updated on:2019-05-25 06:28 PM
ചെര്‍ക്കളയില്‍ യുവാവിനെ നെഞ്ചില്‍ കല്ലിട്ട് കൊലപ്പെടുത്തിയ കേസിന്റെ വിചാരണ തുടങ്ങി

www.utharadesam.com 2019-05-25 06:28 PM,
കാസര്‍കോട്: യുവാവിനെ നെഞ്ചില്‍ കല്ലിട്ട് കൊലപ്പെടുത്തിയ കേസിന്റെ വിചാരണ ജില്ലാ അഡീഷണല്‍ സെഷന്‍സ് (2) കോടതിയില്‍ ആരംഭിച്ചു. കര്‍ണ്ണാടക ബാഗല്‍കോട്ട തിമ്മസാഗരയിലെ ബൈരപ്പഗാജിയുടെ മകനും ചെര്‍ക്കളയില്‍ താമസക്കാരനുമായിരുന്ന രംഗപ്പഗാജി (27) കൊല്ലപ്പെട്ട കേസിന്റെ വിചാരണയാണ് ഇന്നലെ ആരംഭിച്ചത്.
കര്‍ണ്ണാടക രാമദുര്‍ഗ്ഗ മഹിപാലയിലെ അക്കണ്ടപ്പ (30), വിട്ടല (33) എന്നിവരാണ് കേസിലെ പ്രതികള്‍. 2017 ആഗസ്റ്റ് 6 നാണ് കേസിനാസ്പദമായ സംഭവം. ആഗസ്റ്റ് 9 നാണ് ചെര്‍ക്കള വി.കെ പാറയിലെ വിജനമായ സ്ഥലത്ത് അഴുകിയ നിലയില്‍ രംഗപ്പ ഗാജിയുടെ മൃതദേഹം കണ്ടെത്തിയിരുന്നത്.
മരണത്തില്‍ സംശയം തോന്നിയതിനെ തുടര്‍ന്ന് പരിയാരം മെഡിക്കല്‍ കോളേജില്‍ മൃതദേഹം വിദഗ്ധ പോസ്റ്റ് മോര്‍ട്ടത്തിന് വിധേയമാക്കിയപ്പോള്‍ കൊലപാതകമാണെന്ന് തെളിയുകയായിരുന്നു. നെഞ്ചിലേറ്റ മാരകമായ ക്ഷതമാണ് മരണകാരണമായതെന്നും കണ്ടെത്തി. വിദ്യാനഗര്‍ പൊലീസ് കൊലക്കുറ്റത്തിന് കേസെടുക്കുകയും അന്നത്തെ സി.ഐ ബാബു പെരിങ്ങേത്തിന്റെ നേതൃത്വത്തില്‍ അന്വേഷണം നടത്തുകയും ചെയ്തതോടെ പ്രതികളെ കണ്ടെത്തി അറസ്റ്റ് ചെയ്യുകയായിരുന്നു. കടം കൊടുത്ത പണം തിരികെ ചോദിച്ചപ്പോഴുണ്ടായ വാക്കുതര്‍ക്കത്തിനിടെ രംഗപ്പഗാജിയെ നെഞ്ചില്‍ കല്ലിട്ട് കൊലപ്പെടുത്തുകയായിരുന്നുവെന്ന് പ്രതികള്‍ പൊലീസിന് മൊഴിനല്‍കി. തുടര്‍ന്ന് പൊലീസ് അന്വേഷണം പൂര്‍ത്തിയാക്കിയ ശേഷം കോടതിയില്‍ കുറ്റപത്രം സമര്‍പ്പിക്കുകയായിരുന്നു.
കേസില്‍ 27 സാക്ഷികളാണുള്ളത്.



Recent News
  കാഞ്ഞങ്ങാട്ട് വീണ്ടും കവര്‍ച്ച; നിര്‍ത്തിയിട്ട ഓട്ടോയില്‍ നിന്ന് ഡ്രൈവറുടെ സീറ്റ് പൊളിച്ചെടുത്തു കൊണ്ടുപോയി

  ദിനേശ് മഠപ്പുര അന്തരിച്ചു

  കൊട്ട്യാടിയില്‍ ബസും ഓട്ടോയും കൂട്ടിയിടിച്ച് ഒരു കുടുംബത്തിലെ നാലു പേര്‍ക്ക് പരിക്ക്

  ബുള്ളറ്റിലെത്തിയ സംഘത്തിന്റെ കല്ലേറില്‍ കെ.എസ്.ആര്‍.ടി.സി ബസിന്റെ ഗ്ലാസ് തകര്‍ന്നു

  തുരങ്കത്തില്‍ കുരുങ്ങിയ പോത്തിനെ ഫയര്‍ഫോഴ്‌സ് സംഘം സാഹസികമായി രക്ഷപ്പെടുത്തി

  കാതുകളിലൂടെ പരന്നൊഴുകി തീവണ്ടിപ്പാട്ടുകൂട്ട്

  വലയില്‍ കുടുങ്ങി മരണത്തോടടുത്ത കടലാമയ്ക്ക് യുവാക്കള്‍ നല്‍കിയത് പുതുജീവന്‍

  വര്‍ഗീയത തുടച്ചുമാറ്റാന്‍ സാംസ്‌കാരികാവബോധത്തിന് ഊന്നല്‍ നല്‍കണം-മന്ത്രി കടന്നപ്പള്ളി

  പൊലീസ് കസ്റ്റഡിയില്‍ തുരുമ്പെടുക്കുന്ന വാഹനങ്ങളില്‍ കൊതുകുകള്‍ പെരുകുന്നു

  ശാപമോക്ഷം കാത്ത് ബദിയടുക്ക ടൗണ്‍ ഹാള്‍ കെട്ടിടം

  ഓട്ടോയിടിച്ച് ജനറല്‍ ആസ്പത്രി സെക്യൂരിറ്റി ജീവനക്കാരന് പരിക്ക്

  മര ഉരുപ്പടികള്‍ തീവെച്ച് നശിപ്പിച്ച നിലയില്‍

  മദ്രസാ പ്രവേശനോത്സവത്തിനിടെ ജമാഅത്ത് പ്രസിഡണ്ട് കുഴഞ്ഞുവീണ് മരിച്ചു

  ഭീതി ഒഴിയുന്നില്ല; വീണ്ടും ചുമര്‍ തുരന്നു, കാഞ്ഞങ്ങാട്ട് നാല് കടകളില്‍ കവര്‍ച്ച

  മരം വീണ് 15 ഓളം ഇലക്ട്രിക് പോസ്റ്റുകള്‍ തകര്‍ന്നു; പോസ്റ്റുകള്‍ നിര്‍മ്മിച്ചത് നേര്‍ത്ത കമ്പികൊണ്ട്