updated on:2019-03-14 07:42 PM
കനത്ത സുരക്ഷയില്‍ രാഹുല്‍ ഗാന്ധി കല്ല്യോട്ടേക്ക്

www.utharadesam.com 2019-03-14 07:42 PM,
പെരിയ: കനത്ത സുരക്ഷയില്‍ എ.ഐ.സി.സി അധ്യക്ഷന്‍ രാഹുല്‍ഗാന്ധി കല്ല്യോട്ട് കൊല്ലപ്പെട്ട കൃപേഷിന്റെയും ശരത് ലാലിന്റെയും വീടുകളിലേക്ക്. രാഹുലിന്റെ സന്ദര്‍ശനം കാരണം സ്‌പെഷ്യല്‍ പ്രൊട്ടക്ഷന്‍ ഗ്രൂപ്പ് അടക്കമുള്ള സുരക്ഷാ വലയത്തിലാണ് കല്ല്യോട്ട് ഗ്രാമം. പെരിയ ടൗണില്‍ നിന്ന് കല്ല്യോട്ടെ കൃപേഷിന്റെയും ശരത് ലാലിന്റെയും വീടുകളിലേക്കുള്ള വഴിയില്‍ നിറയെ പൊലീസുകാരെ വിന്യസിപ്പിച്ചിട്ടുണ്ട്. ഒന്നര മണിയോടെ രാഹുല്‍ ഗാന്ധി എത്തുമെന്ന വിവരമറിഞ്ഞ് കോണ്‍ഗ്രസ് പ്രവര്‍ത്തകരടക്കം നിരവധി പേര്‍ കല്ല്യോട്ടെത്തിയിട്ടുണ്ട്. പെരിയയിലെ ഹെലിപാടില്‍ ഇറങ്ങി രാഹുല്‍ഗാന്ധി അവിടെ നിന്ന് കാര്‍ മാര്‍ഗമാണ് കൊല്ലപ്പെട്ടവരുടെ വീടുകളിലെത്തുക. ഇരുവരുടേയും വീടുകള്‍ക്ക് മുമ്പില്‍ ചെറിയ പന്തലുകള്‍ കെട്ടി ജനങ്ങള്‍ക്ക് രാഹുല്‍ഗാന്ധിയെ കാണാന്‍ അവസരമൊരുക്കിയിട്ടുണ്ട്. ഇരുവീടുകളിലേക്കും രാഹുലിന്റെ കാര്‍ എത്താന്‍ വേണ്ടി റോഡുകള്‍ വെട്ടിയിട്ടുണ്ട്. വീടുകള്‍ക്ക് സമീപം ഉന്നത എസ്.പി.ജി ഉദ്യോഗസ്ഥര്‍ കാവല്‍ ഏര്‍പ്പെടുത്തിയിട്ടുണ്ട്. രാവിലെ മുതല്‍ നേതാക്കളുടെ പ്രവാഹവും തുടങ്ങിയിട്ടുണ്ട്.
യൂത്ത് കോണ്‍ഗ്രസ് സംസ്ഥാന പ്രസിഡണ്ട് ഡീന്‍ കുര്യാക്കോസ്, ഐബി ഈഡന്‍ എം.എല്‍.എ അടക്കമുള്ളവര്‍ രാവിലെ 11 മണിയോടെ തന്നെ സ്ഥലത്തെത്തി. ഉമ്മന്‍ചാണ്ടി, മുല്ലപ്പള്ളി രാമചന്ദ്രന്‍, രമേശ് ചെന്നിത്തല അടക്കമുള്ളവര്‍ രാഹുലിനൊപ്പമുണ്ടാകുമെന്ന് കോണ്‍ഗ്രസ് നേതാക്കള്‍ അറിയിച്ചു.
പെരിയയിലെ സന്ദര്‍ശനം കഴിഞ്ഞ് രാഹുല്‍ ഗാന്ധി വിമാനമാര്‍ഗം കോഴിക്കോട്ടേക്ക് മടങ്ങും.



Recent News
  പെരിയ ഇരട്ടക്കൊല: കുറ്റപത്രം നാളെ സമര്‍പ്പിച്ചേക്കും

  സാബിത്ത് വധക്കേസ് വിധി; ഹൈക്കോടതിയില്‍ അപ്പീല്‍ ഒരാഴ്ച്ചക്കകം

  കാറും ടാങ്കറും കൂട്ടിയിടിച്ച് 2 പേര്‍ക്ക് പരിക്ക്

  വീടിന്റെ മുകളില്‍ നിന്ന് വീണ് പരിക്കേറ്റ പെയിന്റിംഗ് തൊഴിലാളി മരിച്ചു

  പെരിയ ഇരട്ടക്കൊലക്കേസ്; പൊലീസ് സ്റ്റേഷന്‍ മാര്‍ച്ച് നടത്തിയ ഡി.സി.സി പ്രസിഡണ്ട് അടക്കമുള്ളവര്‍ക്കെതിരെ കുറ്റപത്രം

  വനമേഖലയില്‍ നിന്ന് ചന്ദന മരം മുറിച്ചു കടത്താന്‍ ശ്രമം; 16 കാരനടക്കം 3 പേര്‍ പിടിയില്‍

  അഡൂര്‍ വനമേഖലയില്‍ കണ്ടെത്തിയ തുടയെല്ല് വിദഗ്ധ പരിശോധനക്കയച്ചു

  കാഞ്ഞങ്ങാട്ട് പിടിയിലായ തമിഴ്‌നാട് സ്വദേശിനികള്‍ നിരവധി മോഷണക്കേസുകളില്‍ പ്രതികള്‍; വിദ്യാനഗറിലും അമ്പലത്തറയിലും കേസ്

  ഡോ. കെ. അഹമ്മദ് ബഷീര്‍ അന്തരിച്ചു

  സാബിത്ത് വധക്കേസിലെ പ്രതികളെ വിട്ടയച്ചതിനെതിരെ നിയമയുദ്ധം ശക്തമാക്കണം -പി. ജയരാജന്‍

  വാഹനാപകടത്തില്‍ മരിച്ച അമ്മക്കും മകനും കണ്ണീരില്‍ കുതിര്‍ന്ന യാത്രാമൊഴി

  സാബിത്ത് വധക്കേസ് വിധി: പൊലീസ് അന്വേഷണത്തിലെ ഗുരുതര വീഴ്ച വ്യക്തം

  കോഴിക്കോട്ട് വാഹനാപകടത്തില്‍ പരിക്കേറ്റ കൈന്താറിലെ യുവാവ് മരിച്ചു

  പാണത്തൂര്‍ ഇബ്രാഹിം മൗലവി അന്തരിച്ചു

  നുള്ളിപ്പാടിയിലെ അപകടം; പിഗ്മി ഏജന്റ് മരിച്ചു