updated on:2016-12-18 04:57 PM
മഞ്ഞപ്പട കൊമ്പുകുലുക്കുമോ; വംഗ നാട്ടുകാര്‍ വമ്പുകാട്ടുമോ? ഇന്നറിയാം

കളിയഴക് കാഴ്ചവെക്കാന്‍...കലാശപ്പോരാട്ടത്തിന് മുന്നോടിയായി അത്‌ലറ്റികോ ഡി കൊല്‍ക്കത്ത ടീം പരിശീലനത്തില്‍
www.utharadesam.com 2016-12-18 04:57 PM,
കൊച്ചി: ഇന്ത്യന്‍ സൂപ്പര്‍ ലീഗിന്റെ കലാശപോരാട്ടത്തില്‍ കേരള ബ്ലാസ്റ്റേഴ്‌സ് അത്‌ലറ്റിക്കോ ഡി. കൊല്‍ക്കത്തയെ നേരിടും. മഞ്ഞപ്പട കൊമ്പുകുലുക്കുമോ അതോ വംഗനാട്ടുകാര്‍ വമ്പു കാട്ടുമോ എന്നറിയാന്‍ മണിക്കൂറുകള്‍ മാത്രം ബാക്കി. ഐ.എസ്.എല്ലിന്റെ പ്രഥമ കലാശപ്പോരാട്ടത്തില്‍ നേര്‍ക്കുനേര്‍ ഏറ്റുമുട്ടിയ ടീമുകളാണ് വീണ്ടും കൊമ്പ് കോര്‍ക്കാന്‍ മൈതാനിയിലിറങ്ങുന്നത്. അന്ന് നേരിട്ട പരാജയത്തിന് കണക്ക് തീര്‍ക്കാനുള്ള അവസരമായാണ് സ്വന്തം തട്ടകത്തിലെത്തിയ കലാശപ്പോരാട്ടത്തെ കേരള ബ്ലാസ്റ്റേഴ്‌സ് ടീം കാണുന്നത്. അന്നത്തെ ടീമില്‍ നിന്ന് കാര്യമായ മാറ്റങ്ങളുമായാണ് ഇരു ടീമുകളും ഇത്തവണ ഐ.എസ്.എല്ലിനെത്തിയത്. അന്ന് കൊല്‍ക്കത്തക്കായി കേരളത്തിന്റെ വല കുലുക്കിയ മുഹമ്മദ് റഫീഖ് ഇന്ന് ബ്ലാസ്റ്റേഴ്‌സിന്റെ താരമാണ്. അത് പോലെ അന്ന് റഫീഖിന് ഗോളടിക്കാന്‍ അവസരം നല്‍കിയ മലയാളി താരം മുഹമ്മദ് റാഫിയും ഇന്ന് മഞ്ഞപ്പടയുടെ ഭാഗമാണ്. പ്രതിരോധത്തിലൂന്നി മികവ് പുറത്തെടുത്ത് കുതിച്ചുകയറിയ ബ്ലാസ്റ്റേഴ്‌സ് ലീഗ് റൗണ്ടില്‍ രണ്ടാം സ്ഥാനക്കാരായാണ് സെമിയില്‍ പ്രവേശിച്ചത്. നാലാം സ്ഥാനക്കാരായാണ് കൊല്‍ക്കത്ത സെമിയിലെത്തിയത്. എന്നാല്‍ സെമിയില്‍ കരുത്തരായ മുംബൈ എഫ്.സി.യെ മുട്ടുകുത്തിച്ചാണ് കൊല്‍ക്കത്ത കലാശപ്പോരാട്ടത്തിന് അര്‍ഹത നേടിയത്. ഡല്‍ഹി ഡൈനാമോസ് ഉയര്‍ത്തിയ വെല്ലുവിളി ടൈബ്രേക്കറിലൂടെ അതിജീവിച്ചാണ് മഞ്ഞപ്പട അവസാന പോരാട്ടത്തിന് ഇടം നേടിയത്. ആക്രമണ മികവുമായി കൊല്‍ക്കത്തയും പ്രതിരോധ കരുത്തുമായി ബ്ലാസ്റ്റേഴ്‌സും പരസ്പരം കൊമ്പുകോര്‍ക്കുമ്പോള്‍ ഐ.എസ്.എല്‍ കലാശപോരാട്ടം മികവുറ്റതായി മാറുമെന്നാണ് ഫുട്‌ബോള്‍ ആരാധകര്‍ കണക്ക് കൂട്ടുന്നത്. സി.കെ വിനീതും മെഹത്താബ് ഹുസൈനും ഹെങ്ങ്ബര്‍ട്ടും കാസര്‍കോടിന്റെ അഭിമാനതാരം മുഹമ്മദ് റാഫിയും കളിയഴക് കാഴ്ച വെച്ചാല്‍ ഐ.എസ്.എല്‍ കിരീടത്തില്‍ മഞ്ഞപ്പടക്ക് മുത്തമിടാനാകും. ആ ഒരു നിമിഷത്തെ പ്രതീക്ഷയായി മുന്നില്‍ കണ്ട് പതിനായിരക്കണക്കിന് കളിപ്രേമികള്‍ കൊച്ചിയിലെത്തിക്കഴിഞ്ഞു. കളി തത്സമയം വീക്ഷിക്കാന്‍ കാസര്‍കോടിന്റെ വിവിധ ഭാഗങ്ങളില്‍ ക്ലബ്ബുകളുടെ നേതൃത്വത്തില്‍ എല്‍.സി.ഡി ക്ലിപ്പിംഗ് സൗകര്യമൊരുക്കുന്നുണ്ട്.
കിരീടം പിടിച്ചെടുക്കാന്‍...കേരള ബ്ലാസ്റ്റേഴ്‌സ് ടീം അവസാനഘട്ട പരിശീലനത്തില്‍



Recent News
  ജില്ലാ ക്രിക്കറ്റ് അസോസിയേഷന്റെ അഖിലേന്ത്യാ ക്രിക്കറ്റ് ടൂര്‍ണമെന്റ് ഏപ്രില്‍ 26 മുതല്‍

  ജില്ലാ സീനിയര്‍ ഡിവിഷന്‍ ലീഗ് ഫുട്‌ബോള്‍: എം.എസ്.സി മൊഗ്രാലിന് ഹാട്രിക്ക് നേട്ടം

  ശ്രീശാന്തിന്റെ ആജീവനാന്ത വിലക്ക് പിന്‍വലിച്ചു

  ജില്ലാ ലീഗ് ക്രിക്കറ്റ്; സ്‌പോര്‍ട്ടിങ് ചട്ടഞ്ചാല്‍ ജേതാക്കള്‍

  അലി മിന്നിത്തിളങ്ങി; ഡിഫറന്റ്‌ലി ഏബിള്‍ഡ് ദേശീയ ക്രിക്കറ്റില്‍ കേരളത്തിന് തിളക്കമാര്‍ന്ന ജയം

  കാറഡുക്കയിലെ വീട്ടമ്മ ഏഷ്യന്‍ മാസ്റ്റേഴ്‌സ് അത്‌ലറ്റിക്ക് ചാമ്പ്യന്‍ഷിപ്പിന്

  സംസ്ഥാന പുരുഷവിഭാഗം സീനിയര്‍ കബഡി ചാമ്പ്യന്‍ഷിപ്പ് 22 മുതല്‍ കുറ്റിക്കോലില്‍

  ജില്ലാ ക്രിക്കറ്റ് അസോ. മുന്‍ പ്രസിഡണ്ടിനെ പുറത്താക്കിയ നടപടി; 21ന് കോടതി വാദം കേള്‍ക്കും

  ജില്ലാ സ്‌പോര്‍ട്‌സ് കൗണ്‍സില്‍: ഹൈക്കോടതി സ്റ്റേ തഴയപ്പെട്ടവര്‍ക്ക് ആശ്വാസമായി

  ജില്ലാ ക്രിക്കറ്റ് അസോസിയേഷന്‍: പ്രസിഡണ്ട് തിരഞ്ഞെടുപ്പിനെതിരെയുള്ള ഹര്‍ജി തള്ളി

  'ടെസ്റ്റ്: ഇന്ത്യക്ക് ചരിത്രവിജയം

  ശക്തരായ പഞ്ചാബിനെതിരെ അസ്ഹറുദ്ദീന് സെഞ്ച്വറി

  സംസ്ഥാന സീനിയര്‍ സോഫ്റ്റ്‌ബോള്‍: കോഴിക്കോട് സെമിയില്‍

  അണ്ടര്‍-14 ജില്ലാ ക്രിക്കറ്റ് ടീമിനെ തുഷാര്‍ ബി.കെ നയിക്കും

  ഏഷ്യന്‍ ബോഡി ബില്‍ഡിംഗ് ചാമ്പ്യന്‍ഷിപ്പില്‍ ഷെരീഫ് കരിപ്പൊടിക്ക് നേട്ടം