updated on:2019-03-15 06:09 PM
കല്ല്യോട്ടെ ഇരട്ടക്കൊല: ഘാതകസംഘത്തെ കാറില്‍ രക്ഷപ്പെടുത്തിയ കേസിലെ പ്രതി റിമാണ്ടില്‍

www.utharadesam.com 2019-03-15 06:09 PM,
കാസര്‍കോട്: യൂത്ത് കോണ്‍ഗ്രസ് പ്രവര്‍ത്തകരായ പെരിയ കല്ല്യോട്ടെ കൃപേഷിനെയും ശരത്‌ലാലിനെയും വെട്ടിക്കൊലപ്പെടുത്തിയ സംഘത്തിന് രക്ഷപ്പെടാന്‍ സഹായം നല്‍കിയ കേസില്‍ അറസ്റ്റിലായ പ്രതിയെ കോടതി റിമാണ്ട് ചെയ്തു.
തന്നിത്തോട് സ്വദേശി എ. മുരളിയെ (35)യാണ് ഹൊസ്ദുര്‍ഗ് ജുഡീഷ്യല്‍ ഒന്നാം ക്ലാസ് മജിസ്‌ത്രേട്ട് (രണ്ട്) കോടതി രണ്ടാഴ്ച്ചത്തേക്ക് റിമാണ്ട് ചെയ്തത്. കൊലപാതകത്തിന് ശേഷം കേസിലെ മുഖ്യപ്രതിയായ പീതാംബരന്‍ ഉള്‍പ്പെടെയുള്ളവരെ ഇയോണ്‍ കാറില്‍ രക്ഷപ്പെടാന്‍ സഹായം നല്‍കിയത് മുരളിയാണെന്ന് ക്രൈം ബ്രാഞ്ചിന്റെ അന്വേഷണത്തില്‍ കണ്ടെത്തിയിരുന്നു. കഴിഞ്ഞ ദിവസമാണ് മുരളിയെ ക്രൈം ബ്രാഞ്ച് അറസ്റ്റ് ചെയ്തത്.
പീതാംബരനുള്‍പ്പെടെ എട്ടു പ്രതികളെയാണ് നേരത്തെ അറസ്റ്റ് ചെയ്തിരുന്നത്. കൊലപാതകത്തില്‍ നേരിട്ട് പങ്കെടുത്തവരെന്ന് വ്യക്തമായതിനെ തുടര്‍ന്ന് രണ്ടുപേരെ കൂടി ക്രൈം ബ്രാഞ്ച് കേസില്‍ പ്രതിചേര്‍ത്തു. ഘാതകസംഘത്തിന് സഹായം നല്‍കിയ മറ്റു ചിലര്‍ക്കെതിരെയും അന്വേഷണം നടക്കുന്നുണ്ട്.
ക്രൈം ബ്രാഞ്ച് തിരയുന്ന പ്രതികളിലൊരാള്‍ ഗള്‍ഫിലേക്ക് കടന്നതായും സൂചനയുണ്ട.്
കൂടുതല്‍ പ്രതികളെ അറസ്റ്റ് ചെയ്യാനുള്ള നടപടികളുമായി അന്വേഷണസംഘം മുന്നോട്ടുപോവുകയാണ്.
ഫെബ്രുവരി 17 ന് രാത്രിയാണ് യൂത്ത് കോണ്‍ഗ്രസ് പ്രവര്‍ത്തകരായ ശരത്തിനെയും കൃപേഷിനെയും കുത്തിക്കൊലപ്പെടുത്തിയത്. അതിനിടെ ഇരട്ടക്കൊല സംബന്ധിച്ച് സി.ബി.ഐ അന്വേഷണം വേണമെന്നാവശ്യപ്പെട്ട് കൃപേഷിന്റെയും ശരത്തിന്റെയും സഹോദരിമാര്‍ കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിക്ക് നിവേദനം നല്‍കി.



Recent News
  പെരിയ ഇരട്ടക്കൊല: കുറ്റപത്രം നാളെ സമര്‍പ്പിച്ചേക്കും

  സാബിത്ത് വധക്കേസ് വിധി; ഹൈക്കോടതിയില്‍ അപ്പീല്‍ ഒരാഴ്ച്ചക്കകം

  കാറും ടാങ്കറും കൂട്ടിയിടിച്ച് 2 പേര്‍ക്ക് പരിക്ക്

  വീടിന്റെ മുകളില്‍ നിന്ന് വീണ് പരിക്കേറ്റ പെയിന്റിംഗ് തൊഴിലാളി മരിച്ചു

  പെരിയ ഇരട്ടക്കൊലക്കേസ്; പൊലീസ് സ്റ്റേഷന്‍ മാര്‍ച്ച് നടത്തിയ ഡി.സി.സി പ്രസിഡണ്ട് അടക്കമുള്ളവര്‍ക്കെതിരെ കുറ്റപത്രം

  വനമേഖലയില്‍ നിന്ന് ചന്ദന മരം മുറിച്ചു കടത്താന്‍ ശ്രമം; 16 കാരനടക്കം 3 പേര്‍ പിടിയില്‍

  അഡൂര്‍ വനമേഖലയില്‍ കണ്ടെത്തിയ തുടയെല്ല് വിദഗ്ധ പരിശോധനക്കയച്ചു

  കാഞ്ഞങ്ങാട്ട് പിടിയിലായ തമിഴ്‌നാട് സ്വദേശിനികള്‍ നിരവധി മോഷണക്കേസുകളില്‍ പ്രതികള്‍; വിദ്യാനഗറിലും അമ്പലത്തറയിലും കേസ്

  ഡോ. കെ. അഹമ്മദ് ബഷീര്‍ അന്തരിച്ചു

  സാബിത്ത് വധക്കേസിലെ പ്രതികളെ വിട്ടയച്ചതിനെതിരെ നിയമയുദ്ധം ശക്തമാക്കണം -പി. ജയരാജന്‍

  വാഹനാപകടത്തില്‍ മരിച്ച അമ്മക്കും മകനും കണ്ണീരില്‍ കുതിര്‍ന്ന യാത്രാമൊഴി

  സാബിത്ത് വധക്കേസ് വിധി: പൊലീസ് അന്വേഷണത്തിലെ ഗുരുതര വീഴ്ച വ്യക്തം

  കോഴിക്കോട്ട് വാഹനാപകടത്തില്‍ പരിക്കേറ്റ കൈന്താറിലെ യുവാവ് മരിച്ചു

  പാണത്തൂര്‍ ഇബ്രാഹിം മൗലവി അന്തരിച്ചു

  നുള്ളിപ്പാടിയിലെ അപകടം; പിഗ്മി ഏജന്റ് മരിച്ചു