updated on:2016-02-26 01:33 PM
രഞ്ജി ട്രോഫി: ശ്രേയസ് അയ്യര്‍ക്കു സെഞ്ചുറി, മുംബൈക്കു ലീഡ്

www.utharadesam.com 2016-02-26 01:33 PM,
പൂന: ശ്രേയസ് അയ്യരുടെ സെഞ്ചുറിയുടെ മികവില്‍ രഞ്ജി ട്രോഫി ഫൈനലില്‍ മുംബൈക്ക് ഒന്നാം ഇന്നിംഗ്‌സ് ലീഡ്. സൗരാഷ്ട്രയുടെ ഒന്നാം ഇന്നിംഗ്‌സ് സ്‌കോറായ 235ന് മറുപടി നല്‍കാനിറങ്ങിയ മുംബൈ രണ്ടാം ദിനം കളി അവസാനിപ്പിക്കുമ്പോള്‍ എട്ടു വിക്കറ്റിന് 262 റണ്‍സ് എന്ന നിലയിലാണ്. 9 റണ്‍സുമായി ഇഖ്ബാല്‍ അബ്ദുള്ളയും 22 റണ്‍സുമായി സിദ്ദേഷ് ലാഡുമാണ് ക്രീസില്‍. രണ്ടു വിക്കറ്റ് ബാക്കിനില്‍ക്കേ മുംബൈക്ക് 27 റണ്‍സ് ലീഡുണ്ട്.
എട്ടു വിക്കറ്റിന് 192 എന്ന നിലയില്‍ രണ്ടാം ദിനം ബാറ്റിംഗ് പുനരാരംഭിച്ച സൗരാഷ്ട്ര 235ന് എല്ലാവരും പുറത്തായി. അഞ്ചു വിക്കറ്റ് വീഴ്ത്തിയ ധവാല്‍ കുല്‍ക്കര്‍ണിയുടെ പ്രകടനമാണു സൗരാഷ്ട്ര ബാറ്റിംഗിന്റെ നട്ടെല്ലൊടിച്ചത്. ഷര്‍ദുള്‍ ഠാക്കൂര്‍ മൂന്നു വിക്കറ്റ് വീഴ്ത്തി കുല്‍ക്കര്‍ണിക്കു മികച്ച പിന്തുണ നല്‍കി. ഒരു ഘട്ടത്തില്‍ ഏഴു വിക്കറ്റിന് 108 റണ്‍സുമായി ദയനീയ നിലയിലായിരുന്നു സൗരാഷ്ട്ര. അര്‍പിത്(77), തുടക്കക്കാരന്‍ പ്രേരക് മങ്കാദ്(66) എന്നിവരുടെ മികച്ച ബാറ്റിംഗാണ് അല്‍പം ആശ്വാസമായത്.
മറുപടി ബാറ്റിംഗിനിറങ്ങിയ മുംബൈക്ക് അക്കൗണ്ട് തുറക്കും മുമ്പ് ഓപ്പണര്‍ അഖില്‍ ഹെര്‍വാദ്കറെ നഷ്ടമായി. സ്‌കോര്‍ 23ല്‍ മറ്റൊരു ഓപ്പണര്‍ ബവിന്‍ താക്കൂറും പവലിയനില്‍ തിരിച്ചെത്തി. എന്നാല്‍ മൂന്നം വിക്കറ്റില്‍ ഒന്നിച്ച ശ്രേയസ് അയ്യരും സൂര്യകുമാര്‍ യാദവും ചേര്‍ന്ന് മുംബൈ ബാറ്റിംഗിനെ മുന്നോട്ടുനയിച്ചു. ഇരുവരും ചേര്‍ന്ന് മൂന്നാം വിക്കറ്റില്‍ 152 റണ്‍സ് കൂട്ടിച്ചേര്‍ത്തു. ഇതിനിടെ അയ്യര്‍ സെഞ്ചുറിയും തികച്ചു. 142 പന്തില്‍നിന്നു 15 ബൗണ്ടറികളുടെയും രണ്ടു സിക്‌സറിന്റെയും അകമ്പടിയോടെയായിരുന്നു ശ്രേയസിന്റെ 117 റണ്‍സ്. യാദവ് 48 റണ്‍സ് നേടി. ശ്രേയസ് പുറത്തായതിനു പിന്നാലെ മുംബൈ ബാറ്റിംഗ് വീണ്ടും തകര്‍ന്നു. സൗരാഷ്ട്രയ്ക്കായി ഹാര്‍ദിക് റാത്തോഡ് മൂന്നു വിക്കറ്റും ഉനാദ്ഘട്ട്, ജനി എന്നിവര്‍ രണ്ടു വിക്കറ്റും നേടി.



Recent News
  ജില്ലാ ഫുട്‌ബോള്‍ അസോസിയേഷന്‍: വീരമണി പ്രസി, റഫീഖ് സെക്ര.

  പാക്കിസ്താനെതിരെ ഇന്ത്യക്ക് 89 റണ്‍സ് ജയം

  ലോകകപ്പ് ക്രിക്കറ്റിന്റെ ആവേശം ചോര്‍ത്തി മഴ

  ഓസ്‌ട്രേലിയക്കെതിരെ ഇന്ത്യക്ക് ജയം

  ലോകകപ്പ് ക്രിക്കറ്റിന് ഇന്ന് തുടക്കം

  അണ്ടര്‍-23 ഇന്റര്‍സോണ്‍ ക്രിക്കറ്റിന് കെ.സി.എ സ്റ്റേഡിയത്തില്‍ തുടക്കമായി

  പ്രൊ-ഇന്ത്യന്‍ കബഡി; തെലുങ്ക് ടൈറ്റാന്‍ ടീം ഒരുങ്ങുന്നത് കാസര്‍കോട്ട്

  അണ്ടര്‍-23 ക്രിക്കറ്റ് ടീമിനെ അഭിജിത് നയിക്കും

  നാടകാന്തം ചെന്നൈ വീണു; ഐ.പി.എല്‍ കിരീടം മുംബൈക്ക്

  ബാഡ്മിന്റണ്‍ താരം സാറാ സിറാജിനെ ചേംബര്‍ ഓഫ് കൊമേഴ്‌സ് അനുമോദിച്ചു

  അത്രെയാ ഉത്ഭവ തൃശൂരിനെ തകര്‍ത്ത് റെഡ് ഫ്‌ളവേര്‍സ് ബി കെ 55 കണ്ണൂര്‍ ജേതാക്കള്‍

  ഫൈനല്‍ ഇന്ന് രാത്രി 7 മണിക്ക് ആവേശമായി അഖിലേന്ത്യാ ട്വന്റി 20 ടൂര്‍ണമെന്റ്

  റെഡ് ഫ്‌ളവേര്‍സ് ടി-20 സാങ്കോസ് കപ്പ്; അത്രയാ ഉത്ഭവ് തൃശൂരും സ്‌പോര്‍ട്ടിംഗ് ചട്ടഞ്ചാലും സെമിഫൈനലില്‍

  റെഡ് ഫ്‌ളവേര്‍സ് ടി-20 സാങ്കോസ് കപ്പ് അഖിലേന്ത്യാ ഡേ നൈറ്റ് ക്രിക്കറ്റ് ടൂര്‍ണ്ണമെന്റിന് ഉജ്ജ്വല തുടക്കം

  ജില്ലാ ക്രിക്കറ്റ് അസോസിയേഷന്റെ അഖിലേന്ത്യാ ക്രിക്കറ്റ് ടൂര്‍ണമെന്റ് ഏപ്രില്‍ 26 മുതല്‍