updated on:2015-12-15 08:31 PM
ധോനിയെ പുണെ സ്വന്തമാക്കി: റെയ്‌ന രാജ്‌കോട്ടിന്‌

www.utharadesam.com 2015-12-15 08:31 PM,
മുംബൈ: ഇന്ത്യന്‍ പ്രീമിയര്‍ ലീഗിലേക്ക്‌ എത്തിയ പുതിയ ടീമുകളിലേക്കുള്ള താര തിരഞ്ഞെടുപ്പില്‍ പൂണെ ടീം മഹേന്ദ്ര സിങ് ധോനിയെ സ്വന്തമാക്കി. 12.5 കോടി രൂപയ്ക്കാണ് പൂണെ ധോനിയെ സ്വന്തമാക്കിയത്. രണ്ടാം അവസരം ലഭിച്ച രാജ്‌കോട്ട് സുരേഷ് റെയ്‌നയെ ഇതേ തുകക്ക് സ്വന്തമാക്കി.
ധോനിയെക്കൂടാതെ അജിന്‍ക്യ രഹാനെ, രവിചന്ദ്ര അശ്വിന്‍, ഡൂപ്ലസി, സ്റ്റീവ് സ്മിത്ത് എന്നിവരെയാണ് പൂണെ സ്വന്തമാക്കിയത്. മറുവശത്ത് സുരേഷ് റെയ്‌നയെക്കൂടാതെ രവീന്ദ്ര ജഡേജ, ബ്രണ്ടന്‍ മക്കല്ലം, ജെയിംസ് ഫോക്‌നര്‍, ഡ്വയ്ന്‍ ബ്രാവോ, എന്നിവരെ രാജ്‌കോട്ടും ലേലം വിളിച്ചെടുത്തു.
ആദ്യ റൗണ്ടില്‍ സ്വന്തമാക്കുന്ന താരങ്ങള്‍ക്ക് 12.5 കോടിയും രണ്ടാം റൗണ്ടില്‍ 9.5 കോടി രൂപയും മൂന്ന് നാല് അഞ്ച് റൗണ്ടുകളില്‍ യഥാക്രമം 7.5 കോടി, 5.5 കോടി, 4 കോടി എന്നിങ്ങനെയായിരുന്നു ലേല ക്രമം. രാജ്യാന്തര തലത്തില്‍ കളിക്കാന്‍ സാധിച്ചിട്ടില്ലാത്ത കളിക്കാരെ അവസാന റൗണ്ടിലാണ് ഉള്‍പ്പെടുത്തിയിട്ടുള്ളത്. അതായത് 4 കോടി രൂപയുടെ ലേലത്തില്‍.
മഹേന്ദ്ര സിങ് ധോനിക്കായി പൂണെ 12.5 കോടി രൂപയും അജിന്‍ക്യ രഹാനെക്ക് 9.5 കോടി രൂപയും അശ്വിന് 7.5 കോടി രൂപയും സ്റ്റീവ് സ്മിത്തിന് 5.5 കോടി രൂപയും ഡൂപ്ലസിക്ക് നാല് കോടിയുമാണ് ചിലവാക്കിയത്‌.
അതേസമയം, പൂണെ സുരേഷ് റെയ്‌നക്ക് 12.5 കോടി രൂപയും രവീന്ദ്ര ജഡേജക്ക് 9.5 കോടി രൂപയും മക്കല്ലത്തിന് 7.5 കോടി രൂപയും ജെയിംസ് ഫോക്‌നറിന് 5.5 കോടി രൂപയും ബ്രാവോക്ക് 4 കോടിയും മുടക്കി. ആദ്യ റൗണ്ടില്‍ 50 താരങ്ങളാണ് ലേലത്തിനുണ്ടായിരുന്നത്. ഇതില്‍ ഇരു ടീമുകളും അഞ്ചു വീതം താരങ്ങളെ സ്വന്തമാക്കി. ബാക്കിയുള്ള താരങ്ങളെ ഫിബ്രവരിയില്‍ നടക്കുന്ന ലേലത്തിലായിരിക്കും പരിഗണിക്കുക. ടീമുകള്‍ ഒഴിവാക്കുന്ന താരങ്ങളെ ലേലം വിളിച്ചെടുക്കാന്‍ ഡിസംബര്‍ 15 മുതല്‍ 31 വരെ ടീമുകള്‍ സമയം അനുവദിച്ചിട്ടുണ്ട്.
വിവാദങ്ങളെ തുടര്‍ന്ന് ലീഗില്‍ നിന്ന് ഒഴിവാക്കിയ ചെന്നൈ സൂപ്പര്‍ കിംഗ്‌സ് രാജസ്ഥാന്‍ റോയല്‍സ് എന്നീ ടീമുകള്‍ക്ക് പകരമായാണ് പുതിയ ടീമുകളായ പൂണെയും രാജ്‌കോട്ടും എത്തിയിരിക്കുന്നത്.



Recent News
  ജില്ലാ ഫുട്‌ബോള്‍ അസോസിയേഷന്‍: വീരമണി പ്രസി, റഫീഖ് സെക്ര.

  പാക്കിസ്താനെതിരെ ഇന്ത്യക്ക് 89 റണ്‍സ് ജയം

  ലോകകപ്പ് ക്രിക്കറ്റിന്റെ ആവേശം ചോര്‍ത്തി മഴ

  ഓസ്‌ട്രേലിയക്കെതിരെ ഇന്ത്യക്ക് ജയം

  ലോകകപ്പ് ക്രിക്കറ്റിന് ഇന്ന് തുടക്കം

  അണ്ടര്‍-23 ഇന്റര്‍സോണ്‍ ക്രിക്കറ്റിന് കെ.സി.എ സ്റ്റേഡിയത്തില്‍ തുടക്കമായി

  പ്രൊ-ഇന്ത്യന്‍ കബഡി; തെലുങ്ക് ടൈറ്റാന്‍ ടീം ഒരുങ്ങുന്നത് കാസര്‍കോട്ട്

  അണ്ടര്‍-23 ക്രിക്കറ്റ് ടീമിനെ അഭിജിത് നയിക്കും

  നാടകാന്തം ചെന്നൈ വീണു; ഐ.പി.എല്‍ കിരീടം മുംബൈക്ക്

  ബാഡ്മിന്റണ്‍ താരം സാറാ സിറാജിനെ ചേംബര്‍ ഓഫ് കൊമേഴ്‌സ് അനുമോദിച്ചു

  അത്രെയാ ഉത്ഭവ തൃശൂരിനെ തകര്‍ത്ത് റെഡ് ഫ്‌ളവേര്‍സ് ബി കെ 55 കണ്ണൂര്‍ ജേതാക്കള്‍

  ഫൈനല്‍ ഇന്ന് രാത്രി 7 മണിക്ക് ആവേശമായി അഖിലേന്ത്യാ ട്വന്റി 20 ടൂര്‍ണമെന്റ്

  റെഡ് ഫ്‌ളവേര്‍സ് ടി-20 സാങ്കോസ് കപ്പ്; അത്രയാ ഉത്ഭവ് തൃശൂരും സ്‌പോര്‍ട്ടിംഗ് ചട്ടഞ്ചാലും സെമിഫൈനലില്‍

  റെഡ് ഫ്‌ളവേര്‍സ് ടി-20 സാങ്കോസ് കപ്പ് അഖിലേന്ത്യാ ഡേ നൈറ്റ് ക്രിക്കറ്റ് ടൂര്‍ണ്ണമെന്റിന് ഉജ്ജ്വല തുടക്കം

  ജില്ലാ ക്രിക്കറ്റ് അസോസിയേഷന്റെ അഖിലേന്ത്യാ ക്രിക്കറ്റ് ടൂര്‍ണമെന്റ് ഏപ്രില്‍ 26 മുതല്‍