updated on:2016-02-25 02:29 PM
ഏഷ്യാ കപ്പ്: രോഹിത് നയിച്ചു, ഇന്ത്യ ജയിച്ചു

www.utharadesam.com 2016-02-25 02:29 PM,
ധാക്ക: ഏഷ്യാ കപ്പ് ട്വന്റി-20യില്‍ ഇന്ത്യ ജയിച്ചു തുടങ്ങി. ഉദ്ഘാടന മത്സരത്തില്‍ ബംഗ്ലാദേശിനെ 45 റണ്‍സിന് ഇന്ത്യ പരാജയപ്പെടുത്തി. ആദ്യം ബാറ്റു ചെയ്ത ഇന്ത്യ നാലു വിക്കറ്റ് നഷ്ടത്തില്‍ 166 റണ്‍സെടുത്തപ്പോള്‍ മറുപടിയായി ബംഗ്ലകള്‍ക്ക് ഏഴു വിക്കറ്റ് നഷ്ടപ്പെടുത്തി 121 റണ്‍സ് നേടാനെ കഴിഞ്ഞുള്ളു. ഇന്ത്യയെ ചെറിയ സ്‌കോറിനൊതുക്കി വിജയ സ്വപ്നവുമായി ഇറങ്ങിയ ബംഗ്ലാ കടുവകള്‍ക്കും ബാറ്റിംഗില്‍ ക്ലച്ചുപിടിച്ചില്ല. ബംഗ്ലാ നിരയില്‍ 32 പന്തില്‍ 44 റണ്‍സെടുത്ത സാബിര്‍ റഹ്മാന്‍ മാത്രമാണ് പൊരുതിയത്. തകര്‍ച്ചയോടെ തുടങ്ങിയ അയല്‍വാസികള്‍ക്ക് സാബിര്‍ ക്രീസിലുണ്ടായിരുന്ന സമയത്തോളം വിജയ പ്രതീക്ഷയുണ്ടായിരുന്നു. എന്നാല്‍ പാണ്ഡിയയുടെ പന്തില്‍ കൂറ്റനടിക്കു ശ്രമിച്ച് സാബിര്‍ പുറത്തായതോടെ ആതിഥേയര്‍ കളി കൈവിട്ടു. ഇന്ത്യക്കു വേണ്ടി ആശിഷ് നെഹ്‌റ മൂന്നും ജസ്പ്രീത് ബുംറ, ഹര്‍ദിക് പാണ്ഡ്യ, അശ്വിന്‍ എന്നിവര്‍ ഓരോ വിക്കറ്റും നേടി.
രോഹിത് ശര്‍മയുടെ (83) അര്‍ധ സെഞ്ചുറിയാണ് ഇന്ത്യയെ ഭേദപ്പെട്ട സ്‌കോറിലെത്തിച്ചത്. 54 ബോളില്‍ നിന്ന് മൂന്നു സിക്‌സും ഏഴു ഫോറും പായിച്ചാണ് രോഹിത് ഇന്ത്യയുടെ മാനംകാത്തത്. രണ്ടാം ഓവറില്‍ തന്നെ വിക്കറ്റ് നഷ്ടപ്പെട്ടതോടെ ഇന്ത്യ മെല്ലപ്പോക്കു നയമാണ് സ്വീകരിച്ചത്. രണ്ടു റണ്‍സുമായി ഓപ്പണര്‍ ധവാനാണ് ക്രീസില്‍ നിന്ന് ആദ്യം കൂടാരത്തിലെത്തിയത്. പിന്നാലെയെത്തിയ വൈസ് ക്യാപ്റ്റന്‍ കോഹ്‌ലിക്കും (8) കാര്യമായൊന്നും ചെയ്യാനായില്ല. സുരേഷ് റെയ്‌നയും (13) യുവരാജ് സിംഗും (15) നിരാശപ്പെടുത്തിയപ്പോള്‍ ഹാര്‍ദിക് പാണ്ഡ്യയുടെ വെടിക്കെട്ട് ആശ്വാസമായി. പാണ്ഡ്യ 18 പന്തില്‍ നിന്ന് 31 റണ്‍സെടുത്തു.
സ്‌കോര്‍: ഇന്ത്യ- 20 ഓവറില്‍ ആറ് വിക്കറ്റിന് 166 റണ്‍സ്, ബംഗ്ലാദേശ്- 20 ഓവറില്‍ ഏഴിന് 121. രോഹിത് ശര്‍മയാണ് മാന്‍ ഓഫ് ദ മാച്ച്.



Recent News
  ജില്ലാ ഫുട്‌ബോള്‍ അസോസിയേഷന്‍: വീരമണി പ്രസി, റഫീഖ് സെക്ര.

  പാക്കിസ്താനെതിരെ ഇന്ത്യക്ക് 89 റണ്‍സ് ജയം

  ലോകകപ്പ് ക്രിക്കറ്റിന്റെ ആവേശം ചോര്‍ത്തി മഴ

  ഓസ്‌ട്രേലിയക്കെതിരെ ഇന്ത്യക്ക് ജയം

  ലോകകപ്പ് ക്രിക്കറ്റിന് ഇന്ന് തുടക്കം

  അണ്ടര്‍-23 ഇന്റര്‍സോണ്‍ ക്രിക്കറ്റിന് കെ.സി.എ സ്റ്റേഡിയത്തില്‍ തുടക്കമായി

  പ്രൊ-ഇന്ത്യന്‍ കബഡി; തെലുങ്ക് ടൈറ്റാന്‍ ടീം ഒരുങ്ങുന്നത് കാസര്‍കോട്ട്

  അണ്ടര്‍-23 ക്രിക്കറ്റ് ടീമിനെ അഭിജിത് നയിക്കും

  നാടകാന്തം ചെന്നൈ വീണു; ഐ.പി.എല്‍ കിരീടം മുംബൈക്ക്

  ബാഡ്മിന്റണ്‍ താരം സാറാ സിറാജിനെ ചേംബര്‍ ഓഫ് കൊമേഴ്‌സ് അനുമോദിച്ചു

  അത്രെയാ ഉത്ഭവ തൃശൂരിനെ തകര്‍ത്ത് റെഡ് ഫ്‌ളവേര്‍സ് ബി കെ 55 കണ്ണൂര്‍ ജേതാക്കള്‍

  ഫൈനല്‍ ഇന്ന് രാത്രി 7 മണിക്ക് ആവേശമായി അഖിലേന്ത്യാ ട്വന്റി 20 ടൂര്‍ണമെന്റ്

  റെഡ് ഫ്‌ളവേര്‍സ് ടി-20 സാങ്കോസ് കപ്പ്; അത്രയാ ഉത്ഭവ് തൃശൂരും സ്‌പോര്‍ട്ടിംഗ് ചട്ടഞ്ചാലും സെമിഫൈനലില്‍

  റെഡ് ഫ്‌ളവേര്‍സ് ടി-20 സാങ്കോസ് കപ്പ് അഖിലേന്ത്യാ ഡേ നൈറ്റ് ക്രിക്കറ്റ് ടൂര്‍ണ്ണമെന്റിന് ഉജ്ജ്വല തുടക്കം

  ജില്ലാ ക്രിക്കറ്റ് അസോസിയേഷന്റെ അഖിലേന്ത്യാ ക്രിക്കറ്റ് ടൂര്‍ണമെന്റ് ഏപ്രില്‍ 26 മുതല്‍