updated on:2019-02-18 05:55 PM
വീട്ടമ്മയുടെ സ്വര്‍ണ്ണമാല സ്‌കൂട്ടറിലെത്തിയ 2പേര്‍ തട്ടിപ്പറിച്ചു; പ്രതികളെ കുറിച്ച് സൂചന

www.utharadesam.com 2019-02-18 05:55 PM,
ആദൂര്‍: വീട്ടമ്മയുടെ സ്വര്‍ണ്ണമാല സ്‌കൂട്ടറിലെത്തിയ രണ്ട് പേര്‍ തട്ടിപ്പറിച്ച് കടന്ന് കളഞ്ഞു. പ്രതികളെ കുറിച്ച് പൊലീസിന് സൂചന ലഭിച്ചു. ആദൂര്‍ കുണ്ടാറിലെ അപ്പുവെളിച്ചപ്പാടിന്റെ ഭാര്യ കുഞ്ഞമ്മയുടെ സ്വര്‍ണ്ണമാലയാണ് തട്ടിപ്പറിച്ചത്. ബന്ധുവീട്ടില്‍ നടന്ന ചടങ്ങില്‍ പങ്കെടുക്കാന്‍ പോകുന്നതിന് വീടിന് സമീപം വാഹനം കാത്തുനില്‍ക്കുന്നതിനിടെയാണ് കുഞ്ഞമ്മയുടെ മാല തട്ടിപ്പറിച്ചത്. ഇന്നലെ രാവിലെയാണ് സംഭവം. കറുത്ത സ്‌കൂട്ടറില്‍ എത്തിയ രണ്ടുപേര്‍ കുഞ്ഞമ്മയോട് വഴി ചോദിക്കുകയും അതിനിടെ പിറകിലിരിക്കുകയായിരുന്നയാള്‍ മാല തട്ടിപ്പറിക്കുകയും ആയിരുന്നുവത്രെ. ചെറുത്ത് നില്‍പ്പിനിടെ മാലയുടെ ഒരു ഭാഗം ബാക്കിയായിട്ടുണ്ട്. സ്‌കൂട്ടര്‍ ജാല്‍സൂര്‍ ഭാഗത്തേക്കാണ് ഓടിച്ചു പോയത്. അതിനിടെ കുഞ്ഞമ്മ കര്‍ണാടക സംപ്യ പൊലീസ് സ്റ്റേഷനിലെ ബന്ധുവായ പൊലീസുകാരനെ വിവരം അറിയിച്ചു. തുടര്‍ന്ന് ഈ ഭാഗത്തെ സി.സി.ടി.വി ദൃശ്യങ്ങള്‍ പരിശോധിച്ചപ്പോള്‍ സ്‌കൂട്ടറിന്റെ ദൃശ്യം പതിഞ്ഞിട്ടുണ്ട്. ഇത് അടിസ്ഥാനമാക്കിയാണ് പൊലീസ് അന്വേഷണം. അതിനിടെ ഇന്നലെ രാവിലെ ബദിയടുക്ക ചെടേക്കാല്‍ ചാങ്കുളിയിലെ കല്യാണിയുടെ മാല തട്ടിപ്പറിച്ചതും ഇതേ സംഘമാണെന്ന് പൊലീസ് സംശയിക്കുന്നു. സ്വര്‍ണ്ണമെന്ന് കരുതി മുക്കുപണ്ടമാലയാണ് കവര്‍ന്നത്. കഴിഞ്ഞ ഒരു വര്‍ഷത്തിനിടെ ബോവിക്കാനം മഞ്ചക്കല്ലില്‍ മൂന്ന് പേരുടെ മാല തട്ടിപ്പറിച്ചിരുന്നു.



Recent News
  പെരിയ ഇരട്ടക്കൊല: കുറ്റപത്രം നാളെ സമര്‍പ്പിച്ചേക്കും

  സാബിത്ത് വധക്കേസ് വിധി; ഹൈക്കോടതിയില്‍ അപ്പീല്‍ ഒരാഴ്ച്ചക്കകം

  കാറും ടാങ്കറും കൂട്ടിയിടിച്ച് 2 പേര്‍ക്ക് പരിക്ക്

  വീടിന്റെ മുകളില്‍ നിന്ന് വീണ് പരിക്കേറ്റ പെയിന്റിംഗ് തൊഴിലാളി മരിച്ചു

  പെരിയ ഇരട്ടക്കൊലക്കേസ്; പൊലീസ് സ്റ്റേഷന്‍ മാര്‍ച്ച് നടത്തിയ ഡി.സി.സി പ്രസിഡണ്ട് അടക്കമുള്ളവര്‍ക്കെതിരെ കുറ്റപത്രം

  വനമേഖലയില്‍ നിന്ന് ചന്ദന മരം മുറിച്ചു കടത്താന്‍ ശ്രമം; 16 കാരനടക്കം 3 പേര്‍ പിടിയില്‍

  അഡൂര്‍ വനമേഖലയില്‍ കണ്ടെത്തിയ തുടയെല്ല് വിദഗ്ധ പരിശോധനക്കയച്ചു

  കാഞ്ഞങ്ങാട്ട് പിടിയിലായ തമിഴ്‌നാട് സ്വദേശിനികള്‍ നിരവധി മോഷണക്കേസുകളില്‍ പ്രതികള്‍; വിദ്യാനഗറിലും അമ്പലത്തറയിലും കേസ്

  ഡോ. കെ. അഹമ്മദ് ബഷീര്‍ അന്തരിച്ചു

  സാബിത്ത് വധക്കേസിലെ പ്രതികളെ വിട്ടയച്ചതിനെതിരെ നിയമയുദ്ധം ശക്തമാക്കണം -പി. ജയരാജന്‍

  വാഹനാപകടത്തില്‍ മരിച്ച അമ്മക്കും മകനും കണ്ണീരില്‍ കുതിര്‍ന്ന യാത്രാമൊഴി

  സാബിത്ത് വധക്കേസ് വിധി: പൊലീസ് അന്വേഷണത്തിലെ ഗുരുതര വീഴ്ച വ്യക്തം

  കോഴിക്കോട്ട് വാഹനാപകടത്തില്‍ പരിക്കേറ്റ കൈന്താറിലെ യുവാവ് മരിച്ചു

  പാണത്തൂര്‍ ഇബ്രാഹിം മൗലവി അന്തരിച്ചു

  നുള്ളിപ്പാടിയിലെ അപകടം; പിഗ്മി ഏജന്റ് മരിച്ചു