updated on:2016-02-05 01:45 PM
സന്തോഷ് ട്രോഫിക്കുള്ള കേരള ടീമായി; ഷിബിന്‍ലാല്‍ നായകന്‍

www.utharadesam.com 2016-02-05 01:45 PM,
കൊച്ചി: സപ്തതിയിലെത്തിയ സന്തോഷ് ട്രോഫി ദേശീയ ഫുട്‌ബോള്‍ ചാമ്പ്യന്‍ഷിപ്പില്‍ പരിചയ സമ്പന്നതയ്ക്ക് മുന്‍തൂക്കം നല്‍കി കേരള ടീം. എസ്ബിടി താരം ഷിബിന്‍ലാലാണ് നായകന്‍. നാരായണ മേനോനാണ് പരിശീലനത്തിന്റെ ചുമതല. ചെന്നൈയില്‍ ഈ മാസം ഒമ്പതു മുതല്‍ 14 വരെയാണ് പ്രാഥമിക റൗണ്ട് മത്സരങ്ങള്‍. ടീമില്‍ പുതുമുഖങ്ങള്‍ക്ക് കാര്യമായ അവസരം ലഭിച്ചിട്ടില്ല. നാലു പേരൊഴിച്ച് ബാക്കിയെല്ലാവരും നേരത്തെ ദേശീയ ഫുട്‌ബോള്‍ ടൂര്‍ണമെന്റില്‍ കളിച്ചിട്ടുള്ളവരാണ്.
20 അംഗ ടീമില്‍ സെന്‍ട്രല്‍ എക്‌സൈസ് താരം മുഹമ്മദ് റാഫി, നാഷണല്‍ സ്‌പോര്‍ട്‌സ് ക്ലബ് താരം പ്രവീണ്‍ കുമാര്‍, ഭാരത് എഫ്‌സിയുടെ ഷഹിന്‍ലാല്‍, കെഎസ്ഇബിയുടെ എസ്. ഹജ്മല്‍, എന്നീ നാലുപേര്‍ മാത്രമാണ് ആദ്യമായി സന്തോഷ് ട്രോഫിക്കായി ബൂട്ട് കെട്ടുന്നത്. പരിശീലനത്തിന് ഏതാനും ദിവസങ്ങള്‍ മാത്രമാണ് ടീമിനു ലഭിച്ചതെന്ന് കോച്ച് നാരായണ മേനോന്‍ പറഞ്ഞു. ഏത് പൊസിഷനിലും കളിക്കാന്‍ കഴിയുന്ന ഏതാനും താരങ്ങള്‍ ടീമിലുള്ളത് ആത്മവിശ്വാസം ഉയര്‍ത്തുന്നതായും നല്ല കാലിബറും ടാലന്റും ഉള്ള കുട്ടികളാണെന്നും നാരായണ മേനോന്‍ വ്യക്തമാക്കി. രണ്ടു ഗ്രൂപ്പുകളായാണ് പ്രാഥമിക മത്സരം. ഗ്രൂപ്പ് എയിലാണ് കേരളം. തെലുങ്കാനയും ആന്‍ഡമാനുമായാണ് കേരളത്തിന്റെ ആദ്യ മത്സരങ്ങള്‍. ചെന്നൈയില്‍ നടക്കുന്ന അവസാന യോഗ്യതാ മത്സരത്തില്‍ ശക്തരും ആതിഥേയരുമായ തമിഴ്‌നാടിനെയാണ് നേരിടേണ്ടി വരുന്നത്. ഗ്രൂപ്പ് ജേതാക്കളാണ് അടുത്ത ഘട്ടത്തിലേക്കു യോഗ്യത നേടുക. തമിഴ്‌നാടിനെ അവരുടെ നാട്ടില്‍ പോയി നേരിടുക അല്‍പ്പം ബുദ്ധിമുട്ടാണെന്ന് ക്യാപ്റ്റന്‍ ഷിബിന്‍ലാല്‍ പറഞ്ഞു.



Recent News
  പാക്കിസ്താനെതിരെ ഇന്ത്യക്ക് 89 റണ്‍സ് ജയം

  ലോകകപ്പ് ക്രിക്കറ്റിന്റെ ആവേശം ചോര്‍ത്തി മഴ

  ഓസ്‌ട്രേലിയക്കെതിരെ ഇന്ത്യക്ക് ജയം

  ലോകകപ്പ് ക്രിക്കറ്റിന് ഇന്ന് തുടക്കം

  അണ്ടര്‍-23 ഇന്റര്‍സോണ്‍ ക്രിക്കറ്റിന് കെ.സി.എ സ്റ്റേഡിയത്തില്‍ തുടക്കമായി

  പ്രൊ-ഇന്ത്യന്‍ കബഡി; തെലുങ്ക് ടൈറ്റാന്‍ ടീം ഒരുങ്ങുന്നത് കാസര്‍കോട്ട്

  അണ്ടര്‍-23 ക്രിക്കറ്റ് ടീമിനെ അഭിജിത് നയിക്കും

  നാടകാന്തം ചെന്നൈ വീണു; ഐ.പി.എല്‍ കിരീടം മുംബൈക്ക്

  ബാഡ്മിന്റണ്‍ താരം സാറാ സിറാജിനെ ചേംബര്‍ ഓഫ് കൊമേഴ്‌സ് അനുമോദിച്ചു

  അത്രെയാ ഉത്ഭവ തൃശൂരിനെ തകര്‍ത്ത് റെഡ് ഫ്‌ളവേര്‍സ് ബി കെ 55 കണ്ണൂര്‍ ജേതാക്കള്‍

  ഫൈനല്‍ ഇന്ന് രാത്രി 7 മണിക്ക് ആവേശമായി അഖിലേന്ത്യാ ട്വന്റി 20 ടൂര്‍ണമെന്റ്

  റെഡ് ഫ്‌ളവേര്‍സ് ടി-20 സാങ്കോസ് കപ്പ്; അത്രയാ ഉത്ഭവ് തൃശൂരും സ്‌പോര്‍ട്ടിംഗ് ചട്ടഞ്ചാലും സെമിഫൈനലില്‍

  റെഡ് ഫ്‌ളവേര്‍സ് ടി-20 സാങ്കോസ് കപ്പ് അഖിലേന്ത്യാ ഡേ നൈറ്റ് ക്രിക്കറ്റ് ടൂര്‍ണ്ണമെന്റിന് ഉജ്ജ്വല തുടക്കം

  ജില്ലാ ക്രിക്കറ്റ് അസോസിയേഷന്റെ അഖിലേന്ത്യാ ക്രിക്കറ്റ് ടൂര്‍ണമെന്റ് ഏപ്രില്‍ 26 മുതല്‍

  ജില്ലാ സീനിയര്‍ ഡിവിഷന്‍ ലീഗ് ഫുട്‌ബോള്‍: എം.എസ്.സി മൊഗ്രാലിന് ഹാട്രിക്ക് നേട്ടം