updated on:2019-04-13 06:42 PM
പെരിയ ഇരട്ടക്കൊല; സി.പി.എമ്മിലെ ഉന്നത നേതാക്കള്‍ക്ക് ബന്ധമില്ലെന്ന് ചൂണ്ടിക്കാട്ടി ക്രൈംബ്രാഞ്ച് റിപ്പോര്‍ട്ട് ഹൈക്കോടതിയില്‍

www.utharadesam.com 2019-04-13 06:42 PM,
കാസര്‍കോട്: യൂത്ത് കോണ്‍ഗ്രസ് പ്രവര്‍ത്തകരായിരുന്ന പെരിയ കല്യോട്ടെ കൃപേഷിനെയും ശരത്‌ലാലിനെയും കൊലപ്പെടുത്തിയ സംഭവവുമായി സി.പി.എമ്മിലെ ഉന്നതനേതാക്കള്‍ക്ക് ബന്ധമുണ്ടെന്ന ആരോപണത്തിന് തെളിവൊന്നുമില്ലെന്ന് ചൂണ്ടിക്കാട്ടി ക്രൈംബ്രാഞ്ച് ഹൈക്കോടതിയില്‍ റിപ്പോര്‍ട്ട് നല്‍കി. ക്രൈംബ്രാഞ്ച് ഡി.വൈ.എസ്.പി എം. പ്രദീപ്കുമാറാണ് അന്വേഷണപുരോഗതി സംബന്ധിച്ച് ഹൈക്കോടതിയില്‍ വിശദീകരണം നല്‍കിയത്. ഇരട്ടക്കൊലക്കേസിലെ ക്രൈംബ്രാഞ്ച് അന്വേഷണത്തില്‍ വിശ്വാസമില്ലെന്നും ആരോപണവിധേയരായ പാര്‍ട്ടിനേതാക്കളെ സംരക്ഷിക്കുന്ന തരത്തിലാണ് അന്വേഷണം മുന്നോട്ടുപോകുന്നതെന്നും ഈ സാഹചര്യത്തില്‍ കേസ് സി.ബി.ഐക്ക് വിടണമെന്നും ആവശ്യപ്പെട്ട് കൃപേഷിന്റെയും ശരത്‌ലാലിന്റെയും മാതാപിതാക്കള്‍ നല്‍കിയ ഹരജി സ്വീകരിച്ച ഹൈക്കോടതി ഇതുസംബന്ധിച്ച് ക്രൈംബ്രാഞ്ചിനോട് വിശദീകരണം ആവശ്യപ്പെട്ടിരുന്നു. കൊലപാതകവുമായി ബന്ധമുള്ള പ്രമുഖ സി.പി.എംനേതാക്കളുടെ പേര് വിവരങ്ങള്‍ സഹിതം മൊഴി നല്‍കിയിട്ടും ക്രൈംബ്രാഞ്ച് ഇതേക്കുറിച്ച് അന്വേഷണം നടത്തിയില്ലെന്നും ഹരജിയില്‍ വ്യക്തമാക്കിയിരുന്നു. ആദ്യം അന്വേഷിച്ച ക്രൈംബ്രാഞ്ച് ഉദ്യോഗസ്ഥനെ പിന്നീട് ചുമതലയില്‍ നിന്ന് മാറ്റിയതിനെയും ഹരജിയില്‍ ചോദ്യം ചെയ്തിരുന്നു. അന്വേഷണച്ചുമതലയുണ്ടായിരുന്ന ഉദ്യോഗസ്ഥനെ മാറ്റിയത് അദ്ദേഹത്തിന്റെ ആവശ്യപ്രകാരമായിരുന്നുവെന്നും ഡി.വൈ.എസ്.പി കോടതിയെ ധരിപ്പിച്ചു.
സി.പി.എം മുന്‍ ലോക്കല്‍ കമ്മിറ്റിയംഗമായ എ.പീതാംബരനെ ആക്രമിച്ചതിലുള്ള വൈരാഗ്യമാണ് കൊലപാതകത്തിന് കാരണമായതെന്നും ക്രൈംബ്രാഞ്ച് റിപ്പോര്‍ട്ടില്‍ വ്യക്തമാക്കി. ശരത്‌ലാലിന്റെ നേതൃത്വത്തില്‍ ബസ് തടഞ്ഞപ്പോള്‍ പ്രശ്‌നത്തില്‍ ഇടപെട്ട പീതാംബരന് അക്രമത്തില്‍ പരിക്കേല്‍ക്കുകയായിരുന്നു. പിന്നീട് പീതാബരനും കൂട്ടാളികളും സ്വന്തം നിലയില്‍ കൊലപാതകം ആസൂത്രണം ചെയ്തുവെന്നാണ് കണ്ടെത്തിയിരിക്കുന്നത്. ഈ കേസില്‍ ഇതിനകം 150 സാക്ഷികളുടെ മൊഴിയാണ് രേഖപ്പെടുത്തിയത്.
ആയുധങ്ങളും രക്തം പുരണ്ട വസ്ത്രങ്ങളും ശാസ്ത്രീയ പരിശോധനക്ക് അയക്കുകയും ചെയ്തു. രണ്ടാം പ്രതി സജിയെ പൊലീസ് കസ്റ്റഡിയില്‍ നിന്ന് ആരും ബലമായി മോചിപ്പിച്ചിട്ടില്ലെന്നും സംഭവത്തിന് മുമ്പ് വി.പി.പി മുസ്തഫ നടത്തിയത് രാഷ്ട്രീയ പ്രസംഗം മാത്രമാണെന്നും ആരെയും വ്യക്തിപരമായി ഭീഷണിപെടുത്തുന്നില്ലെന്നും വിശദീകരണത്തില്‍ പറയുന്നു.



Recent News
  പുലിക്കുന്ന് ഇന്റര്‍ലോക്ക് റോഡ് ഉദ്ഘാടനം ചെയ്തു

  എന്‍ഡോസള്‍ഫാന്‍: ജില്ലാ കലക്ടറെ അനുകൂലിച്ച് കാര്‍ഷിക കോളേജ് കീടനാശിനി വകുപ്പ് മേധാവി; കലക്ടറെ മാറ്റണമെന്ന് പീഡിത ജനകീയമുന്നണി

  ബി.ജെ.പി. പ്രവേശനം തന്റെ രാഷ്ട്രീയ ജീവിതത്തിലെ പുനര്‍ജന്മം -അബ്ദുല്ലക്കുട്ടി

  കേസ് അവസാനിച്ചു; എല്ലാ കണ്ണുകളും ഇനി മഞ്ചേശ്വരം ഉപതിരഞ്ഞെടുപ്പിലേക്ക്

  നഗരസഭാ അംഗത്വം രാജിവെക്കാന്‍ അനുമതി തേടി കെ.എം. അബ്ദുല്‍ റഹ്മാന്‍ പാര്‍ട്ടിക്ക് കത്ത് നല്‍കി

  ബി.എ. മാഹിന്‍ അന്തരിച്ചു

  ഇന്തോനേഷ്യയില്‍ കുടുങ്ങിയവരുടെ മോചനത്തിനായി കേന്ദ്രമന്ത്രി വി.മുരളീധരന്‍ ഇടപെടുന്നു

  തനിച്ച് താമസിക്കുന്ന വീട്ടമ്മ ഷോക്കേറ്റ് മരിച്ച നിലയില്‍

  ഇന്തോനേഷ്യയില്‍ പിടിച്ചിട്ട കപ്പലില്‍ കുടുങ്ങിയ കുമ്പള, ഉപ്പള സ്വദേശികള്‍ കടുത്ത ദുരിതത്തില്‍

  വിവാദമല്ല ലക്ഷ്യം; ഞാന്‍ പഠിച്ച ശാസ്ത്രം തെറ്റാണെന്ന് പറയാനാവില്ല-കലക്ടര്‍

  മുസ്ലിം ലീഗ് എസ്.പി ഓഫീസ് മാര്‍ച്ചില്‍ പ്രതിഷേധം ഇരമ്പി; പൊലീസ് ജലപീരങ്കി പ്രയോഗിച്ചു

  നീറ്റ് എസ്.എസ്: ന്യൂറോളജിയില്‍ ഡോ. ഷമീമിന് മൂന്നാം റാങ്ക്

  ഓട്ടോഡ്രൈവര്‍ കുഴഞ്ഞുവീണുമരിച്ചു

  ക്ഷേത്രക്കവര്‍ച്ച; പ്രതി അറസ്റ്റില്‍

  ആസ്പത്രിയിലെത്തിയ യുവാവ് കുഴഞ്ഞുവീണു മരിച്ചു; പിന്നാലെ ഭാര്യാമാതാവും മരിച്ചു