updated on:2019-06-11 07:40 PM
തീവണ്ടിയാത്രയ്ക്കിടെ യുവതിയെ അപമാനിച്ച യുവാവിനെ കണ്ടെത്താന്‍ അന്വേഷണം വ്യാപിപ്പിച്ചു

www.utharadesam.com 2019-06-11 07:40 PM,
കാസര്‍കോട്: തീവണ്ടി യാത്രയ്ക്കിടെ യുവതിയെ അശ്ലീല ചേഷ്ടകള്‍ കാണിച്ച് അപമാനിച്ച സംഭവത്തില്‍ അന്വേഷണം വ്യാപിപ്പിച്ചു. മംഗളൂരു റെയില്‍വേ സംരക്ഷണസേനയാണ് അന്വേഷണം നടത്തുന്നത്. ജൂണ്‍ 2ന് കണ്ണൂരില്‍ നിന്ന് ചെന്നൈ മെയിലില്‍ കയറിയ യുവതിക്കാണ് ദുരനുഭവമുണ്ടായത്. ആള്‍തിരക്കില്ലാത്ത കമ്പാര്‍ട്ടുമെന്റില്‍ യാത്രചെയ്യുന്നതിനിടെ കാസര്‍കോടിനും മംഗളൂരുവിനും ഇടയില്‍ ഒരു യുവാവ് അപമര്യാദയായി പെരുമാറുകയായിരുന്നു. ഈ ദൃശ്യം യുവതി തന്നെ വീഡിയോയില്‍ ചിത്രീകരിക്കുകയും സുഹൃത്തിന് വാട്‌സ് ആപ്പിലൂടെ കൈമാറുകയും ചെയ്തു. സുഹൃത്ത് വീഡിയോ സഹിതം ട്വിറ്ററിലിട്ടതോടെയാണ് സംഭവം പുറം ലോകം അറിഞ്ഞത്. ഈ വീഡിയോ കേന്ദ്ര റെയില്‍വേ മന്ത്രിയുടെ ശ്രദ്ധയില്‍ പെടുത്തുകയും ചെയ്തു. സംഭവത്തെ കുറിച്ച് അന്വേഷണം നടത്താന്‍ മന്ത്രിയുടെ ഓഫീസ് ദക്ഷിണമേഖല റെയില്‍വേ അധികൃതര്‍ക്ക് നിര്‍ദ്ദേശം നല്‍കുകയായിരുന്നു. യുവതിയാത്ര ചെയ്ത ദിവസത്തെ മംഗളൂരു റെയില്‍വേ സ്റ്റേഷനിലെ 53 സി.സി.ടി.വി ദൃശ്യങ്ങള്‍ പരിശോധിച്ച റെയില്‍വേ സംരക്ഷണസേന വീഡിയോയിലെ യുവാവ് തീവണ്ടിയിറങ്ങുന്നതും യുവതിയെ നിരീക്ഷിക്കുന്നതും തുടര്‍ന്ന് വേഗത്തില്‍ സ്റ്റേഷന്‍ വിടുന്നതും കണ്ടെത്തി. അതേ സമയം രേഖാമൂലമുള്ള പരാതി ലഭിക്കാത്തതിനാല്‍ കേസെടുത്തിട്ടില്ലെന്ന് ആര്‍.പി.എഫ് പറഞ്ഞു.



Recent News
  സ്വര്‍ണവില കുതിച്ചുയരുന്നു

  കോളേജില്‍ നിന്ന് ടി.സി.നല്‍കി പറഞ്ഞുവിട്ട ഡിഗ്രി വിദ്യാര്‍ത്ഥി തൂങ്ങിമരിച്ച നിലയില്‍

  പുതിയ ബസ്സ്റ്റാന്റില്‍ ഗാന്ധി സ്‌ക്വയര്‍ മാതൃകയില്‍ പദ്ധതി തയ്യാറാക്കുന്നു

  ഗോവയില്‍ നിന്ന് കാസര്‍കോട്ടേക്ക് രാസപദാര്‍ത്ഥം കലര്‍ത്തിയ മത്സ്യം ഒഴുകുന്നു

  കാലവര്‍ഷം കനത്തതോടെ ജില്ലയില്‍ വ്യാപകമായി റോഡുകള്‍ തകര്‍ന്നു; അപകടങ്ങള്‍ പതിവാകുന്നു

  ലളിത കലാസദനം വീണ്ടും ഉണര്‍ന്നു; റബ്ഡി കാണാന്‍ നിരവധി പേരെത്തി

  തെരുവത്ത് ഹാഷിം സ്ട്രീറ്റ് ഹൊസമനക്കാടിലെ റോഡില്‍ കൈയെത്തും ദൂരത്ത് വൈദ്യുതി കമ്പികള്‍

  ജാനകി വധക്കേസിന്റെ വിചാരണ ആഗസ്റ്റ് 8ന് ആരംഭിക്കും

  എ.എം ദാമോദരന്‍ നായര്‍ അന്തരിച്ചു

  ഫോണ്‍ വഴി മദ്യവില്‍പ്പന; യുവാവ് അറസ്റ്റില്‍

  കര്‍ണാടക നിര്‍മ്മിത മദ്യവുമായി രണ്ടുപേര്‍ അറസ്റ്റില്‍

  അഞ്ചു വയസ്സുകാരന്റെ മരണം മുറിയനാവിയെ ദുഃഖസാന്ദ്രമാക്കി

  എച്ച്.എ മുഹമ്മദ് മാസ്റ്റര്‍ അന്തരിച്ചു

  ആംബുലന്‍സ് ലഭിക്കാത്തതിനാല്‍ ചികിത്സ വൈകി; ജോലിക്കിടെ ഷോക്കേറ്റ യുവാവ് മരിച്ചു

  കലക്ടറേറ്റില്‍ യോഗ ദിനാചരണം നടത്തി