്റ് മരിച്ച നിലയില്‍

  ഇന്തോനേഷ്യയില്‍ പിടിച്ചിട്ട കപ്പലില്‍ കുടുങ്ങിയ കുമ്പള, ഉപ്പള സ്വദേശികള്‍ കടുത്ത ദുരിതത്തില്‍

  വിവാദമല്ല ലക്ഷ്യം; ഞാന്‍ പഠിച്ച ശാസ്ത്രം തെറ്റാണെന്ന് പറയാനാവില്ല-കലക്ടര്‍