updated on:2019-04-12 07:43 PM
രാജ്യത്ത് ന്യൂനപക്ഷങ്ങള്‍ അക്രമിക്കപ്പെട്ടപ്പോള്‍ കോണ്‍ഗ്രസ് കാഴ്ചക്കാരായി -പിണറായി

www.utharadesam.com 2019-04-12 07:43 PM,
കാഞ്ഞങ്ങാട്: മോദിഭരണത്തിന്‍ കീഴില്‍ രാജ്യത്ത് ന്യൂനപക്ഷങ്ങള്‍ ആക്രമിക്കപ്പെട്ടപ്പോള്‍ കോണ്‍ഗ്രസ് കാഴ്ചക്കാരായി മാറുകയാണുണ്ടായതെന്ന് മുഖ്യമന്ത്രി പിണറായി വിജയന്‍ ആരോപിച്ചു. ഇന്ന് രാവിലെ 10 മണിയോടെ കാഞ്ഞങ്ങാട്ട് ആരംഭിച്ച എല്‍.ഡി.എഫ് തിരഞ്ഞെടുപ്പ് പൊതുയോഗം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.ന്യൂനപക്ഷങ്ങള്‍ക്ക് സംരക്ഷണം നല്‍കാന്‍ കോണ്‍ഗ്രസിന് സാധിക്കില്ലെന്ന് ഇതിനോടകം തെളിഞ്ഞതാണ്. മൃദുഹിന്ദുത്വനിലപാടുമായി മുന്നോട്ടുപോകുന്ന കോണ്‍ഗ്രസ് വര്‍ഗീയതയെ പ്രോത്സാഹിപ്പിക്കുകയാണ് ചെയ്യുന്നത്. ചില കോണ്‍ഗ്രസ് നേതാക്കള്‍ തര്‍ക്കവിഷയമായ രാമക്ഷേത്രത്തെ ബി.ജെ.പിയെക്കാള്‍ വാശിയോടെ രാഷ്ട്രീയനേട്ടത്തിനുപയോഗിക്കുകയാണെന്ന് പിണറായി കുറ്റപ്പെടുത്തി. ഉത്തരേന്ത്യന്‍ സംസ്ഥാനങ്ങളില്‍ കോണ്‍ഗ്രസില്‍ നിന്നും ബി.ജെ.പിയിലേക്കുള്ള ഒഴുക്ക് തെറ്റായ സന്ദേശമാണ് നല്‍കുന്നത്. സാമ്പത്തികനയത്തിന്റെ കാര്യത്തില്‍ കോണ്‍ഗ്രസും ബി.ജെ.പിയും ഒരുപോലെയാണ്. 2009 മുതല്‍ ഇന്ത്യയിലെ ജനങ്ങളില്‍ ആരംഭിച്ച അസംതൃപ്തി 2019 ആയിട്ടും അവസാനിച്ചിട്ടില്ല. മന്‍മോഹന്‍സിംഗ് അവസാനിപ്പിച്ചിടത്തുവെച്ച് നരേന്ദമോദി ആരംഭിക്കുകയായിരുന്നു. വര്‍ഗീയതയുടെ ഓരം ചേര്‍ന്ന് പോകുന്ന കോണ്‍ഗ്രസില്‍ ഈ തിരഞ്ഞെടുപ്പ് കഴിഞ്ഞാല്‍ ആരെല്ലാം ബാക്കിയുണ്ടാകുമെന്ന് കണ്ടുതന്നെ അറിയണം. ഒരുപക്ഷേ കോണ്‍ഗ്രസ് തന്നെ ഇല്ലാതായാലും അത്ഭുതപ്പെടാനില്ല. ഇത്തരമൊരു സാഹചര്യത്തില്‍ ബി.ജെ.പിക്ക് ബദല്‍ എന്ന് പറയാവുന്ന മുന്നണി ഇടതുപക്ഷം തന്നെയാണ്. ഇടതുപക്ഷത്തെ രാജ്യത്തെ ജനങ്ങള്‍ ഏറെ പ്രതീക്ഷയോടെയാണ് നോക്കിക്കാണുന്നത്. വര്‍ഗീയവിദ്വേഷനിലപാടുകള്‍ സ്വീകരിക്കുന്ന ബി.ജെ.പിയെയും വര്‍ഗീയതയോടെ സന്ധി ചെയ്യുന്ന കോണ്‍ഗ്രസിനെയും ജനങ്ങള്‍ക്ക് മടുത്തിരിക്കുന്നു. കേരളത്തെയും വയനാടിനെയും അപമാനിക്കുന്ന ബി.ജെ.പിയുടെ നിലപാടുകള്‍ ഇവിടത്തെ ജനങ്ങള്‍ തിരിച്ചറിയുന്നുണ്ട്. വയനാടിനെ പാക്കിസ്ഥാന്‍ മുദ്രകുത്തി അപമാനിക്കുന്ന ബി.ജെ.പിക്ക് അഭിമാനബോധമുള്ള കേരളജനത തിരഞ്ഞെടുപ്പില്‍ ശക്തമായ തിരിച്ചടി നല്‍കും. ഇരട്ടത്താപ്പ് നിലപാടുള്ള യു.ഡി.എഫിനെ കാത്തിരിക്കുന്നതും കനത്ത തിരിച്ചടിയാണെന്ന് പിണറായി വ്യക്തമാക്കി.



Recent News
  സ്വര്‍ണ്ണവുമായി കാസര്‍കോട് സ്വദേശിയുള്‍പ്പെടെ മൂന്ന് പേര്‍ പിടിയില്‍

  അജാനൂരില്‍ പോളിങ് ഓഫീസര്‍ കുഴഞ്ഞുവീണു

  കാണാതായ വീട്ടമ്മയുടെ മൃതദേഹം നിര്‍മ്മാണത്തിലിരിക്കുന്ന വീടിന്റെ കക്കൂസ് കുഴിയില്‍ കണ്ടെത്തി

  വോട്ടിംഗ് യന്ത്രത്തകരാറ്; മംഗല്‍പാടിയിലും മിയാപദവിലും വോട്ടര്‍മാര്‍ വലഞ്ഞു

  തീരദേശങ്ങളില്‍ രാവിലെ മുതല്‍ തന്നെ വോട്ടര്‍മാരുടെ നീണ്ട നിര; വന്‍ സ്ത്രീ പങ്കാളിത്തം

  ഉച്ചവരെ കാസര്‍കോട്ടെ പോളിംഗ് 45 ശതമാനം; യന്ത്രങ്ങള്‍ പണിമുടക്കിയത് വോട്ടര്‍മാരെ വലച്ചു

  അവധിയാഘോഷത്തിന്റെ ആഹ്ലാദം വിട്ടുമാറും മുമ്പെ റസീനയുടെ ദാരുണ മരണം

  കേരളം ബൂത്തിലേക്ക്

  സാബിത് വധക്കേസിന്റെ വിധി മെയ് 4ലേക്ക് മാറ്റി

  കൊട്ടിക്കലാശത്തിനിടെ സംഘര്‍ഷം; നിരവധി പേര്‍ക്ക് പരിക്കേറ്റു

  ഉമ്മയും കുഞ്ഞും തീവണ്ടി തട്ടി മരിച്ച സംഭവം: മൊഗ്രാല്‍ പ്രദേശം കണ്ണീരണിഞ്ഞു

  ടൂറിസ്റ്റ് ബസില്‍ നിന്ന് പുകയുയര്‍ന്നത് പരിഭ്രാന്തി പരത്തി

  കാണാതായ യുവാവ് തൂങ്ങിമരിച്ചനിലയില്‍

  ക്വാര്‍ട്ടേഴ്‌സിലെ കവര്‍ച്ച; 15 കാരന്‍ അറസ്റ്റില്‍

  ശ്രദ്ധാകേന്ദ്രമായ അഞ്ച് ലോക്‌സഭാ മണ്ഡലങ്ങള്‍