updated on:2019-04-11 06:53 PM
പള്ളി ഇമാമിനെ അക്രമിച്ച കേസില്‍ അന്വേഷണം വഴിമുട്ടുന്നു

www.utharadesam.com 2019-04-11 06:53 PM,
കാസര്‍കോട്: നെല്ലിക്കുന്ന് നൂര്‍ മസ്ജിദ് ഇമാം സുള്ള്യ കല്‍മടുക്കയിലെ അബ്ദുല്‍ നാസര്‍ സഖാഫിയെ(26) ആക്രമിച്ച കേസില്‍ പൊലീസ് അന്വേഷണം വഴിമുട്ടുന്നു. സഖാഫിക്ക് ഭീഷണിസന്ദേശം വന്ന ഫോണിന്റെ ഉടമസ്ഥനെ കേസില്‍ പ്രതി ചേര്‍ത്തുവെന്നല്ലാതെ കൂടുതല്‍ അന്വേഷണമൊന്നം നടന്നില്ല. പള്ളിക്ക് സമീപത്തെ കാന്റീനില്‍ നിന്ന് ഭക്ഷണം കഴിച്ച് ഇടവഴിയിലൂടെ നടന്നുപോകുമ്പോഴാണ് ബൈക്കിലെത്തിയ സംഘം നാസര്‍ സഖാഫിയുടെ മുഖത്ത് മുളകുപൊടി വിതറി ആക്രമണം നടത്തിയത്. നാസര്‍ സഖാഫിയുടെ പരാതിയില്‍ കാസര്‍കോട് ടൗണ്‍ പൊലീസ് കേസെടുത്ത് അന്വേഷണം നടത്തുകയും സഖാഫിയെ വധിക്കുമെന്ന് ഭീഷണി സന്ദേശം വന്ന ഫോണിന്റെ ഉടമയായ കര്‍ണാടക കാര്‍ക്കളയിലെ പാഞ്ചഗുഡെ സ്വദേശി മുഹമ്മദ് തൗഫീഖ് സഖാഫിക്കെതിരെ കേസെടുക്കുകയുമായിരുന്നു. പള്ളി ഇമാമിനെ ആക്രമിച്ച സംഭവത്തിന്റെ അന്വേഷണത്തിന് സ്‌പെഷല്‍ ടീമിനെ നിയോഗിക്കണമെന്ന് എന്‍.എ. നെല്ലിക്കുന്ന് എം.എല്‍.എ ആവശ്യപ്പെട്ടിരുന്നു. നെല്ലിക്കുന്ന് കൂട്ടായ്മയുടെ ആഭിമുഖ്യത്തില്‍ പ്രതിഷേധസംഗമവും നടത്തുകയുണ്ടായി. പ്രതികളെ പിടികൂടണമെന്നാവശ്യപ്പെട്ട് ത്രിദിന സമരം സംഘടിപ്പിക്കാനൊരുങ്ങുകയാണ് കണക്ടിംഗ് നെല്ലിക്കുന്ന് വാട്‌സ്ആപ്പ് കൂട്ടായ്മ. 12,13,14 തീയ്യതികളില്‍ നെല്ലിക്കുന്ന് ജംഗ്ഷനില്‍ വെച്ചാണ് സമരപരിപാടി സംഘടിപ്പിക്കുക. സമരത്തിന് ക്ലബുകളും സാംസ്‌കാരിക സംഘടനകളും പൂര്‍ണ പിന്തുണ പ്രഖ്യാപിച്ചിട്ടുണ്ട്.



Recent News
  പുലിക്കുന്ന് ഇന്റര്‍ലോക്ക് റോഡ് ഉദ്ഘാടനം ചെയ്തു

  എന്‍ഡോസള്‍ഫാന്‍: ജില്ലാ കലക്ടറെ അനുകൂലിച്ച് കാര്‍ഷിക കോളേജ് കീടനാശിനി വകുപ്പ് മേധാവി; കലക്ടറെ മാറ്റണമെന്ന് പീഡിത ജനകീയമുന്നണി

  ബി.ജെ.പി. പ്രവേശനം തന്റെ രാഷ്ട്രീയ ജീവിതത്തിലെ പുനര്‍ജന്മം -അബ്ദുല്ലക്കുട്ടി

  കേസ് അവസാനിച്ചു; എല്ലാ കണ്ണുകളും ഇനി മഞ്ചേശ്വരം ഉപതിരഞ്ഞെടുപ്പിലേക്ക്

  നഗരസഭാ അംഗത്വം രാജിവെക്കാന്‍ അനുമതി തേടി കെ.എം. അബ്ദുല്‍ റഹ്മാന്‍ പാര്‍ട്ടിക്ക് കത്ത് നല്‍കി

  ബി.എ. മാഹിന്‍ അന്തരിച്ചു

  ഇന്തോനേഷ്യയില്‍ കുടുങ്ങിയവരുടെ മോചനത്തിനായി കേന്ദ്രമന്ത്രി വി.മുരളീധരന്‍ ഇടപെടുന്നു

  തനിച്ച് താമസിക്കുന്ന വീട്ടമ്മ ഷോക്കേറ്റ് മരിച്ച നിലയില്‍

  ഇന്തോനേഷ്യയില്‍ പിടിച്ചിട്ട കപ്പലില്‍ കുടുങ്ങിയ കുമ്പള, ഉപ്പള സ്വദേശികള്‍ കടുത്ത ദുരിതത്തില്‍

  വിവാദമല്ല ലക്ഷ്യം; ഞാന്‍ പഠിച്ച ശാസ്ത്രം തെറ്റാണെന്ന് പറയാനാവില്ല-കലക്ടര്‍

  മുസ്ലിം ലീഗ് എസ്.പി ഓഫീസ് മാര്‍ച്ചില്‍ പ്രതിഷേധം ഇരമ്പി; പൊലീസ് ജലപീരങ്കി പ്രയോഗിച്ചു

  നീറ്റ് എസ്.എസ്: ന്യൂറോളജിയില്‍ ഡോ. ഷമീമിന് മൂന്നാം റാങ്ക്

  ഓട്ടോഡ്രൈവര്‍ കുഴഞ്ഞുവീണുമരിച്ചു

  ക്ഷേത്രക്കവര്‍ച്ച; പ്രതി അറസ്റ്റില്‍

  ആസ്പത്രിയിലെത്തിയ യുവാവ് കുഴഞ്ഞുവീണു മരിച്ചു; പിന്നാലെ ഭാര്യാമാതാവും മരിച്ചു