updated on:2019-02-16 07:42 PM
എം.എം.കെ. ഉറുമി അന്തരിച്ചു

www.utharadesam.com 2019-02-16 07:42 PM,
പുത്തിഗെ: മുംബൈ കേരള മുസ്ലിം ജമാഅത്ത് പ്രസിഡണ്ടും കെ.എം.സി.സി. നേതാവും സജീവ മുസ്ലിം ലീഗ് പ്രവര്‍ത്തകനുമായിരുന്ന എം. മുഹമ്മദ് കുഞ്ഞി ഉറുമി (എം.എം.കെ. ഉറുമി-65) അന്തരിച്ചു. മുംബൈയില്‍ ഹോട്ടല്‍ വ്യാപാരിയായിരുന്നു. കാസര്‍കോട്ടെ സ്വകാര്യാസ്പത്രിയില്‍ ഇന്നലെയായിരുന്നു അന്ത്യം. പുത്തിഗെ ഉറുമിയിലെ പരേതനായ ഹസൈനാന്‍ കുഞ്ഞിപ്പയുടെയും ആസ്യമ്മയുടെയും മകനാണ്. മുംബൈയില്‍ എത്തുന്ന കാസര്‍കോട് സ്വദേശികള്‍ക്ക് കുടക്കീഴിലൊരുക്കുന്നതിലും കെ.എം.സി.സി. വളര്‍ത്തുന്നതിലും വലിയ പങ്ക് വഹിച്ചിട്ടുണ്ട്. മുംബൈയിലെത്തുന്ന മലയാളികള്‍ക്ക് വലിയ ആശ്രയമായ മുംബൈ കേരള മുസ്ലിം ജമാഅത്തിനെ സജീവമാക്കുന്നതിലും വിവിധ പരിപാടികള്‍ സംഘടിപ്പിക്കുന്നതിലും എം.എം.കെ. ഉറുമിയുടെ സേവനം എടുത്ത് പറയേണ്ടതാണ്. നാട്ടിലെ സാമൂഹിക-മതരംഗങ്ങളിലും സജീവമായിരുന്നു. മൂന്ന് ദിവസം മുമ്പാണ് നാട്ടിലെത്തിയത്. ഭാര്യ: ആയിഷ. മക്കള്‍: മഷൂദ്, മുഹാദ്, മുഹവ്വിദ് (ഗള്‍ഫ്), മര്‍സദ്, ജുവൈരിയ, മാഷിദ, മാരിയ, ഉമ്മുകുല്‍സു. മരുമക്കള്‍: ഷമീം, മുഹ്‌സിന്‍, ഇര്‍ഷാദ്, ബുഷ്‌റ, റാഫിദ. സഹോദരങ്ങള്‍: മൊയ്തീന്‍കുട്ടി, ഖദീജ, പരേതയായ ആയിഷ.
മയ്യത്ത് ഉറുമി മുഹ്‌യുദ്ദീന്‍ ജുമാ മസ്ജിദ് അങ്കണത്തില്‍ ഖബറടക്കി. മരണ വിവരമറിഞ്ഞ് നിരവധി പേര്‍ ആസ്പത്രിയിലും പുത്തിഗെ ഉറുമിയിലെ വീട്ടിലും എത്തിയിരുന്നു. മുസ്ലിം ലീഗ് ജില്ലാ പ്രസിഡണ്ട് എം.സി. ഖമറുദ്ദീന്‍, ജനറല്‍ സെക്രട്ടറി എ. അബ്ദുല്‍ റഹ്മാന്‍, എന്‍.എ. നെല്ലിക്കുന്ന് എം.എല്‍.എ., മഞ്ചേശ്വരം മണ്ഡലം മുസ്‌ലിം ലീഗ് പ്രസിഡണ്ട് ടി.എ. മൂസ, ജനറല്‍ സെക്രട്ടറി എം. അബ്ബാസ്, എം. അബ്ദുല്ല മുഗു തുടങ്ങിയവര്‍ വീട്ടിലെത്തി അനുശോചിച്ചു.



Recent News
  പെരിയ ഇരട്ടക്കൊല: കുറ്റപത്രം നാളെ സമര്‍പ്പിച്ചേക്കും

  സാബിത്ത് വധക്കേസ് വിധി; ഹൈക്കോടതിയില്‍ അപ്പീല്‍ ഒരാഴ്ച്ചക്കകം

  കാറും ടാങ്കറും കൂട്ടിയിടിച്ച് 2 പേര്‍ക്ക് പരിക്ക്

  വീടിന്റെ മുകളില്‍ നിന്ന് വീണ് പരിക്കേറ്റ പെയിന്റിംഗ് തൊഴിലാളി മരിച്ചു

  പെരിയ ഇരട്ടക്കൊലക്കേസ്; പൊലീസ് സ്റ്റേഷന്‍ മാര്‍ച്ച് നടത്തിയ ഡി.സി.സി പ്രസിഡണ്ട് അടക്കമുള്ളവര്‍ക്കെതിരെ കുറ്റപത്രം

  വനമേഖലയില്‍ നിന്ന് ചന്ദന മരം മുറിച്ചു കടത്താന്‍ ശ്രമം; 16 കാരനടക്കം 3 പേര്‍ പിടിയില്‍

  അഡൂര്‍ വനമേഖലയില്‍ കണ്ടെത്തിയ തുടയെല്ല് വിദഗ്ധ പരിശോധനക്കയച്ചു

  കാഞ്ഞങ്ങാട്ട് പിടിയിലായ തമിഴ്‌നാട് സ്വദേശിനികള്‍ നിരവധി മോഷണക്കേസുകളില്‍ പ്രതികള്‍; വിദ്യാനഗറിലും അമ്പലത്തറയിലും കേസ്

  ഡോ. കെ. അഹമ്മദ് ബഷീര്‍ അന്തരിച്ചു

  സാബിത്ത് വധക്കേസിലെ പ്രതികളെ വിട്ടയച്ചതിനെതിരെ നിയമയുദ്ധം ശക്തമാക്കണം -പി. ജയരാജന്‍

  വാഹനാപകടത്തില്‍ മരിച്ച അമ്മക്കും മകനും കണ്ണീരില്‍ കുതിര്‍ന്ന യാത്രാമൊഴി

  സാബിത്ത് വധക്കേസ് വിധി: പൊലീസ് അന്വേഷണത്തിലെ ഗുരുതര വീഴ്ച വ്യക്തം

  കോഴിക്കോട്ട് വാഹനാപകടത്തില്‍ പരിക്കേറ്റ കൈന്താറിലെ യുവാവ് മരിച്ചു

  പാണത്തൂര്‍ ഇബ്രാഹിം മൗലവി അന്തരിച്ചു

  നുള്ളിപ്പാടിയിലെ അപകടം; പിഗ്മി ഏജന്റ് മരിച്ചു